Proverbios 8:22 - Chayahuita (Shahui)

²² Iráca chachin caniaritapon, Sinioro huaꞌanëntërinco. Coꞌhuara maꞌsha acoyátëraponhuëꞌ, huaꞌanëntërinco.

Proverbios 8:22 ပူးပေါင်းရင်းမြစ်များ

Salmos 104:24

¡Maꞌpitacha Sinioro quëmasoꞌ ninan paya! Noya yonquiaton nani maꞌsha acoran. Nani maꞌsha ninansopita isoroꞌpaꞌ mëntatërin.

Proverbios 3:19

Yonquínahuan niꞌton, Siniorosoꞌ piꞌiroꞌtë noyá acorin. Isoroꞌpanta inapotërin.

Miqueas 5:2

Naquëranchin Sinioro taantarin: “Pirin ninanosoꞌ, Iporata itopi antaꞌ. Inasoꞌ ninanoꞌ, aꞌnapita ninanoroꞌsa Cota huëntonquë yaꞌhuërin quëran nani naniaꞌhuaya. Ina niponahuëꞌ, yaꞌipi israiroꞌsa huaꞌanëntacaso marëꞌ inaquë aꞌnara copirno nasitapon. Ina shimashonënpitasoꞌ, iráca quëran huarëꞌ yaꞌhuëpi,” tënin.

Colosenses 1:17

Coꞌhuara maꞌsha yaꞌhuëyátërasohuëꞌ, Quisocristo yaꞌhuërin. Ina nohuanton, piyapiꞌsaꞌ, maꞌsharoꞌsaꞌ, yaꞌipiya yaꞌhuërapi. Ipora huantaꞌ co yonquirinpoahuëꞌ naporini, yaꞌipinpoaꞌ taꞌhuanchitërihuahuëꞌ. Yaꞌipi maꞌsharëꞌquënpoa chachin taꞌhuanchitërihuahuëꞌ.

Apocalipsis 3:14

—Ina quëran ansiano Naotisiaquë yaꞌhuërinsoꞌ ninshitëquëꞌ nonchin imapisopita natainaꞌ. “Ca Quisosoco quirica aꞌpataranquëmaꞌ, niꞌcoꞌ. Noꞌtëquën nonato, noꞌtën nanan aꞌchintëranquëmaꞌ. Co onporontaꞌ nonpintëranquëmahuëꞌ. Yosë nohuanton, yaꞌipi maꞌsha ninahuë. Napoaton, yaꞌipi piyapiꞌsaꞌ natëinacosoꞌ yaꞌhuërin.