Proverbios 3:24 - Chayahuita (Shahui)

²⁴ Chinotohuatan, co manta tëꞌhuataranhuëꞌ. Huëꞌëpatan, noya huëꞌësaran.

Proverbios 3:24 ပူးပေါင်းရင်းမြစ်များ

Salmos 127:2

Aꞌnaquën tashirë chachin sacatopi. Naporahuatona chiníquën sacatai huarëꞌ coshatopi. Napoaponaraihuëꞌ, co sano cancantopihuëꞌ. Yosë nosororëhuasopitasoꞌ, tashi noya huëꞌëpirëhuahuëꞌ, ina nohuanton noya cosharo yaꞌhuëtërinpoaꞌ.

Salmos 91:5

Tashinta co manta tëꞌhuatacaso yaꞌhuërinhuëꞌ. Tahuërinta pëꞌchinan quëran tëpainënpoasoꞌ co tëꞌhuatarihuahuëꞌ.

Proverbios 1:33

Inquëmaso napoaponahuëꞌ, noya natanatomaco natëtohuatamaꞌ, sano yaꞌhuëaramaꞌ. Co manta maꞌsha onpocasoꞌ tëꞌhuataramahuëꞌ,” tënin.

Isaías 54:14

Noꞌtëquënáchin nicatona chiníquën nanantaponaꞌ. Co inso tëranta huaꞌanëntarinquëmahuëꞌ niꞌton, co tëꞌhuaramahuëꞌ. Co tëꞌhuaatoma nisha nisha yonquiaramahuëꞌ.

Jeremías 31:26

Naporo chachin capayatato niꞌtërahuë. Huaꞌnarahuëso yonquiato, nóya cancantërahuë.

Ezequiel 34:15

Caora chachin ohuicanëhuëpita aꞌpaiarahuë. Nani coshatohuachinaꞌ, chinotacaiso marëꞌ quëpaantarahuë. Chihuëpisopita yonisarahuë. Ayapisopitantaꞌ, maantarahuato quëantararahuë. Paꞌhuëna yaꞌpanpachinaꞌ, tonpotarahuë. Caniaꞌpi nipisopitantaꞌ, nonënarahuë. Amonënoꞌsaꞌ, chiníquënoꞌsaꞌ, inapita quëran huarëꞌ noya aꞌpaiarahuë. Yaꞌipi inapita noꞌtëquën aꞌpaiarahuë. Ca Sinioroco shaꞌhuitaranquëmaꞌ.

Ezequiel 34:25

Noya yaꞌhuëcaiso marëꞌ inapitaroꞌco anoyatarahuë. Ca nohuanton niꞌniroꞌsa ayapon. Ama ohuicanëhuëpita apicaiso marëhuëꞌ napoapon. Inapohuato tananoꞌsaquë topinan huëꞌëponaꞌ. Co manta tëꞌhuatapihuëꞌ.

Ezequiel 34:27

Nararoꞌsantaꞌ, notohuaroꞌ nitapon. Shaꞌpisopitanta huaꞌhuayátërahuë macaponaꞌ. Napoatona ohuicanëhuëpitasoꞌ, yaꞌhuëpiquë chachin co tëꞌhuarëꞌna yaꞌhuëaponahuëꞌ. Nisha nisha parti piyapinëhuëpita asacatacaiso marëꞌ quëpapirinahuëꞌ, cari nichaꞌësarahuë. Inapotohuato, ca Sinioroco ninahuësoꞌ nitotapona huachi.

Hechos 12:6

Tashiraya pochin huaꞌani anaꞌintacasoꞌ nisahuasoꞌ, Pitro huëꞌësárin. Catoꞌ sontaroꞌsari ahuancoanapipi. Catoꞌ catinaquë tonpopi. Ahuënan quëran aꞌna sontarori nitonpotanpatërin. Inchinan quëran aꞌnarintaꞌ nitonpotanpatërin. Inapotahuatonaꞌ, yaꞌipi huëꞌësapi. Yaꞌcoanaquë catoꞌ sontaroꞌsa chachin tashinan pëiꞌ aꞌpairápirinahuëꞌ.