Proverbios 3:28 - Chayahuita (Shahui)

²⁸ Ama apiratëquësohuëꞌ. “Aꞌna tahuëri nimara quëchinquën,” ama itëquësohuëꞌ. Yaꞌhuëtohuachinquën, quëtochinaquëꞌ.

Proverbios 3:28 ပူးပေါင်းရင်းမြစ်များ

Proverbios 27:1

Aꞌnaquëma co Yosë yonquiapomarahuëꞌ: “Tashiraya maꞌsha nisarahuë,” toconamaꞌ. Napopiramahuëꞌ, canpitaso co nitotëramahuëꞌ tashiraya maꞌsha onpocamasoꞌ.

Eclesiastés 11:6

Napoaton tashiramiachin shaꞌtëquëꞌ. Iꞌhuanahuanquëntaꞌ, shaꞌtaantaquëꞌ. Co nitotërëhuahuëꞌ insoso noyatapon nimara. Yaꞌnan shaꞌnëhuaso aꞌna nimara, piquëran shaꞌtërëhuaso aꞌna nimara. Cato chachin aꞌna nimara.

Eclesiastés 9:10

Maꞌsona tëranta nicacasoꞌ yonquihuatan, yaꞌipi cancanën quëran niquëꞌ. Aꞌna tahuëri chiminpatan, co huachi manta nisaranhuëꞌ. Co manta yonquiaranhuëꞌ. Co inaquëso maꞌsha nitotërëhuëꞌ. Co inaquësoꞌ yonquínahuan ninëhuëꞌ.

Levítico 19:13

Ama ahuëton nicosohuëꞌ. Ama ahuëtatomaꞌ, aꞌnapita maꞌshanëna matocosohuëꞌ. Sacato catahuarinëmasopita, naporo tahuëri chachin pahuërëcoꞌ.

2 Corintios 8:11

Naporoꞌ paꞌpi nohuantopiramahuëꞌ, iporasoꞌ coriqui yaꞌhuëtohuachinquëmaꞌ, noya cancantatomaꞌ, yontoncoꞌ ananicaso marëꞌ.

2 Corintios 9:3

Nipirinhuëꞌ, “Co yaꞌipi coriqui yontonchátërapihuëꞌ,” taꞌto, isopita iyaroꞌsaꞌ aꞌpataranquëmaꞌ nontinquëmaso marëꞌ. “Nani yontonapi huëshirahuë,” itopirahuëꞌ, ipora huantaꞌ pahuanamara. Co topinan quëran napotaꞌhuasoꞌ yaꞌhuërinhuëꞌ, tënahuë.

1 Timoteo 6:18

Naꞌa coriqui yaꞌhuëtohuachinquëmaꞌ, aꞌnapita nosoroatomaꞌ, catahuacoꞌ. Maꞌsha pahuantohuachina, quëtocoꞌ. Ama mantaꞌ apiracosohuëꞌ. Noya nicoꞌ.