Proverbios 31:31 - Chayahuita (Shahui)

³¹ Nani maꞌsha nipachina, paꞌpi nóya ninin niꞌton, yaꞌipi piyapi natantonënquë noya nicatona natëapi. Huaꞌanoꞌsa quëran huarëꞌ, noya nicatona paꞌyatapi.

Proverbios 31:31 ပူးပေါင်းရင်းမြစ်များ

Proverbios 31:16

Noꞌpanta yapaꞌanpachina, noya nicaton paꞌanin. Canarinso coriqui quëran oparotërin.

Proverbios 31:30

Aꞌnaquën sanapi noyasha nonaponahuëꞌ, yanonpinin. Noyápiroyanchin nipirinaontaꞌ, topinan quëran. Sinioro noya nicaton natëhuachin tëhuëchinsoꞌ, noya nicatonaꞌ, paꞌyataponaꞌ.

Mateo 7:16

Napoaton noya yonquicoꞌ. Noya cancantohuachinaꞌ, noya nisapi. Co noyahuëꞌ cancantohuachinaꞌ, co noyahuëꞌ nisapi. Co noꞌtëquën aꞌchintarinënquëmahuëꞌ. Niꞌcoꞌ. Sharoꞌsaꞌ nitërin quëran nohuitërëhuaꞌ. Soꞌhuanpisoꞌ, co misëra nitërinhuëꞌ. ¡Shihuariontaꞌ co quëpa nitërinhuëꞌ!

Mateo 7:20

Nitërin quëran nara nohuitërëhuaꞌ. Inapochachin aꞌchinaꞌpiroꞌsaꞌ nohuitarëhuaꞌ. Noya cancantohuachinaꞌ, noya nisapi. Co noyahuëꞌ cancantohuachinaꞌ, co noyahuëꞌ nisapi. Co noꞌtëquën aꞌchinapihuëꞌ,” itërin.

Hechos 9:39

Napoaton Pitro inapitarëꞌ paꞌnin. Canconpachinara, inapa paꞌcotëquë quëpantapi. Inaquë naꞌa quëyoronoꞌsari tahuirapitahuatonaꞌ, naꞌnëtopi. Aꞌmopisopita Tapitacoꞌ iꞌhua pipitërinsoꞌ saꞌahuaroꞌsaꞌ quëtacaso marëꞌ aꞌnotopi.

Romanos 16:12

Imoya Tripina, Imoya Triposa, inapitantaꞌ saludos aꞌpatarahuë. Nani tahuëri piyapiꞌsaꞌ catahuapi Yosë imacaiso marëꞌ. Imoya Pirisitantaꞌ noya niꞌnahuë. Inantaꞌ naꞌcon piyapiꞌsaꞌ catahuarin niꞌton, saludos aꞌpatarahuë.

Romanos 16:6

Mariantaꞌ saludos aꞌpatarahuë. Naꞌcon catahuarinquëmaꞌ.

Filipenses 4:17

Ina marëꞌ noya cancantërahuë. Co coriqui quëtëramacoso marëáchin noya cancantërahuëꞌ. Catahuaramacoso marëꞌ Yosëꞌpaꞌ canaaramaꞌ niꞌton, noya noya cancantërahuë.

1 Timoteo 5:25

Inapochachin aꞌnaquën noya nipachina, yaꞌipi piyapꞌsaꞌ nitotopi. Aꞌnaquënsoꞌ nóya niponahuëꞌ, co aꞌnaroáchin nitotërëhuahuëꞌ. Oshaquëranchi inantaꞌ nitotarihuaꞌ.

Hebreos 6:10

Yosë co topinan anaꞌintarinquëmahuëꞌ. Iráca noya ninamaꞌ. Imapisopita nosoroatomaꞌ, catahuaramaꞌ noya imacaso marëꞌ. Ipora huantaꞌ noya ninosoroaramaꞌ niꞌton, co Yosë naniantarinquëmahuëꞌ.

Apocalipsis 14:13

Ina quëran inápa quëran noninsoꞌ natanahuë: —Apira shaꞌhuichinquën ninshitëquëꞌ: Insosona Sinioro imarinso marëꞌ chiminpachina, noya cancanchinaꞌ, tënin. Ina quëran Ispirito Santo tapon: —Tëhuënchachin Yosëꞌpaꞌ paꞌpachinaꞌ, chinotapi. Yosë marëꞌ sacatopi niꞌton, inápaquë canapi huachi, tënin.