Romanos 10:14 - Chayahuita (Shahui)

¹⁴ Napoaponahuëꞌ, co aꞌchintohuatëhuahuëꞌ, co nitotapihuëꞌ. Co nitotohuachinahuëꞌ, co nanitapihuëꞌ natëtacaisoꞌ. Co natëtohuachinahuëꞌ, co nanitapihuëꞌ Yosë nontacaisoꞌ. Napoaton aꞌchintacasoꞌ yaꞌhuërin.

Romanos 10:14 ပူးပေါင်းရင်းမြစ်များ

Jonás 1:16

Ina nicatonaꞌ, Sinioro chinotopi. Yaꞌipi cancanëna quëran chinotatonaꞌ: “Maꞌsha quëma marëꞌ tëparahuatoi chinotarainquën,” itopi.

Jonás 1:5

Coꞌhuara inapoyátërasohuëꞌ, Conasëso pëꞌpëto quëpapiquë yaꞌcomarahuaton huëꞌësárin. Nancha quëpanaꞌpiroꞌsantaꞌ, paꞌpi paꞌyanpi. Napoatonaꞌ, mamanshinënapitari nichaꞌëcaiso marëꞌ nontopi. Nontopirinahuëꞌ, co yasanoirinhuëꞌ. Napohuachina, nancha niotëintacaso marëꞌ pëꞌpëto quëparapisoꞌ, tëꞌyaitopi.

Mateo 20:7

‘Co sacachátëraraihuëꞌ. Co inso tërantaꞌ camairincoihuëꞌ niꞌtoi, ninaarai,’ itopi. ‘Inta nipachin, canpitantaꞌ iminëhuëquë sacatocoꞌ,’ itërin. Aꞌna oraíchin piꞌi yaꞌconacasoꞌ nisapirinhuëꞌ, paꞌpi sacataponaꞌ.

Juan 20:31

Iso quiricaquë ninshitërahuësopitasoꞌ, Quisoso natëcamaso marëꞌ ninshitërahuë: “Inasoꞌ tëhuënchachin Cristo, Yosë huiꞌnin. Inari aꞌpaimarinsoꞌ,” taꞌtomaꞌ, ina imaco huachi. Imapatamaꞌ, Yosë nohuitatomaꞌ nanpimiataramaꞌ.

Juan 9:36

—¿Intaꞌ Sinioro inasoꞌ? Yanatëpirahuëꞌ, itërin.

Hechos 19:2

—Quisoso natëhuatamara, ¿Ispirito Santo yaꞌcoancantërinquëmaꞌ ti? itërin. —Co Ispirito Santo nohuitëraihuëꞌ. Co ina aꞌchintërinacoihuëꞌ, itopi.

Hechos 8:31

—¡Coꞌchi iyasha, nitotërahuë paya! Co insontaꞌ aꞌchintërincohuëꞌ niꞌton, co nanitërahuëꞌ. Huëquëꞌ huënsëiquëꞌ. Shaꞌhuitoco nitochi, itërin. Napotohuachina, inaquë huënsërin. Papona pochin ninontërapi.

Romanos 1:5

Ina nosoroatonco, acorinco nisha nisha piyapiꞌsaꞌ aꞌchintaꞌhuaso marëꞌ. Inapitantaꞌ nanamën natëcaiso marëꞌ pënënarahuë. Natëhuachinaꞌ, “Quisocristosoꞌ noya noya,” tosapi.

Efesios 2:17

Quisocristo isoroꞌpaquë oꞌmaton, noya nanan shaꞌhuitërinpoaꞌ. “Yaꞌipinquëmaꞌ nichaꞌësaranquëmaꞌ,” itërinpoaꞌ. Canpitasoꞌ co piꞌpisha tërantaꞌ Yosë nohuitatomarahuëꞌ, áquë pochin nipiramahuëꞌ, nanan anoyatërinquëmaꞌ. Cotioroꞌsacointaꞌ yaꞌcarisha pochin ninaisoꞌ nanan anoyatërincoi.

Efesios 4:21

Inasoꞌ noꞌtëquën anitotërinpoaꞌ. Nanamën nani natanamaꞌ.

Deuteronomio 30:13

Co marë aquëtëran yaꞌhuëarinhuëꞌ. Napoaton: ‘¡Canpoanta natëcaso marëꞌ marë aquëtëran macontarahuatona anitochinënpoaꞌ!’ Co taꞌcaso yaꞌhuërinhuëꞌ.

2 Timoteo 4:17

Taꞌananpipirinacohuëꞌ, Quisocristo catahuarinco. Co patërincohuëꞌ. Achinicancaninco niꞌton, inaquëntaꞌ yaꞌipi Yosë nanamën shaꞌhuirahuë. Nisha nisha piyapiꞌsaꞌ nani natanpi. Paꞌpiniꞌ yamaninposo pochin yatëpapirinacohuëꞌ, Yosë catahuarinco, chaꞌërahuë.

Tito 1:3

Iporaso huachi tahuëri nanihuachina, inaora nohuanton, nanamën anitotërinpoaꞌ. Yosë shaꞌhuitërinco niꞌton, ina nanan chachin pënënanquëmaꞌ. Inasoꞌ nichaꞌësarinpoaꞌ.

Hebreos 11:6

Yosë yonquihuatëhuaꞌ, natëtacasoꞌ yaꞌhuërin. “Yosë yaꞌhuárin. Noꞌtëquën nontërinpoaꞌ. Ina nontohuatëhuaꞌ, natanatonpoaꞌ catahuarinpoaꞌ,” topatëhuaꞌ, noya niꞌsarinpoaꞌ. Co ina pochin cancantohuatëhuahuëꞌ, co onporontaꞌ noya niꞌsarinpoahuëꞌ.

Santiago 5:15

Yaꞌipi cancanëma quëran huarëꞌ natëcasoꞌ yaꞌhuërin. “Yaꞌipi Sinioro nanitaparan,” topachinaꞌ, anoyatarin. Oshahuanpachinaꞌ, inantaꞌ inquitarin.