Romanos 1:7 - Chayahuita (Shahui)

⁷ Napoaton Nomaquë yaꞌhuëramasopita ninshitaranquëmaꞌ. Yosë paꞌpi nosororinquëmaꞌ. Nani acorinquëmaꞌ piyapinënpita nicacamasoꞌ. Niꞌton, inasáchin yonquicasoꞌ yaꞌhuërin. Tata Yosë inaora nohuanton, catahuainquëmaꞌ. Asanocancainquëmaꞌ. Quisocristontaꞌ inapochachin catahuainquëmaꞌ. Inasoꞌ huaꞌanëntërinpoaꞌ.

Romanos 1:7 ပူးပေါင်းရင်းမြစ်များ

Números 6:25

Sinioro quëma marëꞌ noya cancanchin. Nosoromiatërinquënsoꞌ, aꞌnochinquën.

Mateo 5:16

Inapochachin canpitantaꞌ aꞌpininso pochin nicatomaꞌ, noyasáchin nicoꞌ. Aꞌnapita nicatënënquëmaꞌ: ‘Ma noya Tata Yosëri catahuarin niꞌton, noya nisapi,’ tosapi,” tënin.

Juan 20:17

—Aꞌpoco imoya. Co tatahuë yaꞌhuërinꞌpaꞌ pantayátërarahuëꞌ. Apira paaton, iyahuëpita pochin niꞌnahuësopita shaꞌhuitonquëꞌ: “Yosë yaꞌhuërinꞌpaꞌ panantarahuë. Inasoꞌ: ‘Tata,’ itato chinotërahuë. Canpitantaꞌ imaramaco niꞌton, ‘Tata,’ itatomaꞌ chinotëramaꞌ, tënin Quisoso, itonquëꞌ,” itërin.

Hechos 15:23

Ina quëran quirica ninshitopi Antioquiaquë yaꞌhuëpisopita quëtontacaiso marëꞌ. “Iyaroꞌsaꞌ. ¿Noya canpitantaꞌ yaꞌhuaramaꞌ? Noya quiyantaꞌ yaꞌhuarai. Quiyasoꞌ caꞌtanoꞌsanënpitacoi ninshitarainquëmaꞌ. Ansianoꞌsaroꞌcoi chachin quirica aꞌpatarainquëmaꞌ, niꞌcoꞌ. Co cotioroꞌsanquëmahuëꞌ nipomarahuëꞌ, canpitantaꞌ Quisoso imaramaꞌ niꞌton, iyahuëipita pochin niꞌnainquëmaꞌ. Yaꞌipi imaramasopita Antioquiaquë, Siria parti, Sirisia parti, inatohuaꞌ yaꞌhuëramasopita iso nanan chachin aꞌpatarainquëmaꞌ nitotacamaso marëꞌ.

Hechos 9:13

Ananiasëso nipirinhuëꞌ co yapaꞌninhuëꞌ. “Ina quëmapisoꞌ Sinioro, paꞌpi co noyahuëꞌ, topi natantërahuë. Quirosarinquë quëma imarinënquënsopita chiníquën aparisitërin.

Romanos 1:6

Canpitantaꞌ nisha piyapinquëmaꞌ nipomarahuëꞌ, Quisocristo imaramaꞌ. Yosë nohuanton, imaramaꞌ.

Romanos 5:1

“Sinioro Quisocristoíchin nichaꞌësarinpoaꞌ,” taꞌtëhuaꞌ, imarëhuaꞌ. Oshanënpoaꞌ inquitërinpoaꞌ niꞌton, Yosë noya niꞌninpoaꞌ. Co inimiconënpita pochin niꞌninpoahuëꞌ.

Romanos 5:5

Inasáchin ninahuatëhuaꞌ, tëhuënchachin co naniantarinpoahuëꞌ niꞌton, co tapanarihuahuëꞌ. Ispirito Santo aꞌpatimarinpoaꞌ. Yaꞌcoancantohuachinpoaꞌ: “Ma noyacha Yosë nosororinpoa paya,” tarihuaꞌ. Ispirito Santo chachin Yosë nosororinpoasoꞌ anitotërinpoaꞌ.

Romanos 8:28

Yosë nosorohuatëhuaꞌ, noyasáchin yonquirinpoaꞌ. Maꞌsha onpohuatëhuara, naꞌcon catahuarinpoaꞌ. Piꞌpian parisitapirëhuahuëꞌ, ina nohuanton, parisitërëhua quëran noya noya pipiarëhuaꞌ. Achinicancaninpoaꞌ niꞌton, noya noya imarihuaꞌ. Nani huayoninpoaꞌ ina nohuantërinsoꞌ nicacaso marëꞌ.

Romanos 8:39

Maꞌsha inápaquë yaꞌhuërinsopita, acoporoquë yaꞌhuërinsopita inapita co nanitopihuëꞌ Yosë quëran osërëinpoasoꞌ. ¡Co insontaꞌ nanitërinhuëꞌ Yosë ananiantinpoasoꞌ! Quisocristo huaꞌanëntërinpoaꞌ. Ina imarëhuaꞌ niꞌton, Yosë nosoromiatërinpoaꞌ.

Romanos 9:25

Inapochachin iráca Osiasë ninshitërin. “Aꞌnaquën iráca co piyapinëhuëpitahuëꞌ nipirinahuëꞌ, iporasoꞌ piyapinëhuëpita pochin niꞌnahuë. Iráca co nosoropirahuëꞌ, iporasoꞌ nosororahuë huachi,” tënin Yosë, itërin.

1 Corintios 1:24

Canpoaso nipirinhuëꞌ Yosë huayoninpoaꞌ niꞌton, Quisocristo imarëhuaꞌ. Inasoꞌ noꞌtëquën yonquirin. Yaꞌipiya nitotaton, noꞌtëquën anitotërinpoaꞌ. Inasáchin nanitaparin anoyacancantinpoasoꞌ, tënëhuaꞌ. Quiyantaꞌ cotio piyapicoi nipiraihuëꞌ, canpitantaꞌ nisha piyapinquëmaꞌ nipomarahuëꞌ, Yosë nohuanton, imarëhuaꞌ.

1 Corintios 16:23

Inaora nohuanton, Sinioro Quisoso catahuainquëmaꞌ.

2 Corintios 13:14

Inaora nohuanton, Sinioro Quisocristo catahuainquëmaꞌ. Tata Yosë nosoroꞌinquëmaꞌ. Ispirito Santo chachin nani tahuëri noya ayonquiinquëmaꞌ. Nani huachi. Paono

Gálatas 6:18

Yaꞌipinquëmaꞌ, iyaroꞌsaꞌ, yonquiáranquëmaꞌ. Inaora nohuanton, Sinioro Quisocristo catahuainquëmaꞌ. Amen. Nani huachi. Paono

Efesios 1:2

Inaora nohuanton, Tata Yosë catahuainquëmaꞌ. Asanocancainquëmaꞌ. Sinioro Quisocristontaꞌ inapochachin catahuainquëmaꞌ.

Efesios 6:23

Quisocristo imaramaꞌ niꞌton, iyaroꞌsaꞌ, Tata Yosë asanocancainquëmaꞌ. Nosoroꞌinquëmaꞌ. Catahuainquëmaꞌ shaꞌhuitërinpoasoꞌ noya natëcamaso marëꞌ. Sinioro Quisocristontaꞌ inapochachin catahuainquëmaꞌ.

Deuteronomio 33:12

Mincamin huënton israiroꞌsanta yonquiaton, tapon: “Mincamin huënton israiroꞌsasoꞌ, Siniorori nosororin. Napoaton inahuasoꞌ, sano yaꞌhuaponaꞌ. Chini chiníquën nanantërinsoari paꞌpoyarápon. Motopiaꞌhuanënpitaquë yaꞌhuëaton, paꞌpoyarápon,” tënin.

Filipenses 1:2

Tata Yosë inaora nohuanton, catahuainquëmaꞌ. Asanocancainquëmaꞌ. Sinioro Quisocristontaꞌ inapochachin catahuainquëmaꞌ.

Filipenses 4:13

Co caora nanitapapirahuëꞌ, Quisocristo achinicancaninco niꞌton, yaꞌipiya nanitaparahuë. Maꞌsha onpoaporahuëntaꞌ, noya ahuantërahuë.

Filipenses 4:20

Ma noyacha Tata Yosë chinotërëhuasoso paya. Ipora quëran huarëꞌ yaꞌipi piyapiꞌsari chinochinaꞌ. Amen.

Filipenses 4:23

Inaora nohuanton, Sinioro Quisocristo noya catahuainquëmaꞌ. Nani ninshitëranquëma huachi. Paono

Colosenses 1:2

Yaꞌipi imaramasopita Corosasëquë yaꞌhuaramasoꞌ, ninshitaranquëmaꞌ. Canpitantaꞌ Quisocristo imamiataramaꞌ niꞌton, Yosë noya niꞌninquëmaꞌ. Ina imaramaꞌ niꞌton, iyahuëi pochin niꞌnainquëmaꞌ. Inaora nohuanton, Tata Yosë naꞌcon catahuainquëmaꞌ. Asanocancainquëmaꞌ.

Colosenses 3:12

Yosë nosoroatonpoaꞌ, huayoninpoaꞌ noya nicacaso marëꞌ. Napoaton yaꞌipi piyapiꞌsaꞌ nosoroatomaꞌ, noya nontocoꞌ. Nasha aꞌmorëso pochin noyápiachin cancantocoꞌ. Ama nocantocosohuëꞌ. Nani tahuëriya yonquicoꞌ aꞌnapita catahuacaso marëꞌ. Sano nicatomaꞌ, noya nontocoꞌ. Maꞌsha onpoapomarahuëꞌ, ahuantocoꞌ.

Colosenses 3:15

Quisocristoíchin asanocancaninpoaꞌ. Ina yonquihuatëhuaꞌ, noya ninicatëhuaꞌ, yaꞌhuarëhuaꞌ. Ina marëꞌ aꞌna huënton pochin Yosë acorinpoaꞌ. Ina catahuahuachinpoaꞌ, co huachi paꞌyanarihuahuëꞌ. Napoaton inasáchin yonquicoꞌ asanocancainquëmaꞌ. Nani tahuëri: “Yosparinquën Sinioro,” itocoꞌ.

1 Tesalonicenses 1:1

Ca Paonoco ninshitaranquëmaꞌ, niꞌcoꞌ. Noyanquëmaꞌ canpitantaꞌ. Noya quiyantaꞌ yaꞌhuarai. Yaꞌipi Yosë imaramasopita Tisaronicaquë yaꞌhuëramasoꞌ ninshitaranquëmaꞌ. Siripano, Timotio, inapitantaꞌ isëquë yaꞌhuapi. Inapitaroꞌcoi nanan aꞌpatarainquëmaꞌ. Canpitantaꞌ Tata Yosë chinotatomaꞌ, Sinioro Quisocristo imaramaꞌ. Inaora nohuanton, Yosë noya catahuainquëmaꞌ. Asanocancainquëmaꞌ. Quisocristontaꞌ inapochachin catahuainquëmaꞌ, tënahuë.

1 Tesalonicenses 1:4

Tata Yosë naꞌcon nosororinquëmaꞌ, iyaroꞌsaꞌ. Nani huayoninquëmaꞌ huëntonënquë yaꞌconacaso marëꞌ. Nani ina nitotërai.

1 Tesalonicenses 4:7

Co Yosë nohuantërinhuëꞌ oshahuanacasoꞌ. Acorinpoaꞌ noyasáchin nicacaso marëꞌ.

1 Tesalonicenses 5:28

Inaora nohuanton, Sinioro Quisocristo nosoroatënquëmaꞌ, catahuainquëmaꞌ. Nani ninshitëranquëma huachi. Paono

2 Tesalonicenses 1:2

Inaora nohuanton, catahuainquëmaꞌ. Asanocancainquëmaꞌ. Sinioro Quisocristontaꞌ inapochachin catahuainquëmaꞌ, tënahuë.

2 Tesalonicenses 3:16

Sinioroíchin asanocancaninpoaꞌ. Ina catahuainquëmaꞌ sano cancantacamaso marëꞌ. Maꞌsona onpopiramahuëntaꞌ, nani tahuëri catahuainquëmaꞌ ama paꞌyanacamaso marëhuëꞌ. Nani tahuëri noya aꞌpainquëmaꞌ.

2 Tesalonicenses 3:18

Sinioro Quisocristo inaora nohuanton, nosoroatënquëmaꞌ, yaꞌipinquëmaꞌ catahuainquëmaꞌ. Nani ninshitëranquëma huachi. Paono

1 Timoteo 1:2

Timotionquën ninshitaranquën. Aꞌchintëranquën niꞌton, Quisocristo natëton, ina imaran. Napoaton huiꞌnahuë pochachin niꞌnanquën. Naꞌcon nosororanquën. Tata Yosë inaora nohuanton, catahuainquën. Noya nosoroinquën. Nani tahuëri asanocancainquën. Quisocristontaꞌ inapochachin catahuainquën. Inasáchin natërëhuaꞌ.

1 Timoteo 6:2

“Patronënantaꞌ Quisocristo imapachin, ama ina marëꞌ chiroinasohuëꞌ. Iyaparin pochin nicatonaꞌ, noya noya sacachinaꞌ. Imarinsoꞌ catahuarapi niꞌton, nóya sacachinaꞌ. Inantaꞌ Yosëri nosororin niꞌton, noya catahuainaꞌ,” itëquëꞌ. Yaꞌipi carinquën pënënanquënsoꞌ, aꞌchinquëꞌ. Onpopiontaꞌ pënënquëꞌ natëinaꞌ.

2 Timoteo 1:2

Timotionquën ninshitaranquën. Nosoroatënquën, huiꞌnahuë pochin niꞌnanquën. Tata Yosë inaora nohuanton, catahuainquën. Noya nosoroꞌinquën. Nani tahuëri asanocancainquën. Quisocristontaꞌ inachachin catahuainquën. Inasoꞌ huaꞌanënpoaꞌ niꞌton, inasáchin natërëhuaꞌ.

2 Timoteo 4:22

Sinioro Quisocristo achinicancainquën. Yaꞌipinquëmaꞌ imaramasopita inaora nohuanton, noya catahuainquëmaꞌ. Nani huachi. Paono

Tito 1:4

Titonquën ninshitaranquën. Aꞌchintohuatënquëna natëton, imaran niꞌton, tëhuënchachin huiꞌnahuë pochin niꞌnanquën. Tata Yosë inaora nohuanton, catahuainquën. Asanocancainquën. Quisocristontaꞌ inachachin catahuainquën. Inasoꞌ nichaꞌësarinpoaꞌ.

Filemón 1:25

Inaora nohuanton, Sinioro Quisocristo noya catahuainquëmaꞌ. Nani huachi. Paono

Filemón 1:3

Tata Yosë inaora nohuanton, naꞌcon catahuainquëmaꞌ. Asanocancainquëmaꞌ. Sinioro Quisocristontaꞌ inachachin catahuainquëmaꞌ.

Santiago 1:1

Ca Santiacoco ninshitaranquëmaꞌ, niꞌcoꞌ. ¿Noya canpitantaꞌ yaꞌhuaramaꞌ? Cantaꞌ isëquë noya yaꞌhuarahuë. Tata Yosë huaꞌanëntërinco niꞌton, Sinioro Quisocristoíchin natërahuë. Yaꞌipi cotioroꞌsanquëmaꞌ Quisocristo imaramasoꞌ ninshitaranquëmaꞌ. Canpitasoꞌ yanquëërahuatomaꞌ, nisha nisha parti yaꞌhuaramaꞌ. Yaꞌipi Yosë piyapinënpitanquëmaꞌ ninamasoꞌ ninshitaranquëmaꞌ.

1 Pedro 1:15

Tata Yosë noyasáchin ninin. Huëntonënquë ayaꞌconinquëmaꞌ niꞌton, canpitantaꞌ ina pochin cancantocoꞌ.

1 Juan 3:1

Ma noya Tata Yosë nosororinpoaꞌ niꞌton, huiꞌninpita pochachin niꞌninpoaꞌ. Huëntonënquë chachin ayaꞌconinpoaꞌ. Co imapisopitasohuëꞌ nipirinhuëꞌ co nitotopihuëꞌ. “¿Onpoatontaꞌ Yosë pochin cancantacasoꞌ nohuantopi?” toconpi. Co Yosë nohuitatonahuëꞌ, napopi.

2 Juan 1:3

Inaora nohuanton, Tata Yosë naꞌcon catahuainquëmaꞌ. Nani tahuëri nosoroꞌinquëmaꞌ. Asanocancainquëmaꞌ. Quisocristontaꞌ inachachin catahuainquëmaꞌ. Inasoꞌ Yosë huiꞌnin chachin. Catahuahuachinpoaꞌ, noꞌtëquën yonquiarihuaꞌ. Ina quëran noya ninosoroarihuaꞌ.

Apocalipsis 2:1

Ina quëran shaꞌhuitërinco: —Aꞌna quiricaquë ninshitaton, ansiano Ipisoquë yaꞌhuërinsoꞌ aꞌpatëquëꞌ nontohuachin imapisopita natainaꞌ. “Ca Quisosoco quirica aꞌpataranquëmaꞌ, niꞌcoꞌ. Inchinanëhuë quëran canchisë tayoraroꞌsaꞌ sëꞌquërahuë. Canchisë sëꞌparahuan nanparin pochin nininsopita huancánachin paꞌsárahuë.

Apocalipsis 2:12

Ina quëran shaꞌhuitaantarinco: —Ansiano Pircamoquë yaꞌhuërinsontaꞌ ninshitëquëꞌ nonchin imapisopita natainaꞌ. “Ca Quisosoco quirica aꞌpataranquëmaꞌ, niꞌcoꞌ. Chiníquën nanantato, sahuëni cato quëran chachin toꞌnapinan pochin nininsoꞌ yaꞌhuëtërinco anaꞌintaꞌhuaso marëꞌ.

Apocalipsis 2:18

Ina quëran itaantarinco: —Ansiano Tiatiraquë yaꞌhuërinsontaꞌ ninshitëquëꞌ nonchin imapisopita natainaꞌ. “Ca Yosë huiꞌninco quirica aꞌpataranquëmaꞌ. Yaꞌpirahuë pën nënërinso pochin niꞌton, yaꞌipi yonquiramaso quëran huarëꞌ nitotërahuë. Nantëhuëntaꞌ shaꞌpi huaꞌna pënquë aꞌpërëso pochin niꞌton, huënaráchin yaꞌnorin.

Apocalipsis 2:29

Imaramaco niꞌton, Ispirito Santo nontarinquëmaꞌ. Huëratëhuanpatamaꞌ, noya natanatomaꞌ, yonquicoꞌ. Nani huachi,” itëquëꞌ, ninshitohuatan, itërinco.

Apocalipsis 2:8

Ina quëran shaꞌhuitaantarinco: —Ansiano Ismirinaquë yaꞌhuërinsontaꞌ ninshitëquëꞌ nonchin imapisopita natainaꞌ. “Ca Quisosoco quirica aꞌpataranquëmaꞌ, niꞌcoꞌ. Iráca quëran huarëꞌ yaꞌhuërahuë. Co onporontaꞌ taꞌhuantarahuëꞌ. Chiminaporahuëꞌ, nanpiantarahuë.

Apocalipsis 22:21

Sinioro Quisoso noya catahuainquëmaꞌ. Yaꞌipi imaramasopita nosoroatënquëmaꞌ, catahuainquëmaꞌ. Nani ninshitëranquëma huachi. Coansha

Apocalipsis 3:14

—Ina quëran ansiano Naotisiaquë yaꞌhuërinsoꞌ ninshitëquëꞌ nonchin imapisopita natainaꞌ. “Ca Quisosoco quirica aꞌpataranquëmaꞌ, niꞌcoꞌ. Noꞌtëquën nonato, noꞌtën nanan aꞌchintëranquëmaꞌ. Co onporontaꞌ nonpintëranquëmahuëꞌ. Yosë nohuanton, yaꞌipi maꞌsha ninahuë. Napoaton, yaꞌipi piyapiꞌsaꞌ natëinacosoꞌ yaꞌhuërin.

Apocalipsis 3:22

Imaramaco niꞌton, Ispirito Santo chachin nontarinquëmaꞌ. Huëratëhuanpatamaꞌ, noya natanatomaꞌ, yonquicoꞌ. Nani huachi,” itëquëꞌ ninshitohuatan, itërinco Quisoso.

Apocalipsis 3:7

Ina quëran itaantarinco: —Ansiano Piratiripiaquë yaꞌhuërinsontaꞌ ninshitëquëꞌ nonchin imapisopita natainaꞌ. “Ca Quisosoco quirica aꞌpataranquëmaꞌ, niꞌcoꞌ. Casoꞌ noya noyaco. Casáchin noꞌtëquën aꞌchinahuë. Iráca Yosëri Tapi shaꞌhuitërin. ‘Aꞌna tahuëri quëma shiparinquën yaꞌipi piyapinëhuëpita huaꞌanëntarin,’ itërin. Iráca ninorincoso chachin nani oꞌmarahuë Yosë huëntonënquë ayaꞌconaꞌhuanquëmaso marëꞌ. Niahuiquë yaꞌcoana iꞌsoarahuatëꞌ, ayaꞌconëꞌ. Inapochachin carinquëmaꞌ ayaꞌconpatënquëmaꞌ, co insontaꞌ nanitërinhuëꞌ ocoiinquëmasoꞌ. Oncotohuatëra, co aꞌnapita nanitopihuëꞌ yaꞌconacaisoꞌ.