Romanos 15:13 - Chayahuita (Shahui)

¹³ Yosëíchin tëhuënchachin catahuarinpoaꞌ chiníquën cancantacasoꞌ. Canpitantaꞌ catahuainquëmaꞌ nóya cancantacamaso marëꞌ. Asanocancainquëmaꞌ. Inasáchin yonquihuatamaꞌ, catahuarinquëmaꞌ. Ispirito Santo yaꞌipi nanitaparin. Catahuahuachinquëmaꞌ, chini chiníquën cancantatomaꞌ, noya ninaramaꞌ.

Romanos 15:13 ပူးပေါင်းရင်းမြစ်များ

Isaías 55:12

Canpitaso quëparinëma quëran, noya cancantatoma huënantaramaꞌ. Yaꞌhuëramaso noꞌpaquë chachin sano cancan quëran huënantaramaꞌ. Motopiroꞌsaꞌ, motopiaꞌhuaroꞌsaꞌ, inapitanta piyapi pochin capa cancantatona cantaponaꞌ. Yaꞌipi nararoꞌsanta piyapi pochin pincaroponaꞌ.

Jeremías 14:8

Maꞌsha onporaiso tahuëriꞌsa nichaꞌërancoi niꞌton, quëmasáchin israiroꞌsacoisoꞌ ninarainquën. Naꞌhuëroꞌsa aꞌna tashiíchin huëꞌëpatërinso pochin ninan. ¡Ama ina pochin nicatonhuëꞌ, catahuacoi!

Joel 3:16

Quirosarin quëran ca Sinioroco camaitato, huira tënëntërinso pochin nisarahuë. Yaꞌipi isoroꞌpaꞌ nacon nacontapon. Piꞌiroꞌtënta nacon nacontapon. Israiroꞌsaso nipirinhuëꞌ, piyapinëhuëpita niꞌton, cari chachin noya paꞌpoyapo.

Juan 14:1

Ina quëran aꞌchintaantarin: “Ama paꞌyancosohuëꞌ. Ama sëtocosohuëꞌ. Yosë natëcoꞌ. Cantaꞌ natëco. ‘Co naniantarincoihuëꞌ,’ taꞌtomaꞌ, nani tahuëri natëco.

Juan 14:27

Pantaporahuëꞌ, asanocancanaranquëmaꞌ. Tata Yosë natëto, co mantaꞌ tëꞌhuatërahuëꞌ. Catahuaaranquëmaꞌ ca pochachin cancantacamaso marëꞌ. Piyapiꞌsaꞌ inahuara co sano cancantopihuëꞌ. Aꞌnaroáchin paꞌyanpi. Carinquëmaso nipirinhuëꞌ catahuaaranquëmaꞌ sano cancantacamaso marëꞌ. Ama paꞌyancosohuëꞌ. Ama tëꞌhuacosohuëꞌ.

Romanos 12:12

“Yosë ananpitaantarinpoaꞌ,” taꞌtomaꞌ, noya cancantocoꞌ. Maꞌsha onpohuatamaꞌ, ama noꞌhuitocosohuëꞌ. Chiníquën cancantatomaꞌ, ahuantocoꞌ. Apira apira Yosë nontocoꞌ.

Romanos 14:17

Yosë noya huaꞌanëntërinpoaꞌ. Ina imapatëhuaꞌ, noya nisarëhuaꞌ. Asanocancanarinpoaꞌ niꞌton, co ninoꞌhuicasoꞌ yaꞌhuërinhuëꞌ. Yosësoꞌ, caꞌnëhuasoꞌ, oꞌorëhuasoꞌ, inapita co onpopinchin yonquirinhuëꞌ. Ispirito Santo catahuarinpoaꞌ noya cancantahuasoꞌ. Catahuahuachinpoaꞌ, capa cancantarihuaꞌ.

Romanos 15:19

Tëhuënchachin Ispirito Santo ananitërinco niꞌton, naꞌa caniaꞌpiroꞌsaꞌ aꞌnaroáchin anoyatërahuë Yosë natëcaiso marëꞌ. Ina niꞌsahuatonaꞌ, natëpi. Ispirito Santori yaꞌcoancantërin niꞌton, imapi. Quirosarinquë aꞌchintërahuë. Ina quëran paꞌsápato, Iriricoquë huarëꞌ Quisocristo nanamën aꞌchintëraꞌpiarahuë. Yaꞌipi parti pënëntërahuë.

Romanos 15:5

Yosësoꞌ catahuarinpoaꞌ yaꞌipiya ahuantacasoꞌ. Ina achinicancaninpoaꞌ, ina pochin cancantacaso marëꞌ. Ina catahuainquëmaꞌ noya ninicatomaꞌ yaꞌhuëcamaso marëꞌ. Quisocristo naporinso pochachin nicoꞌ.

1 Corintios 2:4

Co naꞌcon nitotonaꞌpi pochin nontëranquëmahuëꞌ. Ispirito Santo chachin catahuarinco nanamën nóya aꞌchinaꞌhuaso marëꞌ. Inasoꞌ yaꞌipi nanitaparin. Natanpatamaꞌ, “Yosë nanamën chachin aꞌchintërinpoaꞌ,” taꞌtomaꞌ, natëramaꞌ.

2 Corintios 9:8

Yosë yaꞌipi nanitaparin. Nosoroatënquëmaꞌ, naꞌcon catahuarinquëmaꞌ noya nicacamasoꞌ. Nani tahuëri catahuarinquëmaꞌ. Ina catahuahuachinquëmaꞌ, noya cancantaramaꞌ. Ina nohuanton, yaꞌhuëtarinquëmaꞌ aꞌnapitantaꞌ quëtacaso marëꞌ.

Gálatas 5:22

Nipirinhuëꞌ, Ispirito Santo natëhuatëhuaꞌ, catahuarinpoaꞌ ninosorocasoꞌ. Catahuahuachinpoaꞌ, Yosë nohuitatëhuaꞌ, capa cancantarihuaꞌ. “Yosë noya niꞌsarinco,” taꞌtëhuaꞌ, sano cancantarihuaꞌ niꞌton, noya ninicatëhuaꞌ yaꞌhuarihuaꞌ. Piyapiꞌsaꞌ noꞌhuipirinpoahuëntaꞌ, co yanoꞌhuirihuahuëꞌ. Maꞌsha onpohuatëhuantaꞌ, ahuantarihuaꞌ. Nosoroatëhuaꞌ, nóya nontarihuaꞌ. Ispirito Santo catahuahuachinpoaꞌ, noya nicarihuaꞌ. Noꞌtëquën nontarihuaꞌ; co piꞌpisha tërantaꞌ nonpintarihuahuëꞌ.

Efesios 1:2

Inaora nohuanton, Tata Yosë catahuainquëmaꞌ. Asanocancainquëmaꞌ. Sinioro Quisocristontaꞌ inapochachin catahuainquëmaꞌ.

1 Tesalonicenses 1:5

Quisocristo nanamën aꞌchintohuatëinquëmara, co topinan quëran aꞌchintërainquëmahuëꞌ. Ispirito Santo chachin catahuarincoi aꞌchinaꞌhuaisoꞌ. Canpitantaꞌ catahuarinquëmaꞌ noya natanacamaso marëꞌ. “Noꞌtëquën nontërinpoaꞌ,” taꞌtomaꞌ, yaꞌipi cancanëma quëran natëramaꞌ. Ina nicatoi: “Tëhuënchachin Yosëri huëntonënquë ayaꞌconin,” tënai. Canpitataquë yaꞌhuapoi, noya imarai canpitantaꞌ noya imacamaso marëꞌ.

1 Timoteo 1:1

Ca Paonoco ninshitaranquën, niꞌquëꞌ. ¿Noya, yaꞌhuaran? Noya cantaꞌ yaꞌhuarahuë. Yosë nohuanton, Quisocristo acorinco nanamën aꞌchinaꞌhuaso marëꞌ. Yosë chachin anoyacancantërinpoaꞌ. Oshanënpoaꞌ inquitatonpoaꞌ, nichaꞌërinpoaꞌ. Quisocristo imatëhuaꞌ, ina ninarëhuaꞌ. Aꞌna tahuëri inápaquë quëpantarinpoaꞌ.

Hebreos 6:11

Chiníquën cancantatomaꞌ, yaꞌipinquëmaꞌ imamiatocoꞌ. “Yosë co naniantarinpoahuëꞌ. Aꞌna tahuëri yaꞌhuërinꞌpaꞌ quëpantarinpoaꞌ,” taꞌtomaꞌ, chiminaquë huarëꞌ nóya imacoꞌ.

1 Pedro 1:8

Quisocristo co onporontaꞌ quënanapomarahuëꞌ, nosororamaꞌ. Ipora huantaꞌ co nicapomarahuëꞌ, “Co nonpintarincohuëꞌ. Catahuarinco,” taꞌtomaꞌ, ina natëramaꞌ. Cancanëma quëran ina nohuitatomaꞌ, nóya cancantëramaꞌ. Ina yonquiatomaꞌ, capa cancantëramaꞌ.

1 Samuel 1:18

—Maꞌcha inachachin aꞌna tahuërinta noya niantarancohuë paya, itaantarin Anari. Ina quëran inaso paantarahuaton, coshatoonin. Naporahuaton co huachi sëtërinhuëꞌ.