Romanos 14:22 - Chayahuita (Shahui)

²² Maꞌsona tërantaꞌ nipatamaꞌ, “Yosë nohuantërinsoꞌ nisarahuë,” taꞌtomaꞌ, noya nicoꞌ. Cancanënpoa quëran huarëꞌ: “Noya nisarahuë,” topatëhuaꞌ, noya cancantarihuaꞌ.

Romanos 14:22 ပူးပေါင်းရင်းမြစ်များ

1 Juan 3:21

Napoaton iyaroꞌsaꞌ, cancanënpoa quëran aꞌnaya aꞌnayanpoaꞌ yonquiaꞌahuaꞌ. “Yosë noya niꞌsarinco,” topatëhuaꞌ, co Yosë tëꞌhuatarihuahuëꞌ. Co tëꞌhuatatëhuahuëꞌ, nani tahuëri ina nontarihuaꞌ.

Romanos 14:5

Inapochachin aꞌnaquën: “Cotio chinoto tahuëri noya noya,” topi. Naporoꞌ tahuëri chinotatonaꞌ, Yosë chinotopi. Aꞌnapitaso nipirinhuëꞌ “Nani tahuëri noya Yosë chinotacasoꞌ,” topi. Co tahuëri imarëhuahuëꞌ. Quisocristo imarëhuasoꞌ. Napoaton ama nisha nisha yonquicosohuëꞌ. Aꞌnaya aꞌnayanquëmaꞌ cancanëma quëran naꞌcon yonquicoꞌ noya nicacamaso marëꞌ.

Santiago 3:13

¡Tëhuënchachin noya yonquihuatamaꞌ, noya nisaramaꞌ! Napoaton noya nicoꞌ aꞌnapitantaꞌ noya yonquiramasoꞌ nitochinaꞌ. “Co canpoara noya nitotërëhuahuëꞌ. Yosëíchin catahuarinpoaꞌ noya yonquicasoꞌ,” taꞌtomaꞌ, noya nicoꞌ.

Gálatas 6:1

Ispirito Santo natëtomaꞌ noya cancantohuatamaꞌ, aꞌnapitantaꞌ catahuacoꞌ ina pochin cancanchinaꞌ. Aꞌnasoꞌ co noyahuëꞌ nipachin, ama noꞌhuicosohuëꞌ. Sanoanan quëran pënënatomaꞌ, catahuacoꞌ co noyahuëꞌ yonquirinsopita nanianchin. Niꞌcona canpitantaꞌ sopai minsëchinquëmaꞌ.

Romanos 14:23

Napoaponahuëꞌ: “Co Yosë nohuantërinhuëꞌ iso cosharo capacahuasoꞌ,” tarihuarahuëꞌ, caꞌpatëhuaꞌ, oshahuanarihuaꞌ. Ina pochin yonquiarihuarahuëꞌ maꞌsona tëranta nipatëhuaꞌ, oshahuanarihuaꞌ. Nipirinhuëꞌ, “iso cosharo noya capacasoꞌ,” tëcaton caꞌpatan, co oshahuanaranhuëꞌ.

2 Corintios 1:12

Yosë niꞌsárincoi niꞌton, noꞌtëquën shaꞌhuitarainquëmaꞌ. Co piꞌpian tërantaꞌ nonpintërainquëmahuëꞌ. Noyápiachin cancantatoi, yaꞌipi parti aꞌchinai. Co quiyaora yonquinëhuëi quëran aꞌchintërainquëmahuëꞌ. Yosë inaora nohuanton, catahuarincoi niꞌton, noya ninai. Ina marëꞌ noya cancantërai.

Romanos 14:14

Yaꞌipi cosharoꞌ noya capacasoꞌ. Co mantaꞌ aꞌpocasoꞌ yaꞌhuërinhuëꞌ. Sinioro Quisoso imato, naporahuë. Napoaton nitotërahuë. Aꞌnaquënso nipirinhuëꞌ: “Co Yosë nohuantërinhuëꞌ nosha capacasoꞌ,” taponaraihuëꞌ, caꞌpachinaꞌ, tëhuënchachin oshahuanpi.

Romanos 14:2

Aꞌnaquënsoꞌ “Quisocristoíchin nichaꞌërinpoaꞌ niꞌton, yaꞌipi cosharoꞌ noya capacasoꞌ,” taꞌtonaꞌ yaꞌipi caꞌpi. Aꞌnapitaso nipirinhuëꞌ, “Nosha caꞌpatëhuaꞌ, oshahuanëhuaꞌ,” taꞌtonaꞌ yaꞌipi nosha aꞌpopi.

Hechos 24:16

Napoaton nani tahuëriya Yosë noꞌtëquën yanatërahuë. Piyapiꞌsantaꞌ co yanonpintërahuëꞌ.

Romanos 7:24

¡Maꞌhuantacha casoꞌ ninahuë paya! ¿Incha ipora nichaꞌëinco co noyahuëꞌ yonquirahuësoꞌ naniantaꞌhuaso marëꞌ? tënahuë.

Romanos 7:15

Noya nisarahuë, topirahuëꞌ, aꞌnaroáchin co noyahuëꞌ yaninahuë. Co yaoshahuanpirahuëꞌ, oshahuanahuë. Onpoatosoꞌ napomaraco, co nitotërahuëꞌ.

Romanos 2:1

Aꞌnaquëmaꞌ iyaroꞌsaꞌ piyapiꞌsaꞌ yonquirapiratomaꞌ: “Pasoꞌ quëmapi co noyahuëꞌ ninin,” tënamaꞌ. Napoapomarahuëꞌ, ina pochachin canpitantaꞌ co noyahuëꞌ ninamaꞌ. Napoatomaꞌ, ninaꞌintaramaꞌ.

1 Corintios 8:7

Napoaponahuëꞌ, aꞌnaquënsoꞌ co ina nitochátërapihuëꞌ. Iráca mamanshi chinotopirinahuëꞌ, Quisocristo imapachinara, mamanshi aꞌpopi. Aꞌpopirinahuëꞌ, ipora huantaꞌ co cancanëna quëran natëyátërapihuëꞌ. “Nosha mamanshi marëꞌ tëpapisoꞌ caꞌpatëhuaꞌ, mamanshi chachin chinotarëhuaꞌ,” taponaraihuëꞌ caꞌpachinaꞌ: “Oshahuanëhuaꞌ,” taꞌtonaꞌ, co huachi noyápiachin cancantopihuëꞌ.