Proverbios 31:17 - Chayahuita (Shahui)

¹⁷ Co chirotonhuëꞌ noya sacatërin.

Proverbios 31:17 ပူးပေါင်းရင်းမြစ်များ

Génesis 49:24

Quëmaso nipirinhuëꞌ, chini chiníquën tanpatëran. Pëꞌchinanënquë inimicoroꞌsa tëꞌyanantohuatan, co pacoitaranhuëꞌ. Yosë imarahuësoꞌ, chini chiníquën nanantërin. ¡Ina catahuarinquën inimicoroꞌsa minsëaran! Siniorosoꞌ ohuica huaꞌanën pochin niꞌton, aꞌpairinco. ¡Ina chachin quëmanta aꞌpaiatënquën catahuarinquën!

1 Reyes 18:46

Iniasësoꞌ, Siniorori achinirin. Aꞌmorinso amotoontarahuaton, sintoronquë noyá huëquëantërin. Inaporahuaton taꞌahuachina, Acapo naꞌhuëtërin. Inaꞌton Quisiriro ninanoquë canconin.

2 Reyes 4:29

Ina natanaton, piyapinën camairin: —Tapatahuaton pitananëhuë maquëꞌ. Ina quëran iso sanapi pëinënquë paquëꞌ. Inso tëranta nacapihuatan ama nontëquësohuëꞌ. Nontopirinënhuë tërantaꞌ, ama aꞌpaniquësohuëꞌ. Canconpatan, huaꞌhuasha yaꞌpirin aipi pitananëhuë acoquëꞌ, itërin.

Copo naporinso' 38:3

Iporaso chiníquën cancantëransoꞌ, aꞌnotoco niꞌi. Natanpatënquën: ¡Aꞌpanicona!

Proverbios 31:16

Noꞌpanta yapaꞌanpachina, noya nicaton paꞌanin. Canarinso coriqui quëran oparotërin.

Proverbios 31:18

Maꞌsha paꞌaninsopitanta anaꞌatacaso marëꞌ inaora chachin niꞌsárin. Tashirë chachin sacataton, nanparinëonta orotárin.

Isaías 44:12

Mamanshi nicaton huaꞌna camayo naporinso yonquiaꞌahuaꞌ. Inasoꞌ, pënquë huaꞌna ahuënocatërin. Huaꞌna patëtiinanquë martichoquë patëëtápaton yonquirinso chachin atarantërin. Tanpaquën chiníquën niꞌton, noya sacatërin. Inapoaso co coshatohuachinhuëꞌ, co huachi nanitaantarinhuëꞌ. Co iꞌsha oꞌopachinhuëꞌ, sanpatërin.

Lucas 12:35

Ina quëran taantarin: “Noya yonquiatomaꞌ, capayatërëso pochin cancantocoꞌ. Niꞌcoꞌ. Aꞌna patron saꞌacaso marëꞌ paꞌnin. Onporosona huënantacasoꞌ co piyapinënpita nitotopihuëꞌ. Napoaton noya nitaparahuatonaꞌ, nanparin iꞌchinpirahuatonaꞌ, ninarapi. Canquiton, onconan piꞌnihuachina, aꞌnaroáchin iꞌsoatacaisoꞌ yaꞌhuërin.

Efesios 6:10

Nani iyaroꞌsaꞌ pënënanquëmaꞌ. Yosë imatomaꞌ, nani tahuëri ina nontocoꞌ achinicancainquëmaꞌ. Inasoꞌ chini chiníquën nanantaton, yaꞌipi nanitaparin niꞌton, catahuarinquëmaꞌ.

Efesios 6:14

Napoaton chiníquën cancantatomaꞌ, panca sintoronquë nitonpotopiso pochin noꞌtën nanan naꞌcon nohuantocoꞌ. Ina imatomaꞌ, noꞌtëquën noncoꞌ. Co piꞌpisha tërantaꞌ nonpinacasoꞌ yaꞌhuërinhuëꞌ. Huaꞌna coton aꞌmopiso pochin noyasáchin nicoꞌ Yosë catahuainquëmaso marëꞌ.

1 Pedro 1:13

Napoaton chiníquën cancantatomaꞌ, yonquicoꞌ noya nicacamasoꞌ. Sano yonquicoꞌ. Quisocristo oꞌmantahuachin, inaora nohuanton, nichaꞌësarinpoaꞌ. Ina ninatomaꞌ, noya cancantocoꞌ.