Romanos 13:2 - Chayahuita (Shahui)

² Co copirno acorinsopita natëhuatamahuëꞌ, Yosëntaꞌ co natëaramahuëꞌ. Ina marëꞌ anaꞌintarinquëmaꞌ.

Romanos 13:2 ပူးပေါင်းရင်းမြစ်များ

Éxodo 16:8

Ina quëran Moisësë taantarin: —Iꞌhuanahuanquë Sinioro, nosha quëtarinquëma capamaso marëꞌ. Tashiramiachintaꞌ, huaꞌhuayátërahuë cosharo quëtarinquëmaꞌ. Nani nataninquëma pinoramaso niꞌton, napotarinquëmaꞌ. Quiya mini noꞌhuipiramacoihuëꞌ, Sinioro nohuanton pipirama niꞌton, ina pinorama huachi, itërin.

Isaías 58:2

Isopochin shaꞌhuitëquëꞌ: ‘Canpitaso nani tahuëri yonquiramaco. Imatomaco onpopinsona nanpicamasoꞌ nitotëramaꞌ. Napoaton noya cancantaramaꞌ. Noyasáchin ninaꞌpiroꞌsa pochin ninamaꞌ. Camaitërahuësopitantaꞌ, co naniantëramasohuë pochin ninamaꞌ. Noꞌtëquënáchin pënënaꞌhuanquëmasoꞌ nohuantëramaꞌ. Natëtomaco noya ancantëramaso pochin ninamaꞌ.

Mateo 23:13

Ina quëran Quisosori cotio maistroꞌsaꞌ, parisioroꞌsa inapita pënënaton itapon: “Cotio maistroꞌsanquëmaꞌ, parisioroꞌsanquëmaꞌ, canpitaso nonpintënquëma niꞌton, ¡maꞌhuantacha nisarama paya! Co noꞌtëquën aꞌchinamahuëꞌ niꞌton, Yosë iranën yaꞌcopiatë pochin nitëramaꞌ. Co noꞌtëquën Yosë imatomahuëꞌ, co canpita tërantaꞌ Yosë huaꞌanëntërinquë yaꞌconaramahuëꞌ. Aꞌnapitantaꞌ yayaꞌconpirinahuëꞌ, co catahuaramahuëꞌ yaꞌconacaisoꞌ. Canpita nonaninënquëmaꞌ niꞌton, inapitantaꞌ co yaꞌconpihuëꞌ. [

Marcos 12:40

Noya nonaponaraihuëꞌ, aꞌnaya aꞌnaya quëyoronoꞌsaꞌ nonpintatonaꞌ, maꞌshanënapita matopi. Ama noninacaiso marëhuëꞌ huaꞌquiꞌ Yosë nontopirinahuëꞌ, co cancanëna quëran natëpihuëꞌ. Ina marëꞌ aquë aquëtëꞌ Yosëri anaꞌintarin,” tënin.

Lucas 20:47

Noya nonaponaraihuëꞌ, aꞌnaya aꞌnaya quëyoronoꞌsaꞌ nonpintatonaꞌ, maꞌshanënpita matopi. Ama noninacaiso marëhuëꞌ huaꞌquiꞌ Yosë nontopirinahuëꞌ, co cancanëna quëran natëpihuëꞌ. Ina marëꞌ aquë aquëtëꞌ Yosëri anaꞌintarin,” itërin.

Romanos 13:1

Copirno acorinsopita natëcoꞌ. Yosë nohuanton, copirno, chirinchi, coisë, huaꞌan, inapita yaꞌhuërin. Co Yosë nohuantërinhuëꞌ naporini, co inapita yaꞌcointonahuëꞌ. Napoaton natëcoꞌ.

Romanos 13:3

Noya nipatamaꞌ, co huaꞌanoꞌsaꞌ noꞌhuiarinënquëmahuëꞌ. Co natëhuatamahuëꞌ, noꞌhuiarinënquëmaꞌ niꞌton, tëꞌhuatacasoꞌ yaꞌhuërin. ¿Nohuantëramaꞌ huaꞌanoꞌsaꞌ noya nicainënquëmasoꞌ? Noya nicoꞌ nipachin noya niꞌinënquëmaꞌ.

Romanos 13:5

Napoaton huaꞌanoꞌsaꞌ natëcoꞌ anaꞌintochinënquëmaꞌ. Isontaꞌ yonquicasoꞌ yaꞌhuërin: “Yosëri acorin natëcaso marëꞌ,” taꞌtomaꞌ, natëcoꞌ.

Romanos 9:19

Ina natanatomaꞌ, aꞌnaquëmaꞌ co noyahuëꞌ yonquiramaꞌ: “Yosë nohuanton, aꞌnaquën natëpi. Co yaꞌipiya natëpihuëꞌ. Maꞌsona Yosë nohuantërinsoichin nipirëhuahuëꞌ. ¿Onpoatontaꞌ nipachin anaꞌintarinpoaꞌ? ¡Co insontaꞌ nanitërinhuëꞌ Yosë nohuantërinsoꞌ canpiacasoꞌ!” toconamaꞌ.

Tito 3:1

Imapisopita nani nitotopirinahuëꞌ, inachachin quëmarintaꞌ pënëantaquëꞌ. “Copirno natëcoꞌ,” itëquëꞌ. Yaꞌipi copirno acorinsopitantaꞌ natëcasoꞌ yaꞌhuërin. Noya nicacaisoꞌ yonquiꞌinaꞌ.

Santiago 3:1

Ama iyaroꞌsaꞌ naꞌanquëmaꞌ cortoquë pënëntocosohuëꞌ. Piyapiꞌsaꞌ pënënpirëhuahuëꞌ co canpoa tërantaꞌ noya nipatëhuahuëꞌ, aquëtë chachin Yosë anaꞌintarinpoaꞌ.

1 Pedro 2:13

Sinioro imaramaꞌ niꞌton, huaꞌanoꞌsaꞌ natëcoꞌ. Yaꞌipi acorinsopitantaꞌ natëcoꞌ. Copirnosoꞌ chini chiníquën nanantërin niꞌton, natëcasoꞌ yaꞌhuërin.