Proverbios 8:34 - Chayahuita (Shahui)

³⁴ Aꞌpaitonaꞌpisoꞌ, nani tahuëri yaꞌcoana aꞌpairin. Inso tëranta noya natanatonco ina pochin cancantohuachinco, tëhuënchachin capa cancantapon.

Proverbios 8:34 ပူးပေါင်းရင်းမြစ်များ

1 Reyes 10:8

¡Saꞌanpita, yaꞌipi piyapinënpita, inapita nóya yaꞌhuëpi niꞌnahuë! Inapitasoꞌ nani tahuëri nonansoꞌ natanápatonaꞌ, capa cancantopi, tënahuë.

Salmos 27:4

Aꞌnaíchin maꞌsha Sinioro natainquën acotoco. Ina paꞌpi nohuantato napoarahuë. Quëma pëinënquë quëtoco yaꞌhuëꞌi. Inaquë yaꞌhuëato chinotaꞌinquën. Noyápiachin ninansoꞌ, niꞌsaꞌi.

Salmos 84:10

Huaranca tahuëri niquë yaꞌhuëpirahuëꞌ, co noya cancantarahuëꞌ. Aꞌna tahuëriíchin tëranta pëinën iꞌiratëquë nipato, noya noya cancantarahuë. Pëinën yaꞌcoananën aꞌpainaꞌpi nicaꞌhuasoꞌ, naꞌcon naꞌcon nohuanchitohuëꞌ. Co noyahuëꞌ nipisopita pëinënquë yaꞌhuëcaꞌhuasoso nipirinhuëꞌ, co nohuantërahuëꞌ.

Éxodo 12:7

Huënaiꞌ mapiso masahuatonaꞌ, yaꞌcoana chinpirinso nararoꞌsaꞌ, pashichinaꞌ.

Proverbios 1:21

Naꞌcon yamopiquë naporin. Ninano yaꞌcoanaroꞌsaquëntaꞌ, yonquirinso shaꞌhuiton atosárin:

Proverbios 3:13

Insosona nitoton nisahuaton yonquínahuan nipachin, tëhuënchachin capa cancanchin.

Proverbios 3:18

Yonquínahuan nipatëhuaꞌ, nanpirin nara caꞌnëso pochin ninëhuaꞌ. Yonquínahuan ninëhuaso coꞌsoꞌ aꞌpohuatëhuahuëꞌ, tëhuënchachin capa cancantarihuaꞌ.

Mateo 7:24

Ina quëran pënëntaantarin: “Naꞌaquëmaꞌ natanamacoso marëꞌ huëꞌnamaꞌ. Natëhuatamaco, aꞌna quëmapi pochin nisaramaꞌ. Ina quëmapisoꞌ, natëricho quëran yapëirin. Yapëihuachina, noya yonquiaton, noya pëiaquë yonirin. Naꞌpitëꞌ quënanahuaton, inaquë noya pëirin.

Lucas 1:6

Cato chachin noya Yosë imapi. Yaꞌipi pënëntërinsoꞌ noꞌtëquën natëpi.

Lucas 10:39

Martasoꞌ cain yaꞌhuëtërin, Maria itopisoꞌ. Quisoso huëꞌpachina, yaꞌcariya huënsëquirin. Aꞌchininsoꞌ noya natanarin.

Lucas 11:28

Inaso napopirinhuëꞌ, Quisosori itapon: —Yosë nanamën natanahuatona natëpisopita tëhuënchinsoꞌ, noya noya cancantaponaꞌ tënahuë, itërin.

Hechos 2:42

Caꞌtanoꞌsa aꞌchinpachinara, paꞌyatopi natanacaisoꞌ. Noya natanatonaꞌ, natëpi. Noya niniꞌtonaꞌ, yaꞌhuërapi. Quisoso chimininsoꞌ yonquiatonaꞌ, coshatapatapi. Naporahuatonaꞌ, apira apira Yosë nontapi.