Romanos 10:2 - Chayahuita (Shahui)

² Tëhuënchachin Yosë yachinotopirinahuëꞌ, co nanamën noꞌtëquën yonquipihuëꞌ.

Romanos 10:2 ပူးပေါင်းရင်းမြစ်များ

Salmos 14:4

Co noyahuëꞌ nipisopitasoꞌ, co manta yonquirëhuë pochin nipi. Cosharo caꞌnëso pochin Yosë piyapinënpitanpoa nitarinënpoaꞌ. Naporahuatonaꞌ, co manta Sinioro chinotopihuëꞌ.

Juan 16:2

Niyontonpiso pëiroꞌsa quëran ocoiarinënquëmaꞌ. Aꞌna tahuëri yatëparinënquëmaꞌ. ‘Co noyahuëꞌ nipi niꞌton, tëpahuatoi, Yosë noya niꞌsarincoi,’ taꞌtonaꞌ, aꞌnaquëmaꞌ tëpaarinënquëmaꞌ.

Hechos 21:20

Natanahuatonaꞌ, “Ma noyacha Yosësoꞌ niꞌton, nisha piyapiꞌsantaꞌ imasapi paya,” topi aꞌnaya aꞌnaya. Ina quëran itantapi: —Noya iyasha nipirinhuëꞌ, isëquë naꞌa huaranca cotioroꞌsaꞌ Quisoso imaponaraihuëꞌ, Moisësë iráca pënëntërinsoꞌ yanatëpi antaꞌ. “Inantaꞌ natëcasoꞌ yaꞌhuërin,” topi.

Hechos 21:28

“¡Huëcoꞌ iyaroꞌsaꞌ catahuacoi! Iso quëmapi yaꞌipi parti paaton, nisha aꞌchinarin. ‘Cotioroꞌsasoꞌ co noꞌtëquën aꞌchinpihuëꞌ. Moisësë pënëntërinsoꞌ aꞌpocoꞌ,’ tënin. Naporahuaton, Yosë chinotopiso pëiꞌ co huachi noya niꞌninhuëꞌ. Niꞌcochi. Crico piyapiꞌsaꞌ isëquë chachin ichiyaꞌconin niꞌton, Yosë pëinën tapiarin. Co inapitasoꞌ yaꞌconacasohuëꞌ nipirinhuëꞌ,” toconpi.

Hechos 22:22

Piyapiꞌsaꞌ noya natanapirinahuëꞌ. “Nisha piyapiꞌsaꞌ aꞌchintarahuë,” topachina, noꞌhuitaantapi. “Tëpachinacoꞌ. ¡Paꞌpi co noya quëmapihuëꞌ! ¡Chiminchinaꞌin!” itopi.

Hechos 22:3

“Cantaꞌ iyaroꞌsaꞌ cotio piyapico. Tarsoquë nasitërahuë. Sirisia parti nasitopirahuëꞌ, isëquë huëcato, huiꞌnapitërahuë. Maistro Camariro aꞌchintërinco. Shimashonënpoaꞌ pënëntërinso chachin yaꞌipi aꞌchintërinco. Huaꞌhuatapo quëran huarëꞌ chiníquën Yosë yonquirahuë. Aꞌnaya tërantaꞌ nisha yonquihuachinara, canpita pochachin noꞌhuirahuë.

Romanos 10:1

Paꞌpi nohuantërahuë israiroꞌsaꞌ chaꞌëcaisoꞌ. Ina marëꞌ iyaroꞌsaꞌ, chiníquën Yosë nontárahuë.

Romanos 10:3

Yosëíchin anoyacancantërinpoaꞌ. Nipirinhuëꞌ, co nohuantopihuëꞌ ina nanan imacaisoꞌ. “Pënëntërinsoꞌ natëhuatëhuaꞌ, Yosë noya niꞌsarinpoaꞌ,” toconpi. “Quëma Sinioro anoyacancantocoi,” co itopihuëꞌ.

2 Corintios 4:4

Sopai nohuanton, co nanitopihuëꞌ noꞌtëquën yonquicaisoꞌ. Maꞌsha aꞌpintërëso pochin nanamën quëran Yosë anitotërinpoaꞌ Quisocristo nohuitacaso marëꞌ. Inasoꞌ Yosë chachin ninin. Inapitaso nipirinhuëꞌ somaraya pochin cancantatonaꞌ, co nanitopihuëꞌ natëtacaisoꞌ.

2 Corintios 4:6

Yaꞌnan isoroꞌpaꞌ acoapon yaꞌipi parti tashipirinhuëꞌ: “Niiꞌsohuanchin huachi,” tënin Yosë. Napohuachina, tahuëri yaꞌhuërin. Inapochachin iporasoꞌ cancanënpoaquë aꞌpintërinpoaꞌ ina nohuitacaso marëꞌ. Inasoꞌ noya noya. Quisocristo yaꞌpirin quëran aꞌpintërinpoaso pochin ninin. Ina yonquihuatëhuaꞌ, Yosë chachin anohuitarinpoa huachi.

2 Corintios 8:3

Co apiratonahuëꞌ, naꞌcon quëtopi. Pahuantaiquëhuarëꞌ quëtopi, cari niꞌnahuë. Co shaꞌhuitopiraihuëꞌ, inahuara nohuantatonaꞌ, quëtërinacoi pahuantërinsopita quëtacaꞌhuaiso marëꞌ.

Gálatas 1:14

Cotioroꞌsaꞌ napopisoꞌ chiníquën imato, inasáchin yonquirahuë. Carëꞌ napopináchin piꞌipitopisoꞌ noya natëpirinahuëꞌ, casoꞌ naꞌcon naꞌcon natërahuë. Nani maꞌsha shimashonëhuëpita aꞌchinpisoꞌ yanatëpirahuëꞌ.

Gálatas 4:15

Aꞌchintohuatënquëmara, paꞌyatëramaꞌ. Naꞌcon nosororamaco. Nanitëramaꞌ naporini, yaꞌpirama chachin quëchitomacohuëꞌ. ¿Onpoatomataꞌ iporaso nisha yonquiramaꞌ?

Filipenses 1:9

Canpita marëꞌ ina nontërahuë. “Catahuaquëꞌ, Sinioro, noya noya ninosoroꞌinaꞌ. Quëma nohuanton, nanamën nóya nitochinaꞌ. Catahuaquëꞌ, Sinioro, noꞌtëquën yonquiꞌinaꞌ,” itërahuë Yosë nontato.

Filipenses 3:6

Inasáchin imato, Quisocristo imapisopita chiníquën aparisitërahuë. “Iráca pënëntërinsoꞌ noꞌtëquën natërahuë,” taꞌto, noya piyapico, topirahuëꞌ.

Colosenses 4:13

Naꞌcon yonquirinquëmaꞌ. Co chirorinhuëꞌ Yosë nontacasoꞌ. Naotisiaquë, Iraporisëquë inaquëpita yaꞌhuëpisopitantaꞌ yonquiaton, Yosë nontárin. Noya Yosë marëꞌ sacatarin. Cari niꞌnahuë.