Proverbios 6:6 - Chayahuita (Shahui)

⁶ Aꞌnaquëmasoꞌ, chiroconamaꞌ. Paatoma canpitaso nipi niꞌconcoꞌ. Maꞌpitaso nisarinso nicatomaꞌ, cancan macoꞌ.

Proverbios 6:6 ပူးပေါင်းရင်းမြစ်များ

Proverbios 1:17

Inaira nani notëtohuachina topinan quëran huënson acorëꞌ.

Proverbios 13:4

Chirotëso maꞌsha nohuantopirinhuëꞌ, co sacatërinhuëꞌ niꞌton, co yaꞌhuëtërinhuëꞌ. Sacaton nipachinasoꞌ, noya yaꞌhuëaponaꞌ.

Proverbios 20:4

Shaꞌto tahuëri nipirinhuëꞌ, chirotëso co shaꞌtërinhuëꞌ. Macacaso tahuëriꞌsa huarëꞌ yonípirinhuëꞌ, co quëtaponahuëꞌ.

Proverbios 23:19

Pënënanquënsopita huaꞌhua, noya natanaton, yonquínahuan niquëꞌ. Noya nicacasoráchin cancantëquëꞌ.

Proverbios 6:9

¡Capayatëquë huachi chirotëꞌ! ¡Huënsëaton huachi maꞌsha niquëꞌ!

Isaías 1:3

Torosoꞌ, huaꞌanën nohuitërin. Morantaꞌ, huaꞌanëni pëi acotërinsoꞌ, nohuitërin. Israiroꞌsaso piyapinëhuëpita nipirinahuëꞌ, co nohuitërinacohuëꞌ. Co nohuitatonacohuëꞌ, co manta yonquipisohuë pochin niconpi.

Mateo 25:26

Napotohuachina, co noya niꞌninhuëꞌ. ‘Quëmasoꞌ co noyanquënhuëꞌ. Chiroton, co natërancohuëꞌ. Co noꞌtëquën yonquiranhuëꞌ. “Co sacataponahuëꞌ canaran,” ¿itëranco ti?

Mateo 6:26

Niꞌcoꞌ. Inairaroꞌsaꞌ co mantaꞌ shaꞌpihuëꞌ. Co maꞌsha shaꞌpisoꞌ macatonaꞌ, pëinënaquë acopihuëꞌ. Napoaponahuëꞌ, Tata Yosëri catahuarin. Ina nohuanton, cosharoꞌ quënanpi. ¡Canpitasoꞌ inapita quëran noya noya niꞌninquëmaꞌ!

Romanos 12:11

Ama chirotomarahuëꞌ, noya sacatocoꞌ. Yaꞌipi cancanëma quëran noya yonquiatomaꞌ, Yosë marëꞌ sacatocoꞌ.

Hebreos 6:12

Ama amitomarahuëꞌ, naꞌcon Yosë yonquicoꞌ. Noya natëpisopita nonancoꞌ. Inapitasoꞌ imamiatapi. “Yosë noꞌtëquën nontërinpoaꞌ,” taꞌtonaꞌ, noya natëapi. Maꞌsha onpoaponaraihuëꞌ, noya ahuantapi. Iráca Yosëri shaꞌhuitërinso chachin ninapi.