Proverbios 6:9 - Chayahuita (Shahui)

⁹ ¡Capayatëquë huachi chirotëꞌ! ¡Huënsëaton huachi maꞌsha niquëꞌ!

Proverbios 6:9 ပူးပေါင်းရင်းမြစ်များ

Proverbios 1:22

“Aꞌnaquëmasoꞌ, co chinoton yonquiátëraramahuëꞌ. ¿Onporo huarëta co chinotonhuëꞌ yonquiramaso naniantapomaꞌ? Aꞌnaquëmantaꞌ, narinatoma tëhuacamasoráchin cancantaramaꞌ. ¿Onporo huarëta ina pochin cancantëramaso aꞌpoapomaꞌ? Apínapichin yonquiramasopitantaꞌ, ¿Onporo huarëta nitoton nicacamaso nohuantapomaꞌ?

Proverbios 6:10

“Amashamiachin huëꞌëriꞌi,” tëcaton, nichiꞌhuara tanpatëran quëran huëꞌëantaran.

Proverbios 6:6

Aꞌnaquëmasoꞌ, chiroconamaꞌ. Paatoma canpitaso nipi niꞌconcoꞌ. Maꞌpitaso nisarinso nicatomaꞌ, cancan macoꞌ.

Proverbios 6:8

Piꞌipi tahuëri cosharonën yontonin. Sharoꞌsa macacaso tahuëriꞌsa cosharo yontonaton taparin.

Juan 1:6

Aꞌna quëmapi yaꞌhuërin, Coansha itopisoꞌ. Yosëri aꞌparin

Romanos 13:11

Yaꞌnan imarihuaꞌ: “Pahuanarin Quisocristo oꞌmantacasoꞌ,” tënëhuaꞌ. Iporaso nipirinhuëꞌ nani oꞌmantacasoꞌ tahuëri yaꞌcaritëriarin. Naporoꞌ nichaꞌësarinpoaꞌ. Napoaton ama huëꞌërëso pochin yonquicosohuëꞌ. Yosë noꞌtëquën natëcoꞌ.

Efesios 5:14

Tahuëri nipachina, yaꞌipi quënanëꞌ. Ninshitatona napopiso chachin ninin. “Co noyahuëꞌ nipatamaꞌ, huëꞌërëso pochin cancantaramaꞌ. Ama ina pochin cancantatomarahuëꞌ, Yosë yonquicoꞌ. Chimipi pochin cancantohuatamaꞌ, Yosë nontocoꞌ nasha cancan quëchinquëmaꞌ. Ina quëran nanpiantarëso pochin cancantaramaꞌ. Quisocristo chachin aꞌpintarinquëmaꞌ noya nicacamaso marëꞌ,” topi.