Proverbios 8:21 - Chayahuita (Shahui)

²¹ Nosororinacosopitasoꞌ, noꞌpaꞌ huaꞌanëntacaiso marëꞌ cari quëtëraꞌpiapo. Paꞌton nininsopita tapapiquëntaꞌ, cari amëntatëraꞌpiapo.

Proverbios 8:21 ပူးပေါင်းရင်းမြစ်များ

Génesis 15:14

Cariso nipirinhuëꞌ, aparisitërinsopita anaꞌintarahuë. Ina piquëran shiparinpita, noya chaꞌëponaꞌ. Maꞌhuanoꞌsa pipiponaꞌ.

Salmos 16:11

Onporahuatosoꞌ nanpimiataꞌhuasoꞌ, quëma aꞌchintaranco. Nani tahuëri catahuaranco niꞌton, noya cancantarahuë. Quëmaquëꞌpaꞌ nipato, capa cancantomiatarahuë.

Proverbios 1:13

Nani maꞌsha manëhua quëran maꞌhuanarihuaꞌ. Pëinënpoapitantaꞌ, amëntatarihuaꞌ.

Proverbios 15:6

Aꞌnaquënso co ihuatochináchinhuëꞌ, cancantopi. Inaporinsopitasoꞌ, notohuaroꞌ maꞌsha pëinënquë yaꞌhuëtërin. Co noyahuëꞌ nipisopitaso nipirinhuëꞌ, naꞌcon canapirinahuëꞌ, co inari catahuarinhuëꞌ.

Proverbios 24:4

Maꞌsha nicacasoꞌ nitotohuatëra, pëinënpoaquë patoanaroꞌsa amëntatërëꞌ. Noyápiachin paꞌton nininsopita quëran amëntatërëꞌ.

Proverbios 8:18

Nohuantërahuësopita, cari maꞌhuanacaisoꞌ quëtërahuë. Aꞌnapitari noya nicatona natëcaisoꞌ, noya yaꞌhuëcaisoꞌ, inapita cari quëtërahuë.

Proverbios 8:20

Ca nohuanto piyapiꞌsa noꞌtën ira paꞌtopi. Ca nohuanto chachin noya nipi.

Mateo 25:46

Parisitopiquë paꞌsahuatonaꞌ, inaquë yaꞌhuëmiatapi huachi. Noya nipisopitaso nipirinhuëꞌ, Yosë pochin nanpimiatapi huachi,” itërin Quisosori.

Romanos 8:17

Huiꞌninpoaꞌ niꞌton, naꞌcon naꞌcon catahuarinpoaꞌ. Aꞌna tahuëri yaꞌhuërinꞌpaꞌ noya acoarinpoaꞌ. Quisocristo noya acorinso pochin acoarinpoaꞌ canpoantaꞌ. Ina imarëhuaso marëꞌ aparisitopirinënpoahuëꞌ, inapochachin inarëꞌquënpoaꞌ noya noya yaꞌhuëcontarihuaꞌ.

Hebreos 10:34

Tashinan pëiquë poꞌmohuachinara, co tëꞌhuatomarahuëꞌ, nicapomaꞌ paꞌnamaꞌ. Paatomaꞌ, catahuaramaꞌ. Canpitantaꞌ imaramaso marëꞌ maꞌshanëmaꞌ osërëtopirinënquëmahuëꞌ, co sëtëramahuëꞌ. “Yosë chachin nohuitërëhuaꞌ. Nasha cancan quëtërinpoaꞌ. Co insontaꞌ nanitërinhuëꞌ inasoꞌ osërëtinpoasoꞌ,” taꞌtomaꞌ, nóya cancantëramaꞌ.

1 Pedro 1:4

Yosëꞌpaꞌ nani tapatërinpoaꞌ noya noya yaꞌhuëcontacaso marëꞌ. Inatohuaꞌ co mantaꞌ taꞌhuantarihuahuëꞌ. Co mantaꞌ nitapiarinhuëꞌ. Inaquësoꞌ co yanco pochin ahuirinhuëꞌ. Noya noya nisarin. Canpoa marëꞌ Yosëri acorin. Inari chachin niꞌsarin.

Apocalipsis 21:7

Sopai minsëhuatamaꞌ, yaꞌipi tapatëranquëmasopita quëchinquëmaꞌ. Huiꞌnahuëpita pochin niꞌsaranquëmaꞌ. Casáchin yonquiaramaco.

1 Samuel 2:8

Saꞌahuaroꞌsa anotopiso pochin aꞌnaquënso maꞌsha onpopi. Ina quëran opatërëso pochin Siniorori noya acoantarin. Aꞌnaquëontaꞌ, nosorotatona capacaiso marëꞌ huëyoroquë icaratopitërapi. Inapopisopitantaꞌ, Siniorori noya acoantarahuaton huaꞌanoꞌsapitarë ahuënsëarin. Inapotohuachina aꞌnapitarintaꞌ, noya niꞌpi huachi. Sinioroáchin yaꞌipiroꞌpaꞌ ninin. Inari chachin ipora yaꞌhuëarinquë acorin. Ina nohuanton yaꞌipi isoroꞌpaquë yaꞌhuërinsopita noyatarin.