Romanos 10:4 - Chayahuita (Shahui)

⁴ Iráca Moisësë pënëntërin. Iporaso nipirinhuëꞌ co ina natërëhuaso marëꞌ Yosë noya niꞌninpoahuëꞌ. Quisocristo nani oꞌmarin oshanënpoaꞌ inquitinpoaso marëꞌ. “Quisocristoíchin anoyacancantarinpoaꞌ,” topatëhuaꞌ, Yosë noya niꞌsarinpoaꞌ.

Romanos 10:4 ပူးပေါင်းရင်းမြစ်များ

Isaías 53:11

Paꞌpi parisitërinso piquëran: “Tëhuënchachin yaꞌipi nanirahuë huachi,” tosarin. Ina nitotaton noya cancantarin. Sinioro piyapinënsoꞌ, noꞌtëquënáchin ninin. Inapoaton naꞌa piyapiꞌsa nichaꞌësarin. Co noyahuëꞌ nipiso marëꞌ parisitaton inapotarin.

Mateo 3:15

Napotopirinhuëꞌ, Quisosori itërin: —Yosë nohuantërin niꞌton, yaꞌipi natëcaꞌhuasoꞌ yaꞌhuërin. Napoaton noya quëma aporintoco, itërin. Ina natanahuaton: —Noyahuaꞌ, itahuaton, iꞌquë aporintërin.

Juan 1:17

Iráca Yosë nohuanton, Moisësë pënëntërin nani maꞌsha natëcasoꞌ. Pënëntopirinhuëꞌ, co yaꞌipiya anitotërinpoahuëꞌ. Quisocristoso nipirinhuëꞌ nosororinpoaꞌ. Noꞌtëquën nonaton, yaꞌipi nanamën anitotërinpoaꞌ.

Romanos 3:22

Quisocristo imapatëhuaꞌ, Yosë noya niꞌsarinpoaꞌ. Insosona natëhuachin, anoyacancantarin. Co nisha nisha nontërinpoahuëꞌ.

1 Corintios 1:30

Yosë nohuanton, Quisocristo imarëhuaꞌ. Imapatëhuaꞌ, yaꞌcoancantërinpoaꞌ niꞌton, yonquínahuan pochin Yosë niꞌninpoaꞌ. Naporahuaton, catahuarinpoaꞌ noꞌtëquën yonquicasoꞌ. Oshanënpoaꞌ inquitohuachinpoaꞌ, noya huachi niꞌninpoaꞌ. Nasha cancan quëtërinpoaꞌ noya nicacaso marëꞌ. Quisocristo chachin nichaꞌërinpoaꞌ.

Gálatas 3:24

Niꞌcochi. Huaꞌhuaroꞌsaꞌ co yonquipihuëꞌ niꞌton, naꞌcon pënënacasoꞌ yaꞌhuërin. Inapochachin iráca Moisësë naꞌcon pënëninpoaꞌ. Maistro pochin pënëninpoaꞌ oshahuanëhuasoꞌ ayonquiinpoaso marëꞌ. Co pënëntërinsoꞌ natëcasoꞌ nanitërëhuahuëꞌ niꞌton, Quisocristo huachi yonquiarëhuaꞌ. Ina imapatëhuaꞌ, anoyacancantarinpoaꞌ.

Gálatas 4:5

Iráca pënëntërinsoꞌ natëtoi, piyapinën pochin nipiraihuëꞌ, Quisocristo nichaꞌëinpoaso marëꞌ oꞌmarin. Ina imarëhuaꞌ niꞌton, iporasoꞌ huiꞌninpita pochin Yosë niꞌninpoaꞌ.

Colosenses 2:10

Canpoantaꞌ ina imapatëhuaꞌ, co mantaꞌ pahuantarinpoahuëꞌ noya noya cancantacaso marëꞌ. Yosë chachin nohuitarëhuaꞌ. Huaꞌanoꞌsaꞌ, anquëniroꞌsaꞌ, sopairoꞌsaꞌ, inapita chiníquën nanantopirinahuëꞌ, Quisocristosoꞌ chini chiníquën nanantërin. Co ina nohuantohuachinhuëꞌ, co mantaꞌ nanitapihuëꞌ nicacaisoꞌ.

Colosenses 2:17

Iráca Yosë ina pochin pënënin. Quisocristo oꞌmaquë huarëꞌ napopirinhuëꞌ. Iporasoꞌ nani oꞌmarin niꞌton, co huachi inapita nohuantërëhuahuëꞌ. Quisocristoíchin natëcasoꞌ yaꞌhuërin.

Hebreos 10:14

Aꞌnaroíchin chiminaponahuëꞌ, anoyacancantërinpoaꞌ. Yaꞌipi imarëhuasopita oshanënpoaꞌ inquitatonpoaꞌ, noyápiachin cancan quëtërinpoaꞌ.