Proverbios 3:9 - Chayahuita (Shahui)

⁹ Maꞌsha yaꞌhuëtërinquënsopita Sinioro noya nicaton quëtëquëꞌ. Shaꞌnansopita yaꞌnan cayarinsontaꞌ, quëtëquëꞌ.

Proverbios 3:9 ပူးပေါင်းရင်းမြစ်များ

Génesis 28:22

Iso naꞌpi onë pochin ahuanirahuësontaꞌ, quëma pëinën nisarin. Naporahuaton, yaꞌipi quëtëranco quëran, piꞌpian quëtáponquën. Shonca canahuato aꞌnara quëchinquën,” itërin.

Éxodo 34:26

Aꞌna tahuëri chinotamacoso pëi yaꞌhuëapon. Naporoꞌ sharoꞌsa yaꞌnan nitërinsoꞌ noya noyatërinsopita ca marëꞌ quëpaaramaꞌ. Chipoaꞌhuaroꞌsa ama aꞌshin shoꞌshoinënquë anpicosohuëꞌ,” itërin Siniorori.

Isaías 43:23

Co ohuicaroꞌsa ca marëꞌ tëpatoma yaꞌipi ahuiquitëramahuëꞌ. Aꞌnaquën maꞌsharoꞌsanta tëparahuatoma piꞌpian ahuiquitacaso nipirinhuëꞌ, co inaporamahuëꞌ. Co yonarin pochin nininso tëranta natananquëmahuëꞌ. Co inapita quëshiamacosoꞌ natanatënquëma apiranquëmahuëꞌ.

Levítico 19:25

Aꞌnatërápo piꞌipinquë tëhuënchinsoꞌ, noya huachi iroaramaꞌ. Inapohuatamaꞌ, shanëma naꞌcon naꞌcon nitapon. Caso Yosëco napotaranquëma niꞌton, natëco.

Mateo 25:17

Cato huaranca quëtërinsontaꞌ noya sacatërin. Inantaꞌ maꞌsha paꞌanahuaton, cato huaranca aquëtëꞌ canantarin.

1 Corintios 16:2

Nani Tomio tahuëri niyontonpatamaꞌ, coriqui acocoꞌ. Nanitëramasoꞌ acocoꞌ. Naꞌcon canahuatamaꞌ, naꞌcon quëtocoꞌ. Piꞌpian canahuatamaꞌ, piꞌpian quëtocoꞌ. Nani simana inapohuatamaꞌ, nicaponquëmaꞌ paꞌpato, coriqui yontonamasoꞌ quënanconarahuë.