Proverbios 3:7 - Chayahuita (Shahui)

⁷ “Caso caora noꞌtëquën yonquirahuë,” ama tëquësohuëꞌ. Sinioro noya nicaton natëquëꞌ. Inapoaton co noyahuëꞌ ninansoꞌ aꞌpoquëꞌ.

Proverbios 3:7 ပူးပေါင်းရင်းမြစ်များ

2 Samuel 12:20

Ina natanahuaton, huanirin. Amarahuaton nitaparin. Pimóton nininsoꞌ pashirin. Naporin. Inapo nitaparahuaton, Yosë caposonën acocaso marëꞌ nëꞌmëtë pëi nipiquë yaꞌconin. Inaquë Yosë chinotahuaton, pëinënquë paantarin. Capacaso natantohuachina, acotiipi caꞌnin.

Copo naporinso' 1:1

Oso parti itopiquë aꞌnara quëmapi yaꞌhuërin, Copo itopisoꞌ. Inasoꞌ noyasáchin nicaton, co manta tëhuërinhuëꞌ. Yosë noꞌtëquën natëton, co manta piyapiꞌsa maꞌsha onpotërinhuëꞌ.

Éxodo 20:20

—Ama paꞌyancosohuëꞌ, Yosë oꞌmarin tëniinquëmaso marëꞌ. Ina pochin yaꞌnotërinquëmaꞌ, ina tëꞌhuatatoma ama oshahuanamaso marëhuëꞌ, itërin.

Proverbios 23:4

Ama maꞌhuanacasoráchin cancantëquësohuëꞌ. Inaporanso aꞌporahuaton, sano cancantëquëꞌ.

Proverbios 8:13

Sinioro noya nicatoma natëhuatamaꞌ, co noyahuëꞌ ninamasopita co quëꞌyamaso yaꞌhuërinhuëꞌ. ‘Caso noya noyaco,’ topachinara, co quëꞌyarahuëꞌ. Nocantohuachinaꞌ, co noyahuëꞌ nipachinaꞌ, nonpinpachinaꞌ, inapohuachinarantaꞌ, co quëꞌyarahuëꞌ.

Romanos 11:25

Yosë yonquirinsoꞌ iyaroꞌsaꞌ shaꞌhuichinquëmaꞌ, noꞌtëquën nitotacamaso marëꞌ. Aꞌnapita co nitotopirinahuëꞌ, ama nocantamaso marëhuëꞌ shaꞌhuitaranquëmaꞌ. “Quiyasáchin noꞌtëquën yonquirai,” ama tocosohuëꞌ. Iporasoꞌ naꞌa nisha piyapinquëmaꞌ Yosë huëntonënquë yaꞌconaramaꞌ. Yaꞌipi Yosë nohuantërinquëmasopita yaꞌconamaquë huarëꞌ naꞌa israiroꞌsaꞌ co natantochináchinhuëꞌ cancantapi.

Romanos 12:16

Noya ninicatomaꞌ yaꞌhuëcoꞌ. Ama aꞌna piyapi tërantaꞌ nocancosohuëꞌ. Topinan piyapi pochin cancantatomaꞌ, yaꞌipiya catahuacoꞌ. Ama: “Casoꞌ naꞌcon naꞌcon nitotërahuë,” tocosohuëꞌ. Ama ina pochin yonquicosohuëꞌ.