Romanos 13:8 - Chayahuita (Shahui)

⁸ Nihuitohuatamaꞌ, aꞌnaroáchin pahuërëtocoꞌ. Yaꞌipi piyapi nosorocoꞌ. Inasoꞌ naꞌcon naꞌcon Yosë nohuantërin. Nosorohuatamaꞌ, iráca pënëntërinsoꞌ noya natëaramaꞌ.

Romanos 13:8 ပူးပေါင်းရင်းမြစ်များ

Mateo 7:12

Noya ninosorocasoꞌ yaꞌhuërin. Canpitasoꞌ nohuantëramaꞌ aꞌnapita nosoroinënquëmasoꞌ. Napoaton canpita nohuantëramaso chachin inapitantaꞌ nosorocoꞌ. Ninosoroatomaꞌ, nicatahuacoꞌ. Yosë nohuanton, Moisësë, pënëntonaꞌpiroꞌsaꞌ, inapita naꞌcon pënënpirinënquëmahuëꞌ, ninosorocasoꞌ naꞌcon naꞌcon nohuantërin. Ninosorohuatamaꞌ, noya imasaramaꞌ, tënahuë,” itërin Quisosori.

Juan 13:34

Iporasoꞌ nasha pochin pënënaranquëmaꞌ noya ninosorocamaso marëꞌ. Carinquëma nosororanquëmaso pochachin, imaramacosopita capinintaꞌ ninosorocoꞌ.

Romanos 13:10

Aꞌnapita nosorohuatamaꞌ, co noꞌhuiaramahuëꞌ. Co pinosaramahuëꞌ. Nóya catahuaramaꞌ. Napoaton nosorohuatamaꞌ, Yosë nóya natëarama huachi.

Romanos 13:7

Yaꞌipiya noꞌtëquën pahuërëtocoꞌ. Huaꞌanoꞌsaꞌ catahuacaso marëꞌ pahuërëtacasoꞌ yaꞌhuëhuachinaꞌ, quëtocoꞌ. Chiníquën nanantopi niꞌton, noya nicatomaꞌ, natëcoꞌ.

Gálatas 5:14

Iráca Yosë pënëntohuachina, ninosorocasoꞌ naꞌcon naꞌcon nohuantërin. “Quëmaora ninosororanso pochachin aꞌnapitantaꞌ nosorocoꞌ,” tënin.

Colosenses 3:14

Nóya ninosorocoꞌ. Ina naꞌcon naꞌcon Yosë nohuantërin. Noya ninosorohuatëhuaꞌ, noya noya nisarëhuaꞌ. Inapohuatëhuaꞌ, tëhuënchachin nóya cancantarihuaꞌ.

1 Timoteo 1:5

Noꞌtën nanansáchin imapatëhuaꞌ, catahuarinpoaꞌ noya ninosorocasoꞌ. Noyápiachin cancantohuatëhuaꞌ, co nisha nisha yonquiarihuahuëꞌ. Ina quëran cancanënpoa quëran huarëꞌ natëarihuaꞌ. Ina pochin cancantohuatëhuaꞌ, noya nosoroarihuaꞌ. Ina Yosësoꞌ nohuantërin.

Santiago 2:8

Yosë quiricanën quëran noya noya pënëninpoaꞌ. “Quëmaora ninosororanso pochachin aꞌnapitantaꞌ nosorocoꞌ,” itërinpoaꞌ. Yaꞌipi piyapiꞌsaꞌ nosorohuatamaꞌ, noya nisaramaꞌ.

1 Juan 3:10

Co sacaihuëꞌ Yosë huiꞌninpita nohuitacasoꞌ. Noyasáchin nipatëhuaꞌ, Yosë huiꞌninpita pochin nisarëhuaꞌ. Nipirinhuëꞌ, co noyahuëꞌ nipachinaꞌ, co Yosë huëntonënquë yaꞌconpihuëꞌ. Co imapisopita nosorohuachinahuëꞌ, co Yosë huiꞌninpita pochin nisapihuëꞌ. Sopai huiꞌninpita pochin nisapi. Co noyahuëꞌ cancantopi quëran sopai huiꞌninpita nohuitarëhuaꞌ.