Romanos 12:18 - Chayahuita (Shahui)

¹⁸ Ama piyapiꞌsaꞌ noꞌhuicosohuëꞌ. Noꞌhuihuachinënquëmaꞌ, ama canpitarisoꞌ noꞌhuicosohuëꞌ. Onpopiontaꞌ nanan anoyatocoꞌ.

Romanos 12:18 ပူးပေါင်းရင်းမြစ်များ

Génesis 21:24

Napotohuachina Apraan tapon: —Yoscoarëꞌ co maꞌsha onpotaranquëmahuëꞌ, itërin.

Salmos 34:14

Co noyahuëꞌ ninansopita aꞌporahuaton, noyasáchin niquë huachi. Naporahuaton sano yaꞌhuëcamaso cancantëquëꞌ. Sano yaꞌhuëaton ina pochin yaꞌhuëquëꞌ.

Proverbios 3:30

Ama topinan quëran noꞌhuitëquësohuëꞌ. Co maꞌsha onpotopirinquënhuëꞌ noꞌhuihuatan, co noyahuëꞌ nisaran.

Mateo 5:24

aꞌnaroáchin paatomaꞌ, anoyatocoꞌ. Nani nanan anoyatohuatamaꞌ, naporo huarëꞌ Yosë pëinënquë paantacoꞌ. Yosë chinotatomaꞌ maꞌsha yaquëtëramasoꞌ, quëtoco huachi.

Mateo 5:5

Sano piyapi nipatamaꞌ, Yosë noya niꞌsarinquëmaꞌ. Naporahuaton, aꞌna tahuëri nasharoꞌpaquë yaꞌhuëmiataramaꞌ.

Mateo 5:9

Isoroꞌpaquë naꞌa piyapiꞌsaꞌ ninoꞌhuipirinahuëꞌ, canpitari catahuacoꞌ noya ninonchinaꞌ. Ina marëꞌ Yosë noya niꞌsarinquëmaꞌ. Huiꞌnin pochin cancantiarinquëmaꞌ.

Marcos 9:50

Yamora noya acashicasoꞌ niponahuëꞌ, chiminpachina co huachi noyatërinhuëꞌ. Canpitaso nipirinhuëꞌ, yamora cosharoꞌ noya acashirinso pochin nicoꞌ. Noya niniꞌtomaꞌ, yaꞌhuëcoꞌ,” itërin.

Romanos 1:15

Napoaton canpitantaꞌ yaaꞌchintëranquëmaꞌ. Nomaquë yaꞌhuëramasopitantaꞌ Quisocristo nanamën aꞌchinchinquëmaꞌ tënahuë.

Romanos 14:17

Yosë noya huaꞌanëntërinpoaꞌ. Ina imapatëhuaꞌ, noya nisarëhuaꞌ. Asanocancanarinpoaꞌ niꞌton, co ninoꞌhuicasoꞌ yaꞌhuërinhuëꞌ. Yosësoꞌ, caꞌnëhuasoꞌ, oꞌorëhuasoꞌ, inapita co onpopinchin yonquirinhuëꞌ. Ispirito Santo catahuarinpoaꞌ noya cancantahuasoꞌ. Catahuahuachinpoaꞌ, capa cancantarihuaꞌ.

Romanos 14:19

Napoaton noya ninicatëhuaꞌ, yaꞌhuaꞌahuaꞌ. Nicatahuahuaꞌ noya noya imacaso marëꞌ.

1 Corintios 7:15

Nichinpitacasoꞌ noya noya nipirinhuëꞌ, quëmapihuëꞌ nipon, co imatonhuëꞌ yapaꞌpachin, noya paꞌin. Sanapintaꞌ co imatonhuëꞌ yapaꞌpachin, noya inantaꞌ paꞌin. “Noya niniꞌtomaꞌ, yaꞌhuëcoꞌ,” itërinpoaꞌ Yosë.

2 Corintios 13:11

Nani iyaroꞌsaꞌ ninshitëranquëmaꞌ. Noya cancantocoꞌ, tënahuë. Yaꞌipi cancanëma quëran Yosë imacoꞌ. Pënënanquëmasoꞌ noya natëtomaꞌ, niachinicancancoꞌ. Napopináchin yonquicoꞌ. Noya niniꞌtomaꞌ, yaꞌhuëcoꞌ. Inapohuatamaꞌ, Yosë catahuarinquëmaꞌ. Inasáchin nosoroatonpoaꞌ, catahuarinpoaꞌ sano cancantacaso marëꞌ.

Gálatas 5:22

Nipirinhuëꞌ, Ispirito Santo natëhuatëhuaꞌ, catahuarinpoaꞌ ninosorocasoꞌ. Catahuahuachinpoaꞌ, Yosë nohuitatëhuaꞌ, capa cancantarihuaꞌ. “Yosë noya niꞌsarinco,” taꞌtëhuaꞌ, sano cancantarihuaꞌ niꞌton, noya ninicatëhuaꞌ yaꞌhuarihuaꞌ. Piyapiꞌsaꞌ noꞌhuipirinpoahuëntaꞌ, co yanoꞌhuirihuahuëꞌ. Maꞌsha onpohuatëhuantaꞌ, ahuantarihuaꞌ. Nosoroatëhuaꞌ, nóya nontarihuaꞌ. Ispirito Santo catahuahuachinpoaꞌ, noya nicarihuaꞌ. Noꞌtëquën nontarihuaꞌ; co piꞌpisha tërantaꞌ nonpintarihuahuëꞌ.

Efesios 4:3

Naꞌcon yonquicoꞌ iyaparima pochachin ninosorocamasoꞌ. Ispirito Santo catahuarinquëmaꞌ napopináchin yonquicamaso marëꞌ. Ina catahuahuachinquëmaꞌ, co piꞌpian tërantaꞌ ninoꞌhuiaramahuëꞌ. Noya niniꞌtomaꞌ, yaꞌhuaramaꞌ.

1 Tesalonicenses 5:13

Naꞌcon catahuarinënquëmaꞌ noya noya Yosë imacamaso marëꞌ. Napoaton nosoroatomaꞌ, noya yonquirapicoꞌ. Yaꞌipinquëmaꞌ noya niniꞌtomaꞌ, yaꞌhuëcoꞌ.

2 Timoteo 2:22

Aꞌnaquën huiꞌnapiꞌsasoꞌ nisha nisha yonquiatonaꞌ, paꞌsápi. Ama ina pochin yonquiquësohuëꞌ. Noyasáchin nicacasoꞌ yonquiquëꞌ. Yaꞌipi cancanën quëran Quisocristo natëquëꞌ. Yaꞌipi piyapi nosoroquëꞌ. Yaꞌipi imarëhuaso capininpoaꞌ noya niniꞌtëhuaꞌ, yaꞌhuaꞌahuaꞌ. Noyápiachin cancantatëhuaꞌ, Sinioro nontërëhuaꞌ catahuainpoaso marëꞌ.

Hebreos 12:14

Ama piꞌpian tërantaꞌ ninoꞌhuicosohuëꞌ. Naporahuaton, noya nicoꞌ. Co noya nipatamahuëꞌ, co mantaꞌ Yosë nohuitaramahuëꞌ.

1 Pedro 3:11

Yaꞌipi co noyahuëꞌ yonquiramasopita naniantatomaꞌ, nóya nicoꞌ. Sano piyapi nicatomaꞌ, ama insontaꞌ noꞌhuicosohuëꞌ. Aꞌnapitantaꞌ catahuacoꞌ noya niniꞌtonaꞌ yaꞌhuëꞌinaꞌ.