Romanos 10:5 - Chayahuita (Shahui)

⁵ Moisësëri ninshitërin pënëntërinso nanan imacaiso marëꞌ. “Noꞌtëquën natëhuatamaꞌ, Yosë noya niꞌsarinquëmaꞌ. Yaꞌipiya natëcasoꞌ yaꞌhuërin,” tënin ninshitaton.

Romanos 10:5 ပူးပေါင်းရင်းမြစ်များ

Nehemías 9:29

Quëma pënëntëransopitaráchin natëantatonaꞌ, yaꞌhuëcaiso pënënan. Pënënpiranhuëꞌ: ‘Noya quiyaora yaꞌhuëapoi,’ tënëso pochin cancantatona co natëtopihuëꞌ. Camaitëransopita, shaꞌhuitëransopita, inapita natëhuachina ananpitomiatacaso nipirinhuëꞌ, co natëtochináchinhuëꞌ cancantopi.

Isaías 55:3

Huëcapairahuatomaco noya natancoꞌ. Natanpatamaco nanpiaramaꞌ. Tapi nosoroato nani shaꞌhuitërahuë. Ina nanicaso marëꞌ canpitaroꞌco anoyatomiatarahuë.

Romanos 7:10

Noya yaꞌhuëcaꞌhuaso marëꞌ pënënpirincohuëꞌ. Co ina natëtorahuëꞌ, oshahuanahuë. Oshahuanato, parisitopiquë pacaꞌhuasoꞌ yaꞌhuërin.

Gálatas 3:12

Catoꞌ nanan yaꞌhuërin. Co cato chachin imacasoꞌ yaꞌhuërinhuëꞌ. Iráca pënëntërinsoꞌ natëhuachinaꞌ, inasáchin natëcasoꞌ yaꞌhuërin. Moisësë shaꞌhuitërinpoaꞌ: “Noꞌtëquën natëcasoꞌ yaꞌhuërin. Noꞌtëquën natëhuatëhuaꞌ, noya nanpimiatarihuaꞌ,” tënin. Ina nanan imapatamaꞌ, co Quisocristo nanamën imaramahuëꞌ.

Deuteronomio 4:1

Moisësëri israiroꞌsa nontaton itapon: “Iporaso huachi, Sinioro pënëntërinsoꞌ natëcoꞌ. Camairinquëmasopitantaꞌ, natëcoꞌ. Nani yaꞌipi carinquëma aꞌchintëranquëmaꞌ. Ama topinan quëran natanatomarahuëꞌ, ina nohuantërinso nicoꞌ. Inapohuatamaꞌ, noya nanpitoma Yosë quihuitërinpoasoꞌ noꞌpaquë yaꞌconatoma huaꞌanëntaramaꞌ. Shimashonënpoapita shaꞌhuitërinso chachin quëtarinpoaꞌ.

Filipenses 3:9

Quisocristoíchin imasarahuë huachi. Co caora noya nicato chaꞌërahuëꞌ. Co pënëntërinsoꞌ natëto, chaꞌërahuëꞌ. Quisocristoíchin anoyacancantërinco, taꞌto, ina imarahuë. Imapatora, oshanëhuë inquitatonco, anoyacancantërinco. Ina quëran Yosë catahuarinco noya nicaꞌhuasoꞌ. Ina marëꞌ noya niꞌninco.