Proverbios 3:20 - Chayahuita (Shahui)

²⁰ Yonquínahuan niꞌton marëntaꞌ, aꞌna patonquë aꞌna patonquë pochin acorin. Ina nitotërin quëran poroncayonta huiꞌshirin.

Proverbios 3:20 ပူးပေါင်းရင်းမြစ်များ

Génesis 1:9

Ina quëran Yosë taantarin: “¡Yaniroꞌpaꞌ yaꞌnocaso marëꞌ piꞌiroꞌtëanaquë iꞌ yaꞌhuërinsoꞌ, inaquëráchin niyontoꞌin!” tënin. Topachina, inachachin yaꞌhuërin huachi.

Génesis 27:28

Yosë nontërahuë ina nohuanton oꞌnan yaꞌhuëchinquën. Shaꞌtohuatan noya noya nitacaso marëꞌ yaꞌhuëchinquën. Aꞌnapita nitërinsoꞌ mapi quëran, noya noya maquë quëmasoꞌ. Notohuaroꞌ trico nitërinsoꞌ maquë capamasoꞌ. Notohuaroꞌ huinonta yaꞌhuëchinquën oꞌocamasoꞌ.

Génesis 7:11

Naporoꞌ Noisoꞌ, saota pasa piꞌi, cato yoqui, shonca canchisë tahuëritarin. Naporo chachin isoroꞌpaꞌ huëncharoatë pochin ninin. Marënta acoporo yaꞌhuërinsoꞌ, pipimiatërin. Naporahuaton inapaquëntaꞌ, iꞌ yaꞌcopinamën yaꞌhuërinso niiꞌsoatërin. Napohuachina, paꞌpi iꞌ isoroꞌpaquë anotimarin.

Proverbios 8:24

Coꞌhuara marëroꞌsaꞌ, iiroꞌsaꞌ, noꞌpaꞌ quëran iꞌsha pipirinsopita, inapita yaꞌhuëyátëraponhuëꞌ, caꞌton acorinco.

Jeremías 14:22

Inpioroꞌsasoꞌ, nisha nisha mamanshiroꞌsa moshapi. Co inapita nohuanton oꞌnaninhuëꞌ. ¡Co piꞌiroꞌtë tëranta nohuanton oꞌnaninhuëꞌ! Quëma Sinioro Yosënëhuëinquën niꞌton, oꞌnan aꞌpaimaran. Quëma nohuanton yaꞌipi inapita yaꞌhuërin. Napoaton quëmasáchin ninarainquën, itërahuë.

Joel 2:23

Quirosarinquë yaꞌhuëramasopitantaꞌ, capa cancantocoꞌ. Yaꞌipi Cota huëntonquë yaꞌhuëramasopita, noya cancantocoꞌ. Sinioroso Yosënënpoa niꞌton, ina yonquiatoma noya cancantocoꞌ. Ina nohuanton nohuantasëhua chachin oꞌnaantarin. Iráca, tahuërinënquë chachin oꞌnaninso pochin niaantarin.

Deuteronomio 33:28

Israiroꞌsanpoasoꞌ, co manta tëꞌhuatarihuarahuëꞌ yaꞌhuëarihuaꞌ. Shiparinpoapitantaꞌ, napoaponaꞌ. Shaꞌpatëhuaꞌ, notohuaroꞌ tricoro yaꞌhuëapon capacasoꞌ. Notohuaroꞌ oparo yaꞌhuëapon oꞌocasoꞌ. Co onporonta oꞌnan pahuantarinpoahuëꞌ.