Romanos 15:25 - Chayahuita (Shahui)

^25-26 Iporaso nipirinhuëꞌ Quirosarinquëꞌton paꞌsarahuë. Inatohuaꞌ naꞌa imapisopita yaꞌhuëpirinahuëꞌ. Maꞌsha pahuantopi niꞌton, parisitapi. Ina natantahuatonaꞌ, Masitoniaquë imapisopitari inahuara nohuanton yacatahuapi. Acayaquë imapisopitarintaꞌ yacatahuapi. Pahuantërinsopita nosoroatonaꞌ, coriqui yontonpisoꞌ quëtërinaco. Ina quëtontaꞌhuaso marëꞌ paꞌsarahuë.

Romanos 15:25 ပူးပေါင်းရင်းမြစ်များ

Hechos 24:17

Iráca Quirosarinquë yaꞌhuëpirahuëꞌ. Naꞌa piꞌipi aꞌna parti paꞌnahuë quëran iꞌhuamiáchin inaquë paantarahuë. Saꞌahuaroꞌsaꞌ nosoroato, coriqui quëtaꞌhuaso marëꞌ paꞌnahuë. Maꞌsha Yosë quëtaꞌhuaso marëntaꞌ paꞌnahuë.

Hechos 19:21

Ina quëran Paono yonquirin aꞌnapita imapisopita niꞌcoantacaso marëꞌ: “Masitonia parti niꞌcoantarahuë. Acaya partintaꞌ nisha nisha ninanoquë imapisopita niantarahuë. Nani pënëantahuato, Quirosarinquë paantarahuë. Ina quëran Nomaquëꞌpaꞌ pacaꞌhuasoꞌ yaꞌhuërin,” tënin.

Hechos 20:22

Iporaso nipirinhuëꞌ Ispirito Santo natëto, Quirosarinquë paꞌsarahuë. Maꞌsona onpotaponaco nimara, co casoꞌ nitotërahuëꞌ.

Hechos 20:16

“Nanitohuato, Quirosarinquë Pinticostisë tahuëri yanaꞌhuërahuë,” taꞌton, co Paono nohuantërinhuëꞌ Asia parti huaꞌquicasoꞌ. Napoaton manorahuatoi, co Ipisoquë nonshiraihuëꞌ.

Hechos 18:21

“Aꞌna tahuëri Yosë nohuantohuachin, huëantarahuë,” tënin. Ina quëran nanchaquë yaꞌcoantarahuaton, paantarin.

Gálatas 2:10

“Ama saꞌahuaroꞌsaꞌ naniantocosohuëꞌ. Imapisopita aꞌchintocoꞌ maꞌsha quëtacasoꞌ,” itërinacoi. “Coꞌchi naniantaraihuë paya. Nosororai quiyarintaꞌ,” itërahuë.

Hechos 9:13

Ananiasëso nipirinhuëꞌ co yapaꞌninhuëꞌ. “Ina quëmapisoꞌ Sinioro, paꞌpi co noyahuëꞌ, topi natantërahuë. Quirosarinquë quëma imarinënquënsopita chiníquën aparisitërin.

Romanos 12:13

Imapisopita pahuantohuachinaꞌ, maꞌsha quëtocoꞌ. Niꞌtoroꞌsaꞌ yaꞌnotohuachinënquëmaꞌ, noya nontatomaꞌ, aꞌcacoꞌ.

2 Corintios 8:4

“Quiyarintaꞌ aꞌnapita imapisopita catahuaꞌii, topiraihuëꞌ. Cotia parti naꞌcon pahuantopi niꞌton, iso coriqui quëtonquëꞌ,” itërinacoi. Naꞌcon ina pochin nontërinacoi.

2 Corintios 8:6

Iꞌhua chachin Tito shaꞌhuitërinquëmaꞌ niꞌton, canpitantaꞌ yonquiramaꞌ coriqui yontonacamasoꞌ. “Imapisopita pahuantopi niꞌton, aꞌpatahuaꞌ,” tënamaꞌ. Napoaton iꞌhuamiachin Tito itërai: “Naquëranchin paantaton, pënëantaquëꞌ yaꞌipi coriqui yaaꞌpapisoꞌ ananiinaꞌ,” itërai.

Hebreos 6:10

Yosë co topinan anaꞌintarinquëmahuëꞌ. Iráca noya ninamaꞌ. Imapisopita nosoroatomaꞌ, catahuaramaꞌ noya imacaso marëꞌ. Ipora huantaꞌ noya ninosoroaramaꞌ niꞌton, co Yosë naniantarinquëmahuëꞌ.

1 Corintios 16:4

Nanitohuato, cantaꞌ paꞌsamaraco. Paꞌpatosoꞌ, napopináchin paꞌsarai.