Proverbios 7:2 - Chayahuita (Shahui)

² Aꞌchintatënquën camairanquënsopita natëquëꞌ. Yaꞌpira paꞌpoyarëso pochin inapita cancantohuatan, nanpiaran.

Proverbios 7:2 ပူးပေါင်းရင်းမြစ်များ

Salmos 119:144

Camaitëransopitasoꞌ, noꞌtëquënáchin camaitëran. Catahuaco yonquínahuan nicato yaꞌhuëꞌi.

Isaías 55:3

Huëcapairahuatomaco noya natancoꞌ. Natanpatamaco nanpiaramaꞌ. Tapi nosoroato nani shaꞌhuitërahuë. Ina nanicaso marëꞌ canpitaroꞌco anoyatomiatarahuë.

Jeremías 38:20

—Quëmasoꞌ sinioro chiníquën nanantëran. Co masarinënhuëꞌ. Onpopionta Sinioro anitotërinquënsoꞌ, natëquëꞌ. Inapohuatan noya chaꞌësaran.

Juan 14:21

Nani pënënanquëmasoꞌ nitotatomaꞌ natëhuatamaco, tëhuënchachin nosoroaramaco, tënahuë. Nosorohuatamaco, Tata Yosëntaꞌ nosoroarinquëmaꞌ. Carinquëmantaꞌ nosoroaranquëmaꞌ. Inápaquë panantaporahuëꞌ, cancanëma quëran nontaranquëmaꞌ. Noya noya nohuitaramaco,” itërin Quisosori.

Juan 15:14

Natëhuatamaco, tëhuënchachin nipayarahuëso pochin niꞌsaranquëmaꞌ.

Deuteronomio 32:10

Inotëro parti huëcasëhuaꞌ, nitotërin. Inaquëso noꞌpaꞌ, yanirosáchin. Apira apira ihuan paꞌnin. Napoaton iporëso pochin paꞌpoyarinpoaꞌ. Noya aꞌchintërinpoaꞌ. Yaꞌpira paꞌpoyarëso pochin nitërinpoaꞌ.

Apocalipsis 22:14

Huënainën quëran anoyacancantërinsopita nóya cancantaponaꞌ. Aꞌmopisoꞌ pëꞌsarëso pochin noyápiachin cancantapi. Inapitasáchin nanan yaꞌhuëtopi nanpirin nara nitërinsoꞌ capatonaꞌ, nanpimiatacaisoꞌ. Naporahuaton, nasha Quirosarinquë noya yaꞌconapi.