Romanos 14:13 - Chayahuita (Shahui)

¹³ Napoaton ama huachi ninocancosohuëꞌ. Aꞌnapita imapisopita catahuacoꞌ noya cancanchinaꞌ. Niꞌcona anishacancantotamaꞌ.

Romanos 14:13 ပူးပေါင်းရင်းမြစ်များ

2 Corintios 6:3

Napoaton noyasáchin ninai ama aꞌna piyapi tërantaꞌ nisha cancantacaso marëhuëꞌ. Co noyahuëꞌ ninai naporini, aꞌnapitantaꞌ nicatonacoi, co Yosë imaitonahuëꞌ.

Santiago 4:11

Ama iyaroꞌsaꞌ nipinocosohuëꞌ. Ama coisë pochin cancantatomaꞌ, aꞌnapita noꞌhuicosohuëꞌ. Piꞌpisha tërantaꞌ nanan yaꞌhuëhuachin, ama apancatahuatomaꞌ, nishaꞌhuirapicosohuëꞌ. Quisocristo imaramaꞌ niꞌton, iyaparin pochachin ninosorocasoꞌ yaꞌhuërin. Pinopatamaꞌ, co nosoroaramahuëꞌ. Yosë pënënpirinpoahuëꞌ. “Yaꞌipi piyapiꞌsaꞌ nosorocoꞌ,” itopirinpoahuëꞌ, “Co nosorocasoꞌ yaꞌhuërinhuëꞌ,” taꞌtomaꞌ, pinoramaꞌ. Canpitaora yonquinëma quëran pinotatomaꞌ, co Yosë natëramahuëꞌ.

Lucas 12:57

“¿Onpoatomataꞌ canpitaora cancanëma quëran co noꞌtëquën yonquiramahuëꞌ?

Mateo 7:1

Naquëranchin Quisoso pënëntaantarin. “Ama iyaroꞌsaꞌ aꞌnapita nocancosohuëꞌ. ‘Pasoꞌ quëmapi co noyahuëꞌ,’ ama tocosohuëꞌ, Yosë anaꞌintochinquëmaꞌ.

Romanos 16:17

Quisocristo nanamën nóya aꞌchintërinënquëmaꞌ. Aꞌnaquënso nipirinhuëꞌ co noꞌtëquën aꞌchinpihuëꞌ. Yaanishacancantopi. Niꞌcona, iyaroꞌsaꞌ, nonpintochinënquëmaꞌ. Insëquësona aꞌchintohuachinara, nisha nisha yonquiapi. Ama inapita natancosohuëꞌ. Tananpitocoꞌ paꞌinaꞌ.

Romanos 14:10

Ayaroꞌ tahuëri yaꞌipinpoaꞌ natanarinpoaꞌ co noyahuëꞌ nipisopita anaꞌintacaso marëꞌ. ¿Onpoatontaꞌ nipachin iyaparin nocanan? Co ina pochin nicacasoꞌ yaꞌhuërinhuëꞌ. Yosëíchin noꞌtëquën anitotarinpoaꞌ.

Lucas 17:2

Coꞌhuara huaꞌhuaroꞌsa tërantaꞌ anishacancanchátërasohuëꞌ, marëquë chimiitërin naporini, noya noya niitonhuëꞌ. Pancaraꞌpiquë aꞌsonconotahuatonaꞌ, tëꞌyaitopi naporini, co aquëtëꞌ oshahuaintonhuëꞌ. Aꞌnaquëntaꞌ imasapirinacohuëꞌ, co chiníquën cancanchatërapihuëꞌ. Huaꞌhuaroꞌsaꞌ pochin cancantopi. Inapita anishacancantohuachinaꞌ, Yosëri anaꞌintarin.

Apocalipsis 2:14

co yaꞌipinquëmaꞌ noꞌtëquën imaramacohuëꞌ. Aꞌnaquëmaꞌ Paramo pochin cancantëramaꞌ. Iráca inasoꞌ Yosë nanamën nitotopirinhuëꞌ, Yosë piyapinënpita nonpintërin. Inimiconënpita huaꞌanën shaꞌhuitërin anishacancantacaiso marëꞌ, Paraco itopisoꞌ. Inari shaꞌhuitohuachina, anishacancantopi. Nisha cancantatonaꞌ, mamanshi moshapi. Moshatonaꞌ, nosha mamanshi marëꞌ acopisontaꞌ caꞌpi. Naporahuaton, monshihuanapi.

Santiago 2:4

¿Coꞌta ina pochin nipatamaꞌ, co napopianachin nosororamahuëꞌ? Cancanënpoa quëran huarëꞌ Yosë niꞌsarinpoaꞌ nipirinhuëꞌ, co ina pochin yonquiramahuëꞌ. Co noyahuëꞌ yonquiramaꞌ.

1 Corintios 11:13

Iporasoꞌ iyaroꞌsaꞌ, imoyaroꞌsaꞌ, cancanëma quëran yonquicoꞌ noya nicacamaso marëꞌ. Niyontonpatamaꞌ, ¿noya ipora sanapiꞌsaꞌ co niimomototaponaraihuëꞌ Yosë nontacaisoꞌ to?

1 Corintios 10:32

Ama insontaꞌ anishacancantocosohuëꞌ. Cotioroꞌsaꞌ, nisha piyapiꞌsaꞌ, Quisocristo imapisopita, yaꞌipiya nosorocasoꞌ yaꞌhuërin.

Romanos 14:4

Co aꞌnapita piyapinën nocanacaso yaꞌhuërinhuëꞌ. Piyapinën noya nipachina, co noyahuëꞌ nipachinantaꞌ huaꞌanëni nitotarinsoꞌ. Yosëíchin yaꞌipinpoaꞌ huaꞌanëntërinpoaꞌ niꞌton, noꞌtëquën shaꞌhuitarinpoaꞌ. Inasáchin nanitërin achinicancainpoasoꞌ. Co canpoa capinisoꞌ ninocanacasoꞌ yaꞌhuërinhuëꞌ.

Mateo 18:7

Isoroꞌpaquë sacaiꞌ Yosë imacasoꞌ. Nisha nisha yaꞌhuërin piyapiꞌsaꞌ anishacancantacaisoꞌ. Ina marëꞌ oshahuanpi. Anishacancantonaꞌpiso nipirinhuëꞌ, naꞌcon naꞌcon oshahuanin. Yosëri chiníquën anaꞌintarin niꞌton, ¡maꞌhuantacha nisarin paya!

Mateo 16:23

Quisosori tahuërëtahuaton, itërin. —¡Taꞌtëquëꞌ iyasha! Sopai nohuanton, napotëranco. ¿Yaanishacancantëranco ti? Co Yosë pochin yonquiranhuëꞌ. Piyapinquën niꞌton, quëmaora nohuantëransoachin yonquiran, itërin Quisosori.

1 Juan 2:10

Imaramasopita capini ninosorohuatamaꞌ, tahuëri pochin cancantaramaꞌ. Ina pochin nipatamaꞌ, noꞌtëquën imaramaꞌ.

1 Timoteo 5:14

Napoaton nanoꞌsaꞌ soꞌinari ayananpihuachinaꞌ, soꞌyantaꞌinaꞌ, tënahuë. Soꞌyantatonaꞌ, huaꞌhuaantaꞌinaꞌ. Soꞌinaꞌ, huaꞌhuinpita, inapita nocomahuachinaꞌ, noya nisapi. Napohuachinaꞌ, co aꞌnapitari pinosapihuëꞌ.

Filipenses 1:10

Yosë nanamën naꞌcon yonquihuatamaꞌ, noya noya nitotatomaꞌ, noya nisaramaꞌ. Noꞌtëquën yonquihuatamaꞌ, noyápiachin cancantaramaꞌ. Noyasáchin nipatamaꞌ, Quisocristo oꞌmantahuachina, nóya niꞌsarinquëmaꞌ. Co anaꞌintarinquëmahuëꞌ.

2 Corintios 5:14

“Quisocristo naꞌcon nosororinpoaꞌ,” taꞌtoi, nanamën aꞌchinárai. Canpoa marëꞌ inasoꞌ chiminin. Ina imapatëhuaꞌ, canpoantaꞌ chiminëhuaso pochin niꞌninpoaꞌ.

Romanos 11:9

Iráca Tapintaꞌ tapon: “Yosë noꞌhuipi niꞌquëhuarëꞌ, anaꞌinchin. Nani maꞌsha yaꞌhuëtopirinahuëꞌ, co Yosë yonquipihuëꞌ. Coshatatonaꞌ, capa cancantapirinahuëꞌ, ina quëran chachin nitapicancainaꞌ. Yosëri anaꞌinchin.

2 Samuel 12:14

Napoaponahuëꞌ, co noyahuëꞌ ninanso marëꞌ inimiconënpitari Yosë nocanpi. Inapotopi niꞌton, huiꞌnan nasha huaꞌhuatërinsoꞌ, chiminacaso yaꞌhuërin, itërin.

Levítico 19:14

Ama nëꞌhuëyaroꞌsa co noyahuë yaꞌhuëcaiso marëꞌ, shaꞌhuitocosohuëꞌ. Ama iraquë somarayaroꞌsa iꞌpacaiso marëꞌ maꞌsha acotocosohuëꞌ. Ca Sinioroco napotaranquëmaꞌ.

Romanos 14:3

Nosha caꞌpatamaꞌ, ama nosha aꞌporoꞌsaꞌ nocancosohuëꞌ. Nosha aꞌpohuatamantaꞌ “Nosha caꞌnamaꞌ niꞌton, co noyahuëꞌ ninamaꞌ,” ama itocosohuëꞌ. Cato chachinquëmaꞌ Yosë noya niꞌninquëmaꞌ niꞌton, ama ninapotocosohuëꞌ.