Romanos 1:17 - Chayahuita (Shahui)

¹⁷ “Yosëíchin anoyacancantërinpoaꞌ,” topatëhuaꞌ, Yosë noya niꞌsarinpoaꞌ. Oshanënpoaꞌ inquitatonpoaꞌ, co huachi inapita yonquiarinhuëꞌ. Quiricanën quëran ina anitotërinpoaꞌ. “Cancanënpoa quëran huarëꞌ Yosë natëhuatëhuaꞌ, noya niꞌsarinpoaꞌ niꞌton, noya nanpimiatarihuaꞌ,” tënin Yosë quiricanënquë. Co canpoara nanitërëhuahuëꞌ noya cancantacasoꞌ.

Romanos 1:17 ပူးပေါင်းရင်းမြစ်များ

Ezequiel 18:9

Pënëntërahuëso chachin nisarin. Yaꞌipi camaitërahuësopita noꞌtëquënáchin natërin. Naporin. Naponaꞌpisoꞌ, noya quëmapi. Naporinso marëꞌ inaso nanpipon. Ca Sinioroco shaꞌhuitaranquëmaꞌ.

Habacuc 2:4

Iso nanan inaquë ninshitëquëꞌ: ‘Papironiaroꞌsasoꞌ paꞌpi nocantopi. Canpitaso nipirinhuëꞌ sano piyapinquëma niꞌtomaꞌ: “Caora co nanitërahuëꞌ. Sinioroíchin catahuarinco chaꞌëcaꞌhuasoꞌ,” tënamaso marëꞌ nichaꞌësaranquëma nanpiaramaꞌ,’ tëquë ninshitaton.

Números 21:9

Napotohuachina, Moisësëso shaꞌpi huaꞌna quëran yaꞌhuan nonanin. Inapotahuaton, naraquë achinpirin. Inso tëranta yaꞌhuanahuachina, aꞌnaroáchin ina nëꞌpëconin. Nëꞌpëhuachina, Sinioro nohuanton noyatërin.

Juan 3:36

Huiꞌnin natëpisopitasoꞌ, Yosë nohuitatonaꞌ nanpimiatapi. Co natëpisopitasohuëꞌ, co ina pochin nanpimiatapihuëꞌ. Nani Yosëri yonquirin anaꞌintacaso marëꞌ. Aꞌna tahuëri anaꞌintomiatarin, parisitopiquë aꞌpararin huachi.

Romanos 10:3

Yosëíchin anoyacancantërinpoaꞌ. Nipirinhuëꞌ, co nohuantopihuëꞌ ina nanan imacaisoꞌ. “Pënëntërinsoꞌ natëhuatëhuaꞌ, Yosë noya niꞌsarinpoaꞌ,” toconpi. “Quëma Sinioro anoyacancantocoi,” co itopihuëꞌ.

Romanos 3:21

Iporaso nipirinhuëꞌ Yosë anitotërinpoaꞌ onporahuatësona chaꞌëcasoꞌ. Co iráca pënëntërinsoꞌ natërëhua quëran noya cancantarihuahuëꞌ. Moisësë, pënëntonaꞌpiroꞌsaꞌ, inapita inachachin shaꞌhuitërinënpoaꞌ.

Romanos 3:22

Quisocristo imapatëhuaꞌ, Yosë noya niꞌsarinpoaꞌ. Insosona natëhuachin, anoyacancantarin. Co nisha nisha nontërinpoahuëꞌ.

Romanos 3:3

Aꞌnaquënsoꞌ co huachi ina natëpihuëꞌ. Ina niponahuëꞌ, co nanitërëhuëꞌ: “Yosësoꞌ co noꞌtëquën shaꞌhuitërinhuëꞌ,” taꞌcasoꞌ.

Romanos 9:30

Napoahuarëꞌ ¿maꞌtaꞌ tëcarihuaꞌ? tënahuë yonquiato. Nisha piyapiꞌsaꞌ huaꞌquiꞌ co Yosë yonquipirinahuëꞌ, inari anoyacancantërin. “Yosë noꞌtëquën nonin,” taꞌtonaꞌ natëpi. Napoaton noya niꞌnin.

2 Corintios 3:9

Iráca pënëntërinsoꞌ nanan noya nipirinhuëꞌ, co natëhuachinahuëꞌ, anaꞌintacasoꞌ yaꞌhuërin. Quisocristo nanamënso nipirinhuëꞌ, noya noya. Ina imapatëhuaꞌ, oshanënpoaꞌ inquitatonpoaꞌ, Yosë noya niꞌsarinpoaꞌ. Napoaton noya noya, tënahuë.

2 Corintios 5:21

Iráca Quisocristo co mantaꞌ oshahuanaponahuëꞌ, Yosë nohuanton, yaꞌhuërëtërinpoaꞌ. Oshahuan pochin nicaton, Yosëri chiníquën anaꞌintërin. Canpoa marëꞌ chiminin niꞌton, co huachi oshahuan pochin niꞌninpoahuëꞌ. Quisocristo imapatëhuaꞌ, Yosë nóya niꞌsarinpoaꞌ.

Gálatas 3:11

“Pënëntërinsoꞌ natëto chaꞌësarahuë,” co taꞌcasoꞌ yaꞌhuërinhuëꞌ. Ina pochin cancantohuatëhuaꞌ, co Yosë noya niꞌsarinpoahuëꞌ. Quiricanën quëran noꞌtëquën shaꞌhuitërinpoaꞌ: “Cancanënpoa quëran huarëꞌ natëtohuatëhuaꞌ, Yosë noya niꞌsarinpoa niꞌton, noya nanpimiatarihuaꞌ,” tënin quiricanënquë.

Filipenses 3:9

Quisocristoíchin imasarahuë huachi. Co caora noya nicato chaꞌërahuëꞌ. Co pënëntërinsoꞌ natëto, chaꞌërahuëꞌ. Quisocristoíchin anoyacancantërinco, taꞌto, ina imarahuë. Imapatora, oshanëhuë inquitatonco, anoyacancantërinco. Ina quëran Yosë catahuarinco noya nicaꞌhuasoꞌ. Ina marëꞌ noya niꞌninco.

Hebreos 10:38

Cancanëma quëran huarëꞌ natëhuatamaco, noya niꞌsaranquëmaꞌ niꞌton, noya nanpimiataramaꞌ. Nipirinhuëꞌ aꞌpohuatamaco, paꞌpi co noyahuëꞌ niꞌsaranquëmaꞌ,” tënin.