Proverbios 31:15 - Chayahuita (Shahui)

¹⁵ Coꞌhuara tahuëriátërasohuëꞌ capayataton, huaꞌhuinpita, piyapinënpita, inapita aꞌcarin.

Proverbios 31:15 ပူးပေါင်းရင်းမြစ်များ

Proverbios 31:16

Noꞌpanta yapaꞌanpachina, noya nicaton paꞌanin. Canarinso coriqui quëran oparotërin.

Eclesiastés 9:10

Maꞌsona tëranta nicacasoꞌ yonquihuatan, yaꞌipi cancanën quëran niquëꞌ. Aꞌna tahuëri chiminpatan, co huachi manta nisaranhuëꞌ. Co manta yonquiaranhuëꞌ. Co inaquëso maꞌsha nitotërëhuëꞌ. Co inaquësoꞌ yonquínahuan ninëhuëꞌ.

Mateo 24:25

Nani shaꞌhuitëranquëmaꞌ ama naporo tahuëri nonpintinënquëmaso marëhuëꞌ.

Marcos 1:35

Tahuëririnquë coꞌhuara noya huënihuayantërasohuëꞌ, Quisoso huënsërahuaton ninano quëran pipirin. Co piyapi yaꞌhuërinquëhuëꞌ Yosë nontacaso marëꞌ inaoraíchin paꞌnin.

Lucas 12:42

Napotohuachina: “Niꞌcoꞌ iyaroꞌsaꞌ. Oꞌmacaꞌhuaso tahuëri aꞌna patron pochin nisarahuë. Inasoꞌ aquë yapaꞌpachina, inpriatonën noya natërinsoꞌ shaꞌhuitërin. ‘Piyapinëhuëpita noya niꞌquëꞌ. Cosharoꞌ, maꞌsha, inapita pahuantohuachinaꞌ, quëtëraꞌpiraquëꞌ,’ itahuaton paꞌnin.

Romanos 12:11

Ama chirotomarahuëꞌ, noya sacatocoꞌ. Yaꞌipi cancanëma quëran noya yonquiatomaꞌ, Yosë marëꞌ sacatocoꞌ.

Josué 3:1

Tahuëririnquë tashíramiachin Cosoisoꞌ Sitin quëran pipirin. Yaꞌipi israiroꞌsarë chachin pipirin. Paꞌsápatonaꞌ, Cortaniiquë canconpi. Canconahuatonaꞌ, nëꞌmëtë pëinëna ótëantapi. Sinioro camaitërinso ninacaiso marëꞌ inaquë yaꞌhuërapi.