Romanos 11:27 - Chayahuita (Shahui)

²⁷ Oshanënaꞌ inquitahuato, piyapinëhuëpita pochin niꞌsarahuë. Apraan shaꞌhuitërahuëso chachin napotarahuë,” tënin Yosë.

Romanos 11:27 ပူးပေါင်းရင်းမြစ်များ

Isaías 43:25

Inapopiramahuëꞌ, Yosënëmaco niꞌto, paꞌpi co noyahuëꞌ ninamasopita, inquitaranquëmaꞌ. Co yanatëtatomahuëꞌ anoꞌhuitopiramacohuëꞌ, co huachi inapita yonquiarahuëꞌ.

Isaías 55:3

Huëcapairahuatomaco noya natancoꞌ. Natanpatamaco nanpiaramaꞌ. Tapi nosoroato nani shaꞌhuitërahuë. Ina nanicaso marëꞌ canpitaroꞌco anoyatomiatarahuë.

Juan 1:29

Tahuëririnquë inaquë Quisoso huëꞌsarin. Coanshari quënanahuaton, piyapiꞌsaꞌ itërin: “Pasoꞌ quëmapi niꞌcoꞌ. Yosëri aꞌpaimarinsoꞌ. Inasoꞌ carniroaꞌhua pochin nicaton, oshanënpoaꞌ inquitiinpoaso marëꞌ chiminapon.

Hebreos 10:16

“Aꞌna tahuëri piyapinëhuëpitarëꞌco anoyatohuato, iso pochin nisarahuë: Nasha cancan quëtarahuë natëtochináchin cancantacaiso marëꞌ. Anoyacancantarahuë noya yonquicaiso marëꞌ.