Romanos 11:1 - Chayahuita (Shahui)

¹ Napoaton natananquëmaꞌ: ¿Israiroꞌsaꞌ co natëtopiso marëhuëꞌ Yosëri aꞌpomiatërin ti? Co aꞌporinhuëꞌ. Ipora huantaꞌ piyapinënpita niꞌton, nosororin. Cantaꞌ Israiro piyapico. Tata Apraansoꞌ shimashonëhuë. Mincamin huëntonquë nasitërahuë.

Romanos 11:1 ပူးပေါင်းရင်းမြစ်များ

2 Reyes 23:27

Napoaton Sinioro tapon: “Pëtëtë yaꞌhuëpiso israiroꞌsa aꞌpoato, aꞌparahuë paꞌpi. Inapochachin Cota huënton israiroꞌsantaꞌ, nitarahuë. Quirosarin ninanonta huayonato, inaquë chinotiinacoso marëꞌ pëi acorahuë. Inapopirahuë co huachi nohuantarahuëꞌ,” tënin.

Lucas 20:16

Aꞌnaroáchin huëntarahuaton, inpriatonënpita tëpapon. Ina quëran nasha inpriatoroꞌsaꞌ acoantapon, tënahuë,” itërin Quisosori. Ina natanahuatonaꞌ: —¡Ama onporontaꞌ napoinsohuëꞌ! topi.

Hechos 22:3

“Cantaꞌ iyaroꞌsaꞌ cotio piyapico. Tarsoquë nasitërahuë. Sirisia parti nasitopirahuëꞌ, isëquë huëcato, huiꞌnapitërahuë. Maistro Camariro aꞌchintërinco. Shimashonënpoaꞌ pënëntërinso chachin yaꞌipi aꞌchintërinco. Huaꞌhuatapo quëran huarëꞌ chiníquën Yosë yonquirahuë. Aꞌnaya tërantaꞌ nisha yonquihuachinara, canpita pochachin noꞌhuirahuë.

Hechos 26:4

Huaꞌhuatapo quëran huarëꞌ yaꞌhuërahuësoꞌ, Quirosarinquëntaꞌ yaꞌhuërahuësoꞌ, inapita yaꞌipi cotioroꞌsaꞌ nitotopi.

Romanos 11:11

Napoaton natanaranquëmaꞌ. ¿Israiroꞌsaꞌ co yanatëpihuëꞌ niꞌquëhuarëꞌ Yosëri aꞌpomiatërin ti? Co Yosëri aꞌpomiatërinhuëꞌ. Nipirinhuëꞌ, co imapihuëꞌ niꞌton, nisha piyapiꞌsantaꞌ Yosëri anoyacancantarin. Ina quëran israiroꞌsasoꞌ, apiratonaꞌ yonquiapi: “Canpoantaꞌ inapita pochin cancantohuatëhuaꞌ, Yosë noya niꞌsarinpoaꞌ,” tosapi.

Romanos 3:4

Yosërisoꞌ co onporonta nonpintarinhuëꞌ. Yaꞌipi piyapiꞌsaꞌ nonpinpirinahuëꞌ, Yosësoꞌ noꞌtëquënáchin nonin. Quiricanën quëran naporin: “Noꞌtëquënáchin nontërancoi niꞌton, aꞌnaquën nonpinapipirinënquënhuëꞌ, co onporontaꞌ minsëarinënquënhuëꞌ,” tënin.

Romanos 9:3

Inapitasoꞌ quëmopinëhuëpita. Co Quisocristo imapihuëꞌ niꞌton, anaꞌintacasoꞌ yaꞌhuërin. Nanitërahuë naporini, inapita yaꞌhuërënamën parisitopiquë paꞌitohuëꞌ. Chaꞌëcaiso marëꞌ inaquë parisichitohuëꞌ.

2 Corintios 11:22

“Quiyasoꞌ Iprio piyapicoi,” topachinara, cantaꞌ mini Iprioco. “Israiro piyapicoi,” topachinara, cantaꞌ inachachin ninahuë. “Apraansoꞌ shimashonëhuëi chachin,” topachinara, inasoꞌ shimashonëhuë cantaꞌ.

Filipenses 3:5

Casoꞌ Israiro piyapico. Mincamin huënton quëmapico. Posa tahuëritahuasoꞌ, marca acotërinaco. Tatahuë, mamahuë Israiro piyapiráchin. Co nishahuëꞌ. Israiro huaꞌan yaꞌconahuë, parisioroꞌsaꞌ itopisoꞌ. Yaꞌconato, yaꞌipi Moisësë pënëntërinsoꞌ imarahuë.

1 Samuel 12:22

Sinioronënpoasoꞌ Yosë chachin. Inaora nohuanton israiroꞌsanpoa huayoninpoaꞌ. Inasoꞌ, nani shaꞌhuitërinpoa aꞌpainpoasoꞌ. Co inasoꞌ aꞌpoarinpoahuëꞌ. Yaꞌipi shaꞌhuitërinpoasoꞌ acotarinpoaꞌ. Yaꞌipi isoroꞌpaquë yaꞌhuëpisopita noya nicatonaꞌ: “Ma noyacha inaso paya,” taꞌcaiso marëꞌ napotarinpoaꞌ.