Romanos 1:16 - Chayahuita (Shahui)

¹⁶ Co casoꞌ tapanahuëꞌ Quisocristo nanamën aꞌchinaꞌhuaso marëꞌ. Piyapiꞌsaꞌ natëhuachinaꞌ, Yosëri anoyacancantarin. Inaíchin nanitaparin nichaꞌëinpoasoꞌ. Cotioroꞌsariꞌton natëhuachinaꞌ, anoyacancantarin. Iporasoꞌ nisha nisha piyapiꞌsantaꞌ anoyacancantarin. Napoaton paꞌyatërahuë nanamën shaꞌhuicaꞌhuasoꞌ.

Romanos 1:16 ပူးပေါင်းရင်းမြစ်များ

Salmos 110:2

Ina napotërinquën niꞌton, catahuainquën. Inimiconënpita minsëraꞌpiaquëꞌ. Nani Quirosarinquë huaꞌanëntacaso marëꞌ acorinquën.

Isaías 53:1

Noya nanan shaꞌhuitërinënpoasoꞌ natanpirëhuahuëꞌ, ¡caraíchinpoa natëtërëhuaꞌ! Sinioro chiníquën nanantërinsoꞌ, ¡co insonta yanitotërinhuëꞌ!

Marcos 8:38

Ipora tahuëriꞌsaꞌ yaꞌhuëpisopita co noyahuëꞌ nipi. Nitëhuananpitopisopita pochin cancantopi. Tapayatomaco aꞌpohuatamaco, aꞌna tahuëri carimantaꞌ tapayatënquëmaꞌ, aꞌpoaranquëmaꞌ. Nanamëhuë aꞌpohuatamaꞌ, carimantaꞌ oꞌmantahuato, aꞌpoaranquëmaꞌ. Yosë quëran quëmapico niꞌto, aꞌna tahuëri oꞌmantararahuë. Tatahuë pochin huënaratahuato, noya anquëniroꞌsapitaroꞌco oꞌmantararahuë, itërin.

Lucas 9:26

Imapatamaco, tëhuaponënquëmaꞌ. Tapayatomaco aꞌpohuatamaco, aꞌna tahuëri carinquëmantaꞌ aꞌpoaranquëmaꞌ. Nanamëhuë aꞌpohuatamaꞌ, carinquëmantaꞌ oꞌmantahuato, aꞌpoaranquëmaꞌ. Yosë quëran quëmapico niꞌto, oꞌmantararahuë. Tata huënaratërinso pochin cantaꞌ huënaratarahuë. Noya anquëniroꞌsapitaroꞌco oꞌmantararahuë.

Juan 7:35

Huaꞌanoꞌsa capini ninontopi. —¿Intohuataꞌ yapaaton naporinsoꞌ? “Co quënanaramacohuëꞌ,” tënin. Nisha piyapiꞌsaꞌ yaꞌhuëpi parti aꞌnaquën cotioroꞌsaꞌ yacapatonpi. Inaquë paaton, nisha piyapiꞌsaꞌ aꞌchintapon nimara.

Hechos 3:26

Canpitaꞌton yonquiatënquëmaꞌ, huiꞌnin ananpitaantarahuaton, aꞌparin catahuainquëmaso marëꞌ. Ina catahuahuachinquëmaꞌ, co noyahuëꞌ ninamasopita naniantaramaꞌ. Ina quëran nóya cancantaramaꞌ. Ina marëꞌ Quisoso aꞌpaimarin,” itërin.

Romanos 10:17

Quisocristo nanamën natanacasoꞌ yaꞌhuërin. Natanpatëhuaꞌ: “Noꞌtëquën nonin,” topatëhuaꞌ, natëtarihuaꞌ.

Romanos 15:19

Tëhuënchachin Ispirito Santo ananitërinco niꞌton, naꞌa caniaꞌpiroꞌsaꞌ aꞌnaroáchin anoyatërahuë Yosë natëcaiso marëꞌ. Ina niꞌsahuatonaꞌ, natëpi. Ispirito Santori yaꞌcoancantërin niꞌton, imapi. Quirosarinquë aꞌchintërahuë. Ina quëran paꞌsápato, Iriricoquë huarëꞌ Quisocristo nanamën aꞌchintëraꞌpiarahuë. Yaꞌipi parti pënëntërahuë.

Romanos 15:29

Canpitataquë paꞌpato, Quisocristo noya catahuarinco nanamën aꞌchintaꞌhuanquëmaso marëꞌ, tënahuë.

Romanos 2:9

Yaꞌipi co noyahuëꞌ nipisopita noꞌtëquën anaꞌintarin. Naporoꞌ chiníquën parisitapi. Cotioroꞌsaꞌ noꞌtëquën chachin anaꞌintarin. Nisha piyapiꞌsantaꞌ co noyahuëꞌ nipachina, inapochachin anaꞌintarin.

Romanos 4:11

Yosë natërin niꞌton, inari noya niꞌnin. Coꞌhuara marca niacochatërasohuëꞌ, piyapinën pochachin niꞌnin. Ina piquëran marca niacotërin imarinsoꞌ anitotacaso marëꞌ. “Noꞌtëquën nontërinco,” topachina, noya niꞌnin. Nisha piyapiꞌsantaꞌ ina pochachin natëtohuachinara, Apraan pochin cancantopi. Co marca niacotopirinahuëꞌ, Apraan huiꞌninpita pochin nipi.

1 Corintios 15:2

Ina natëmiatohuatamaꞌ, Yosë nichaꞌësarinquëmaꞌ. Aꞌnaquënso nipirinhuëꞌ: “Imarahuë,” taponaraihuëꞌ, topinan quëran napopi. Co cancanëna quëran natëpihuëꞌ. Inapitasoꞌ co nichaꞌësarinhuëꞌ.

1 Corintios 2:2

Coꞌhuara paꞌshatërapohuëꞌ, yonquirahuë. “Quisocristo naporinsoáchin aꞌchinarahuë. Corosëquë oshanënpoa marëꞌ chimininsoꞌ aꞌchinchi,” taꞌto, inaíchin shaꞌhuitëranquëmaꞌ. Inasáchin imacamaso marëꞌ.

1 Corintios 2:4

Co naꞌcon nitotonaꞌpi pochin nontëranquëmahuëꞌ. Ispirito Santo chachin catahuarinco nanamën nóya aꞌchinaꞌhuaso marëꞌ. Inasoꞌ yaꞌipi nanitaparin. Natanpatamaꞌ, “Yosë nanamën chachin aꞌchintërinpoaꞌ,” taꞌtomaꞌ, natëramaꞌ.

1 Corintios 9:12

Aꞌnapitasoꞌ aꞌchintohuachinquëmara, maꞌsha topinan quëtëramaꞌ. Quiyasoꞌ naꞌcon naꞌcon aꞌchintërainquëmaꞌ niꞌton, naꞌcon naꞌcon quëtamacoisoꞌ yaꞌhuëpirinhuëꞌ. Napoaponahuëꞌ, co mantaꞌ topinan maꞌparainquëmahuëꞌ. Maꞌsha pahuantopirincoihuëntaꞌ, ahuantërai. Piyapiꞌsaꞌ noya noya Quisocristo nanamën natanacaiso marëꞌ co mantaꞌ maꞌpatëraihuëꞌ. Aꞌchinahuë quëran canarahuë naporini, co onpopinchin noya niꞌitonacoihuëꞌ nimara, tënahuë.

1 Corintios 9:18

Napoaton nanamën aꞌchinpatëra, co mantaꞌ ina marëꞌ maꞌpatërahuëꞌ. Cosharoꞌ, maꞌsha, inapita quëtinacosoꞌ yaꞌhuëpirinhuëꞌ, co mantaꞌ maꞌpatërahuëꞌ. Topinan aꞌchinahuë. Ina marëꞌ nóya cancantërahuë.

2 Corintios 2:12

Iꞌhua Troasëquë paꞌnahuë Quisocristo nanamën aꞌchinaꞌhuaso marëꞌ. Yosë nohuanton, naꞌa piyapiꞌsaꞌ nohuantopi niꞌton, aꞌchintërahuë.

2 Corintios 4:4

Sopai nohuanton, co nanitopihuëꞌ noꞌtëquën yonquicaisoꞌ. Maꞌsha aꞌpintërëso pochin nanamën quëran Yosë anitotërinpoaꞌ Quisocristo nohuitacaso marëꞌ. Inasoꞌ Yosë chachin ninin. Inapitaso nipirinhuëꞌ somaraya pochin cancantatonaꞌ, co nanitopihuëꞌ natëtacaisoꞌ.

2 Corintios 9:13

Catahuaramaꞌ niꞌton, noya cancantapi. “Ma noya Quisocristo nanamën natëtonaꞌ, catahuarinënpoaꞌ. Ma noyacha Yosësoꞌ niꞌton, ina nohuanton, naꞌa piyapiꞌsaꞌ catahuapi paya,” tosapi.

Gálatas 1:7

Co aꞌna nanan, iyaroꞌsaꞌ, yaꞌhuërinhuëꞌ chaꞌëcaso marëꞌ. Quisocristoíchin anoyacancantërinpoaꞌ. Ina imapatëhuaꞌ, oshanënpoaꞌ inquitarinpoaꞌ. Inasáchin yonquipiramahuëꞌ, aꞌnapita huëcatonaꞌ, nisha nanan aꞌchintarinënquëmaꞌ. Napoaton nisha nisha yonquiaramaꞌ. Yanonpintërinënquëmaꞌ. “Co Quisocristoráchin yonquicasoꞌ yaꞌhuërinhuëꞌ,” itërinënquëmaꞌ.

1 Tesalonicenses 2:13

Yosë nanamën aꞌchintohuatëinquëmara, noya natanamaꞌ. “Co piyapi yonquirinsoꞌ aꞌchintërinpoahuëꞌ. Yosë nanamën chachin aꞌchintërinpoaꞌ,” tënamaꞌ. Tëhuënchachin Yosë nanamën niꞌton, ina natëhuatamaꞌ, nanamën quëran anoyacancantarinquëmaꞌ. Ina marëꞌ nani tahuëri “Yosparinquën,” itërai Yosë.

1 Timoteo 1:11

Yosë nanamënsoꞌ noya nóya. Ina quëran nichaꞌërinpoaꞌ. “Ma noyacha Yosëso paya,” itërëhuaꞌ. Ina chachin acorinco nanamën shaꞌhuicaꞌhuaso marëꞌ.

2 Timoteo 1:12

Ina marëꞌ aparisitopirinacohuëꞌ, co tapanato yaaꞌporahuëꞌ. Quisocristo imamiatarahuë. Ina nohuitato, inasáchin natërahuë. Yaꞌipi nanitaparin. Nani shaꞌhuitërinco nanamën aꞌchinaꞌhuasoꞌ niꞌton, noya aꞌpaiarinco. Oꞌmantaquë huarëꞌ nanamën yaꞌhuëmiatarin, tënahuë.

2 Timoteo 1:16

Onisiporoso nipirinhuëꞌ, co naniantërincohuëꞌ. Nomaquë huëꞌsahuaton, yonisápatonco, quënaninco. Co tapanatonhuëꞌ, tashinan pëiquë niꞌquirinco. Naꞌaroꞌ achinicancaninco. Ina marëꞌ yaꞌipi pëinënquë yaꞌhuërinsopita Siniorori naꞌcon catahuain, tënahuë.

2 Timoteo 1:8

Ama tapanatonhuëꞌ, Sinioro nanamën aꞌchináquëꞌ. Ina aꞌchinahuëso marëꞌ tashinan pëiquë poꞌmorinaco. Ama ina marëntaꞌ tapanquësohuëꞌ. Quëmantaꞌ aꞌchinanso marëꞌ aparisitohuachinënquën, chiníquën cancantëquëꞌ. Napohuatan, Yosë catahuarinquën noya ahuantamasoꞌ.

Hebreos 4:12

Yosë nanamën chiníquën nanantërin. Yosë nanpiárin niꞌton, ipora huantaꞌ quiricanën quëran nontarinpoaꞌ. Noya natëhuatëhuaꞌ, nanamën quëran chachin catahuarinpoaꞌ noya noya imacaso marëꞌ. Coꞌsoꞌ natëhuatëhuahuëꞌ, aquë aquëtëꞌ co noyahuëꞌ cancantarihuaꞌ. Sahuëni cato quëran chachin toꞌnahuatëra, inëshin niꞌton, niahuëpatëra, aꞌnaroáchin nansë acopoquë huarëꞌ nipëꞌsharëꞌ. Inapochachin Yosë nanamënsoꞌ chini chiníquën yaꞌcoancantërinpoaꞌ. Ina yonquihuatëhuaꞌ, noꞌtëquën nitotarihuaꞌ. Yaꞌipi yonquirëhuaso chachin anitotërinpoaꞌ. Yonquinënpoaquë maꞌmarësona naporëhuasopitantaꞌ anitotarinpoaꞌ.

1 Pedro 4:16

Nipirinhuëꞌ, imaramaso marëꞌ aparisitohuachinënquëmaꞌ, ama tapancosohuëꞌ. “Quisocristo imarai mini. Ma noyacha Tata Yosëso paya,” topatamaꞌ, Yosë noya niꞌsarinquëmaꞌ.