Romanos 1:28 - Chayahuita (Shahui)

²⁸ Co Yosë yanatëpihuëꞌ niꞌton, inari aꞌporin co noyahuëꞌ nicacaiso marëꞌ. Nitapicancamiatopi.

Romanos 1:28 ပူးပေါင်းရင်းမြစ်များ

Génesis 6:5

Napoaponaraihuëꞌ, paꞌpi co noyahuëꞌ cancantopi. Co noyahuëꞌ nicacaisoráchin yonquipi niꞌton, Yosëri co noyahuëꞌ niꞌnin.

2 Samuel 22:27

Noꞌtëquën nontohuachinën quëmarinta noꞌtëquën nontaran. Yanonpintohuachinënsoꞌ, quëmarisoꞌ naꞌcon naꞌcon nitotaton monaaran.

Salmos 69:27

Co noyahuëꞌ nipiso marëꞌ parisichinaꞌ. Ama oshanëna inquitëquësohuëꞌ.

Proverbios 1:22

“Aꞌnaquëmasoꞌ, co chinoton yonquiátëraramahuëꞌ. ¿Onporo huarëta co chinotonhuëꞌ yonquiramaso naniantapomaꞌ? Aꞌnaquëmantaꞌ, narinatoma tëhuacamasoráchin cancantaramaꞌ. ¿Onporo huarëta ina pochin cancantëramaso aꞌpoapomaꞌ? Apínapichin yonquiramasopitantaꞌ, ¿Onporo huarëta nitoton nicacamaso nohuantapomaꞌ?

Proverbios 1:29

Noꞌtëquën yonquicaso nocanama niꞌton, inapotaranquëmaꞌ. Co Sinioronta noya nicatoma natëramaso marëhuëꞌ, napoaramaꞌ.

Proverbios 1:7

Yonquínahuan nicamasoꞌ nohuantohuatamaꞌ, Sinioro noya nicatoma natëcoꞌ. Co yonquínahuanhuëꞌ nipachinara, yonquínahuan yonquipisopita nocanpi. Co aꞌchintacaiso tëranta paꞌyatopihuëꞌ.

Jeremías 6:30

Naponpiso marëꞌ inapitasoꞌ, ‘prata chiꞌchirotërinso pochin niconpi,’ itaponaꞌ. Aꞌporan niꞌton, inapo nohuitaponaꞌ,” itërahuë carintaꞌ.

Oseas 4:6

Co nohuitërinacohuëꞌ niꞌton, piyapinëhuëpita ataꞌhuantarahuë. Canpita corto huaꞌanoꞌsanquëma tëhuërama niꞌton, napotarahuë. Canpita chachinta co nohuitëramacohuëꞌ. Naporahuaton co nohuantëramahuëꞌ nohuitamacosoꞌ. Napoaton cantaꞌ, co corto huaꞌanoꞌsa pochin niꞌnanquëmahuëꞌ. Pënëntërahuësonta naniantërama niꞌquëhuarëꞌ, canta canpita quëran pipipisopita catahuacaꞌhuasoꞌ, naniantarahuë.

Hechos 17:23

Cachiquë paꞌpatora, yaꞌipi moshatëramasoꞌ niꞌnahuë. Aꞌna artaro quënanahuë. Inaquë ninshitëramaꞌ. ‘isoso yosë co nohuitopirëhuahuëꞌ, moshahuaꞌ,’ tënamaꞌ ninshitatomaꞌ. Co nohuitapomarahuëꞌ, mosharamaꞌ. Apira carinquëmaꞌ aꞌchinchinquëmaꞌ, nohuitocoꞌ.

Hechos 17:32

“Ananpitaantarin,” tëninso marëꞌ, “Tëhuënchachin taꞌmaꞌ ananpitëca,” taꞌtonaꞌ, tëhuapi aꞌnaquën. Aꞌnaquënso nipirinhuëꞌ co tëhuapihuëꞌ. —Aꞌna tahuëri aꞌchintaantacoi, itopi.

Romanos 1:18

Yosë inápaquë yaꞌhuaponahuëꞌ, cancanënpoa quëran anitotërinpoaꞌ. “Piyapiꞌsaꞌ co noyahuëꞌ nipi. Co ca pochin cancantopihuëꞌ. Ina marëꞌ noꞌhuito, anaꞌintarahuë huachi,” tënin Yosë. Noꞌtën nanan nitotaponaraihuëꞌ, co nohuantopihuëꞌ natëcaisoꞌ.

Romanos 1:21

Yosë yaꞌhuërinsoꞌ nitotaponaraihuëꞌ, co ina chinotopihuëꞌ. Ina nohuanton, nani maꞌsha yaꞌhuëtopirinahuëꞌ, co ina marëꞌ “Yosparinquën Sinioro,” co itopihuëꞌ. Nisha nisha yonquiatonaꞌ, chihuërinso pochin nipi. Tashi pochin cancantopi.

Romanos 1:24

Napoaton Yosëri tananpitërin co noyahuëꞌ yonquipisopita nicacaiso marëꞌ. Aꞌporin. Aꞌpohuachina, paꞌpi co noyahuëꞌ nipi. Taparosáchin yonquiatonaꞌ, nisëꞌhuapi. Co ina pochin nisëꞌhuacasohuëꞌ nipirinhuëꞌ.

Romanos 1:26

Napoaton Yosëri tananpitërin paꞌpi co noyahuëꞌ cancantacaiso marëꞌ. Sanapiꞌsaꞌ co huachi soꞌinaꞌ nohuantopihuëꞌ. Sanapi capini nisëꞌhuacaisoꞌ nohuantopi. Co ina pochin nicacasohuëꞌ nipirinhuëꞌ.

1 Corintios 15:34

Noꞌtëquën yonquiatomaꞌ, noyasáchin nicoꞌ. Ama huachi tëhuëcosohuëꞌ. Aꞌnaquëmaꞌ co Yosë nohuichátëraramahuëꞌ. Ina yonquiatomaꞌ, tapanacamasoꞌ yaꞌhuërin, tënahuë.

2 Corintios 10:5

Aꞌnaquën nisha nanan imasapi. “Quiyaora noya nitotërai,” toconpi niꞌton, co nanitopihuëꞌ Yosë nohuitacaisoꞌ. Nipirinhuëꞌ, Yosë catahuarincoi inapitantaꞌ minsëcaꞌhuaisoꞌ. Noꞌhuipirinacoihuëꞌ, noꞌtën nanan aꞌchintarai Quisocristoíchin natëcaiso marëꞌ. Yaꞌipinpoaꞌ co noyahuëꞌ yonquipirëhuahuëꞌ, Yosë nanitërin ananiantinpoasoꞌ Quisocristoíchin natëcaso marëꞌ.

Efesios 5:4

Ama taparoꞌ ninontocosohuëꞌ. Ama narinacasoachin yonquicosohuëꞌ. Co topinan quëran ninontacasoꞌ yaꞌhuërinhuëꞌ. Yosë catahuarinpoasoꞌ naꞌcon naꞌcon nishaꞌhuitatëhuaꞌ: “Yosparinquën Sinioro,” itahuaꞌ.

2 Tesalonicenses 1:8

Oꞌmantarahuaton, co Yosë nohuitopisopitahuëꞌ anaꞌintarin. Co Sinioro Quisoso nanamën natëpihuëꞌ niꞌton, chiníquën anaꞌintarin.

2 Timoteo 3:8

Iráca catoꞌ pënotonoꞌsari Moisësë chinitopi. Canisë, Canprisë inapita itopisoꞌ. Moisësë noꞌhuitonaꞌ, copirno nonpintopi ama natëcaso marëhuëꞌ. Inapochachin ipora nisha aꞌchinaꞌpiroꞌsaꞌ co noyahuëꞌ yonquiatonaꞌ, co Yosë nohuantopihuëꞌ. Noꞌtëquën noninsoꞌ co yanatanpihuëꞌ. Nisha nanan imatonaꞌ, co Yosë imasapihuëꞌ.

Tito 1:16

“Yosë nohuitërahuë,” topirinahuëꞌ, co noyahuëꞌ nipi. Ina marëꞌ co tëhuënchachin imapihuëꞌ, tënahuë. Co Yosëri noya niꞌninhuëꞌ. “Napoonpi,” tënin. Co mantaꞌ yanatëpihuëꞌ. Yosë aꞌpoatonaꞌ, co piꞌpisha tërantaꞌ nanitopihuëꞌ noya nicacaisoꞌ.

Filemón 1:8

Iporasoꞌ piꞌpian shaꞌhuichinquën maꞌsona noya nicamasoꞌ. Quisocristo acorinco nanamën aꞌchinaꞌhuaso marëꞌ. Chiníquën nanan quëtërinco niꞌton, nohuantërahuë naporini, camaiꞌtënquënhuëꞌ. Nipirinhuëꞌ co nohuantërahuëꞌ.

2 Pedro 3:5

Co yanatëtonaraihuëꞌ, co yonquiapihuëꞌ. Iráca co mantaꞌ yaꞌhuëpirinhuëꞌ. Ina quëran Yosë nonaton, isoroꞌpaꞌ acorin. Inápaquë yaꞌhuërinsopitantaꞌ acorin. Isoroꞌpasoꞌ iisáchin nipirinhuëꞌ, ina nohuanton, yaniroꞌ yaꞌnorin.