Proverbios 31:25 - Chayahuita (Shahui)

²⁵ Maꞌsha onpoaponahuënta chiníquën cancantërin. Aꞌna tahuëri maꞌsona onpocasontaꞌ, co tëꞌhuatërinhuëꞌ.

Proverbios 31:25 ပူးပေါင်းရင်းမြစ်များ

Copo naporinso' 40:10

Chiníquën nanantonaꞌpi huaꞌansoꞌ, noyápiachin nitaparin. Ina pochin nitapahuatan: ‘Coposoꞌ yaꞌipiya quëran chini chiníquën nanantërin,’ tosapi.

Isaías 61:10

¡Sinioro yonquiato, capa cancantërahuë! Inasoꞌ Yosënëhuë niꞌton, acapacancaninco. Nichaꞌërinco niꞌton, naporahuë. Noꞌtëquën yonquinaꞌpi pochin acorinco. Saꞌanaꞌpi yancotë ayancotopiso pochin ninahuë. Nanonta soꞌyacaso marëꞌ nisha nishaquë nitaparinso pochin ninahuë.

Romanos 13:14

Sontaroꞌsaꞌ huaꞌna aꞌmopiso pochin Quisocristo yaꞌcopirinpoaꞌ ama sopai minsëinpoaso marëhuëꞌ. Napoaton Quisocristo naꞌcon yonquiatomaꞌ, ina pochachin cancantocoꞌ. Ina natëtomaꞌ, ama piꞌpian tërantaꞌ yonquicosohuëꞌ co noyahuëꞌ nicacamaso marëꞌ.

Efesios 4:24

Nasha cancan Yosë quëtërinpoaꞌ ina pochin cancantacaso marëꞌ. Napoaton nasha aꞌmorëso pochin nasha cancantocoꞌ. Noꞌtëquën yonquiatomaꞌ, noyasáchin nicoꞌ.

1 Timoteo 2:10

Aꞌmopisoꞌ ama naꞌcon naꞌcon yonquiꞌinasohuëꞌ. Noya nicacaisoꞌ naꞌcon naꞌcon yonquiꞌinaꞌ. Yosë imapi niꞌton, inaíchin chinochinaꞌ.

1 Timoteo 2:9

Sanapiꞌsantaꞌ noya niinaꞌ. Aꞌnaquën sanapiꞌsaꞌ nitapacaisoráchin yonquipi. Naꞌcon naꞌcon yanco nitonpomototopi, notohuaroꞌ miyo pëꞌpëpi, nisha nisha aꞌsontanpapi. Paꞌton nininsopita aꞌmocaisoꞌ paꞌyatopi. Ainën tapacaisoráchin yonquipi. Yosë imarinsopitaso nipirinhuëꞌ, ama inasáchin yonquiatonahuëꞌ, sano yonquiꞌinaꞌ. Ama piyapiꞌsari paꞌyatacaiso marëáchin nitapainasohuëꞌ.