Romanos 13:4 - Chayahuita (Shahui)

⁴ Yosëri acorin aꞌpainënpoaso marëꞌ. Nipirinhuëꞌ, co noyahuëꞌ nipatamaꞌ, tëꞌhuatocoꞌ. Co topinan quëran chiníquën nanan quëtërinhuëꞌ. Yosëri acorin co noyahuëꞌ nipisopita anaꞌintacaso marëꞌ.

Romanos 13:4 ပူးပေါင်းရင်းမြစ်များ

1 Reyes 10:9

Sinioroso Yosënën niꞌton, noya nicatënquën acorinquën israiroꞌsa huaꞌanëntamaso marëꞌ. Inasoꞌ, israiroꞌsa nosororinsoꞌ co onporonta nishatarinhuëꞌ. Napoaton, noꞌtëquën huaꞌanëntacaso marëꞌ acorinquën. ¡Ma noyacha Sinioroso paya!” itërin.

Proverbios 20:2

Copirno noꞌhuitohuachinasoꞌ, paꞌpiniꞌ përarinso pochin ninin. Insoariso anoꞌhuitohuachin, chimirin yonitë pochin nisarin.

Proverbios 20:8

(-)

Isaías 1:17

¡Noya nicacamasoꞌ nitotocoꞌ! Aꞌnapita napopináchin nicacamaso marëꞌ cancantocoꞌ. Saꞌahuaroꞌsaꞌ, quëyoronoꞌsaꞌ, inapita catahuatoma paꞌpoyacoꞌ.

Miqueas 3:9

Naquëranchin Sinioro pënëntaantarin: “Israiro huaꞌanoꞌsanquëmaꞌ, ipora chachin pënëantaꞌinquëma natanco: ‘Canpitaso noya nicacasoꞌ co paꞌyatëramahuëꞌ. Napoatoma noya nisapisopitantaꞌ, anaꞌintoconamaꞌ.

Romanos 12:19

Nosoroatënquëmaꞌ iyaroꞌsaꞌ, oshaquëran pënënanquëmaꞌ. Ama iꞌhuërëtocosohuëꞌ. Tananpitocoꞌ Yosëri anaꞌinchin. Quiricanën quëran naporin: “Co noyahuëꞌ nipisopita cari anaꞌintarahuë. Noꞌtëquën anaꞌintarahuë,” tënin Yosë.

Romanos 13:6

Ina nohuanton, huaꞌanoꞌsaꞌ yaꞌhuërin noya nicacaiso marëꞌ. Ina marëꞌ nani tahuëri sacatapi. Napoaton pahuërëtacasoꞌ camaitërinsoꞌ pahuërëtaramaꞌ.

1 Tesalonicenses 4:6

Aꞌna quëmapi saꞌin ama sëꞌhuacosohuëꞌ. Ama ina pochin niꞌtomaꞌ, soꞌin nonpintocosohuëꞌ. Sëꞌhuahuatamaꞌ, Yosë noꞌtëquën anaꞌintarinquëmaꞌ. Iráca inachachin chiníquën pënënainquëmaꞌ.

1 Pedro 2:14

Ninano huaꞌanoꞌsaꞌ, chirinchiroꞌsaꞌ, sontaroꞌsaꞌ, ponisiaroꞌsaꞌ, inapita acorin piyapiꞌsaꞌ aꞌpaicaiso marëꞌ. Co noyahuëꞌ nipachinaꞌ, anaꞌintapi. Noya nipachinaꞌ, noya niꞌsapi. Inapitantaꞌ natëcoꞌ.