Romanos 1:25 - Chayahuita (Shahui)

²⁵ Yosëri noꞌtëquën anitotopirinhuëꞌ, ina aꞌporahuatonaꞌ, nonpin nanan natëpi. Maꞌsha isoroꞌpaquë yaꞌhuërinsopita moshatonaꞌ, chinotopi. Yosëriáchin yaꞌipiya ninin nipirinhuëꞌ, co inasoꞌ chinotopihuëꞌ. Tëhuënchachin inasáchin chinotacasoꞌ yaꞌhuërin, tënahuë. Amen.

Romanos 1:25 ပူးပေါင်းရင်းမြစ်များ

Salmos 72:19

Inasoꞌ, noyápiachin. Inasáchin chinotomiachinaꞌ. ¡Yosë huënaratërinsoari yaꞌipi isoroꞌpaꞌ noyá aꞌpinchin! ¡Inapoꞌin mini!

Isaías 44:20

Napoatonaꞌ, inapitaso huariano caꞌpiso pochin nisapi. Nonpi nanan imatona napopi. Inapitasoꞌ co onporonta chaꞌësapihuëꞌ. Co nanitapihuëꞌ: “Iso mamanshisoꞌ, topinan quëran mosharahuë,” taꞌcaisoꞌ.

Amós 2:4

Naquëranchin Sinioro taantarin: “Cota huënton israiroꞌsantaꞌ, paꞌpi co noyahuëꞌ nipi. Aꞌchintërahuësopita nocanatonaꞌ, pënëntërahuësopitanta co natëpihuëꞌ. Shimashonëna moshapiso chachin inapitanta moshaantapi. Napoaton inapitanta anaꞌintaꞌhuaso yaꞌhuërin.

Habacuc 2:18

Aꞌnaquën naꞌpi quëranhuë nipon, nara quëranhuë nipon patëtahuatonaꞌ, mamanshi tënipi. ¡Tënipirinahuëꞌ, inaso co maꞌmarë tëranta paꞌtërinhuëꞌ! Aꞌnaquëonta mamanshinën nontaton: ‘Quëmaso yosënëhuënquën,’ itërin. ¡Napotohuachina, nonpiánin inasoꞌ! Mamanshiroꞌsasoꞌ, co nonacaso tëranta nanitopihuëꞌ. Napoaton ina ninaꞌpiroꞌsasoꞌ, ¡co inapita natëcaiso yaꞌhuërinhuëꞌ!

Mateo 10:37

Yaimapatamaco, ca naꞌcon naꞌcon nosoroco. Tatamaꞌ, mamamaꞌ, huiꞌnamaꞌ inapita co onpopinchin nosorocasoꞌ yaꞌhuërinhuëꞌ. Co naꞌcon naꞌcon nosorohuatamacohuëꞌ, co tëhuënchachin imaramacohuëꞌ tënahuë.

Mateo 6:24

Ina quëran itaantarin: “Aꞌna piyapi catoꞌ patron yaꞌhuëtohuachina, nisha nisha camaitopi niꞌton, co nanitërinhuëꞌ cato chachin natëcasoꞌ. Aꞌnasoꞌ nohuantaton, noya natëarin. Aꞌnaso nipirinhuëꞌ co onpopinchin nohuantatonhuëꞌ, co natëarinhuëꞌ. Inapochachin canpitantaꞌ coriquiráchin cancantohuatamaꞌ, co nanitaramahuëꞌ Yosë natëcamasoꞌ,” tënin.

Juan 2:8

—Piꞌpian macatomaꞌ, pita huaꞌan apiꞌnitoncoꞌ, itaantarin Quisosori. Napotohuachina, masahuatona apiꞌnitoonpi.

Romanos 1:18

Yosë inápaquë yaꞌhuaponahuëꞌ, cancanënpoa quëran anitotërinpoaꞌ. “Piyapiꞌsaꞌ co noyahuëꞌ nipi. Co ca pochin cancantopihuëꞌ. Ina marëꞌ noꞌhuito, anaꞌintarahuë huachi,” tënin Yosë. Noꞌtën nanan nitotaponaraihuëꞌ, co nohuantopihuëꞌ natëcaisoꞌ.

Romanos 1:23

Yosësoꞌ noyasáchin ninin. Co onporontaꞌ chiminaponhuëꞌ. Inaso nipirinhuëꞌ, co ina yonquipihuëꞌ. Ina naniantatonaꞌ, mamanshi nipi moshacaiso marëꞌ. Mamanshi piyapi nonanpisoꞌ moshapi. Co piyapi yaꞌhuëmiatopirinhuëꞌ, ina yamoshapi. Nisha nisha maꞌsharoꞌsantaꞌ moshapi. Aꞌnaquën anpiantëhuanoꞌsaꞌ, aꞌnaquën noꞌpaquë niohuaratërinsopita, inapita moshapi.

Romanos 9:5

Shimashonënpitasoꞌ Yosëri chachin huayonin. Ina quëran Cristo isoroꞌpaquë oꞌmahuachina, Israiro sanapi quëran nasitërin. Inasoꞌ Yosë chachin. Yaꞌipiya huaꞌanëntërinpoaꞌ. ¡Ma noyacha inaso paya! tënëhuaꞌ. Amen.

2 Corintios 11:31

Yosë niꞌsárinco, co nonpintaranquëmahuëꞌ. Inasoꞌ Quisocristo paꞌpin chachin, yaꞌipiyari chinochinaꞌ. Ina niꞌsárinco niꞌton, noꞌtëquën nontaranquëmaꞌ.

Efesios 3:21

“Ma noyacha Tata Yosëso paya,” itahuaꞌ. Quisocristo noya imapatëhuaꞌ, aꞌnapitantaꞌ nicatënënpoaꞌ, Yosë yonquiapi. Yaꞌipi piyapiꞌsari ina chinochinaꞌ. Ama onporontaꞌ ina naniantahuasohuëꞌ. Ipora quëran huarëꞌ inasáchin yonquiaꞌahuaꞌ. Amen.

1 Tesalonicenses 1:9

Inapita chachin canpita naporamasoꞌ shaꞌhuiantapi: “Paono niꞌquihuachincoira, noya aꞌchintërincoi. Noya natanatoi, aꞌnaroáchin natërai. Mamanshi aꞌporahuatoi, Tata Yosëíchin chinotërai. Ina imarai huachi. Yosësoꞌ nanpirárin. Inasáchin chinotacasoꞌ yaꞌhuërin.

1 Timoteo 1:11

Yosë nanamënsoꞌ noya nóya. Ina quëran nichaꞌërinpoaꞌ. “Ma noyacha Yosëso paya,” itërëhuaꞌ. Ina chachin acorinco nanamën shaꞌhuicaꞌhuaso marëꞌ.

1 Timoteo 1:17

Napoaton Yosëíchin natëahuaꞌ. Nani tahuëriya: “¡Ma noyacha Yosëso paya!” itahuaꞌ. Inasoꞌ co onporontaꞌ taꞌhuantaponhuëꞌ. Co quënanpirëhuahuëꞌ, huaꞌanëntomiatërinpoaꞌ. Inaíchin chinotacasoꞌ yaꞌhuërin. Ama onporontaꞌ ina naniantahuasohuëꞌ. Amen.

2 Timoteo 3:4

Iina niponaraihuëꞌ, nonpinapitonaꞌ shaꞌhuirapiapi. Co huachi yonquiapihuëꞌ: “Quiyasáchin nitotërai,” tosapi. Nipaꞌyatacasoáchin yonquiatonaꞌ, co huachi Yosë nohuantapihuëꞌ.

1 Juan 5:20

Yosë huiꞌnin chachin oꞌmaton, noꞌtëquën Yosë anohuitërinpoaꞌ. Inasáchin noꞌtëquën yonquirin. Yosë nohuitatëhuaꞌ, yonquirinsoráchin imasarëhuaꞌ. Quisocristo nohuitërëhuaꞌ niꞌton, catahuarinpoaꞌ noꞌtëquën yonquicaso marëꞌ. Inaíchin Yosësoꞌ niꞌton, chinotacasoꞌ yaꞌhuërin. Ina nohuitohuatëhuaꞌ, nanpimiatarihuaꞌ.