Romanos 1:23 - Chayahuita (Shahui)

²³ Yosësoꞌ noyasáchin ninin. Co onporontaꞌ chiminaponhuëꞌ. Inaso nipirinhuëꞌ, co ina yonquipihuëꞌ. Ina naniantatonaꞌ, mamanshi nipi moshacaiso marëꞌ. Mamanshi piyapi nonanpisoꞌ moshapi. Co piyapi yaꞌhuëmiatopirinhuëꞌ, ina yamoshapi. Nisha nisha maꞌsharoꞌsantaꞌ moshapi. Aꞌnaquën anpiantëhuanoꞌsaꞌ, aꞌnaquën noꞌpaquë niohuaratërinsopita, inapita moshapi.

Romanos 1:23 ပူးပေါင်းရင်းမြစ်များ

Isaías 40:18

¡Co aꞌnaya tëranta Yosë pochin yaꞌhuërinhuëꞌ! ¡Co inso mamanshi tërantaꞌ, ina pochin yaꞌhuërinhuëꞌ! Mamanshisoꞌ, huaꞌna asoquirahuatona nipi. Nitapacaisoꞌ ninaꞌpiri oro quëran pashitërin. Inapotahuaton prata quëran catinaaꞌhuaroꞌsa apëꞌpëconotërin.

Isaías 40:26

Inta nipachin piꞌiroꞌtë nëꞌpëricoꞌ. ¡Nani canpita cari acorahuësoꞌ nitotëramaꞌ! Yaꞌipi inaquë yaꞌhuërinsopita acoato, aꞌnaya aꞌnaya insëquësona nohuantërahuëquë acorahuë. Chini chiníquën nanantato nininëna quëran përapatora, yaꞌipi yaꞌnopi,” tënin.

Isaías 44:13

Mamanshi ninaꞌpi naraquë sacatërinsontaꞌ, yonquiaꞌahuaꞌ. Inasoꞌ, mitro pochin nininquë yaꞌipi aꞌniraꞌpiarin. Napisë, conpasë, inapitaquë nonanahuaton sacatërin. Inapotahuaton naꞌpi yachananquë ashimëntërin. Napoin quëran piyapi pochin noyapin noyapin yaꞌnorinso acorin. Nani tënirahuaton, moshatopiso pëiquë acoconin.

Jeremías 2:11

¡Co inso nacionquë tërantaꞌ, yosënëna aꞌporahuatonaꞌ, aꞌna chinotaantapihuëꞌ! Inapitasoꞌ nonpin yosëroꞌsa imaponaraihuëꞌ, ¡co onporonta inapochinpihuëꞌ! Piyapinëhuëpitaso nipirinhuëꞌ, aꞌporinaco. Noya noya nipirahuëꞌ, mamanshiroꞌsa co manta catahuatopisopitahuëꞌ, imacaiso marëꞌ aꞌporinaco.

Hechos 10:12

Inaquë nani maꞌsha yaꞌhuërin. Tananquë yaꞌhuërinsopita, pëhuara pochin nininsopita, anpiantëhuanoꞌsaꞌ, inapita yaꞌhuërin niꞌnin.

Hechos 17:29

Napoaton Yosëntaꞌ canpoa pochin nanpirárin antaꞌ. Co inasoꞌ mamanshi pochinhuëꞌ. Mamanshiso nipirinhuëꞌ piyapiꞌsari inahuara yonquinëna quëran nipi. Oro quëran, prata quëran, naꞌpi quëran, ina quëranpita nipi. Ama Yosësoꞌ mamanshi pochin cancantocosohuëꞌ.

Romanos 1:25

Yosëri noꞌtëquën anitotopirinhuëꞌ, ina aꞌporahuatonaꞌ, nonpin nanan natëpi. Maꞌsha isoroꞌpaquë yaꞌhuërinsopita moshatonaꞌ, chinotopi. Yosëriáchin yaꞌipiya ninin nipirinhuëꞌ, co inasoꞌ chinotopihuëꞌ. Tëhuënchachin inasáchin chinotacasoꞌ yaꞌhuërin, tënahuë. Amen.

1 Corintios 12:2

Iráca co Yosë natëyatërapomahuëꞌ, nisha nisha yonquiatomaꞌ, mamanshi mosharamaꞌ. Co nanpiton natanpirinquëmahuëꞌ, sopai nohuanton, inapita chinotëramaꞌ.

1 Pedro 4:3

Huaꞌquiꞌ co noyahuëꞌ ninamaꞌ. Monshihuanamaꞌ, nisha nisha sanapi noyaramaꞌ, noꞌpiramaꞌ. Pita nicacasoáchin yonquiramaꞌ. Mamanshi mosharamaꞌ, co inapita moshacasohuëꞌ nipirinhuëꞌ. Iráca co Yosë imatomahuëꞌ, inaporamaꞌ. Inapoatomaꞌ, tahuëri chiniaramaꞌ.

Apocalipsis 9:20

Naꞌa piyapiꞌsaꞌ chiminpirinahuëꞌ, co naporo tërantaꞌ aꞌnapitasoꞌ yonquiapihuëꞌ. Niꞌsaponaraihuëꞌ, inachachin co noyahuëꞌ cancantapi. Aquëtë chachin sopairoꞌsaꞌ chinotapi. Nisha nisha mamanshi moshapi. Oro quëran, prata quëran, huaꞌna quëran, naꞌpi quëran, nara quëran, ina quëranpita nipisoꞌ. Co inapitasoꞌ quënantopihuëꞌ, co natantopihuëꞌ, co iratopihuëꞌ. Co nanpipirinahuëꞌ, mosharapi.