Proverbios 7:3 - Chayahuita (Shahui)

³ Imisëranënpitaquë tonpoantëquëꞌ. Naporahuaton yonquinën quëran nitotëquëꞌ.

Proverbios 7:3 ပူးပေါင်းရင်းမြစ်များ

Proverbios 7:4

Saꞌina cancantopiso pochin yonquisoꞌ, cancantëquëꞌ. Quëmopinën pochin noya niꞌquëꞌ.

Isaías 30:8

Ina quëran Siniorosoꞌ camaiantatonco: “Iporasoꞌ nontë masahuaton, shaꞌhuitëranquënsopita ninshitëquëꞌ. Noya ninshitahuaton inaquë acoquëꞌ. Shaꞌhuirahuësopita nitotacaiso marëꞌ inaquë yaꞌhuëmiachin.

Jeremías 31:33

Naporo tahuëriꞌsa israiroꞌsarëꞌco anoyatohuato, iso pochin nisarahuë: Aꞌchintërahuësopita yonquinëna quëran anitotarahuë. Ina nitotohuachinaꞌ, noꞌtëquën natëtacaisoꞌ catahuararahuë. Casáchin chinotarinaco. Inapitanta piyapinëhuëpita nisapi.

2 Corintios 3:3

Aꞌchintohuatëinquëmara, noya natanatomaꞌ Quisocristo imaramaꞌ niꞌton, noya carta pochin ninamaꞌ. Quisocristo chachin ninshitërinsoꞌ. Ina cartasoꞌ co napisëquë ninshitërinhuëꞌ. Co naꞌpiquë tërantaꞌ ninshitërinhuëꞌ. Yosësoꞌ nanpimiatarin niꞌton, Ispirito Santo anoyacancantërinquëmaꞌ nóya nicacamaso marëꞌ.