Proverbios 24:7 - Chayahuita (Shahui)

^7-16 (-)

Proverbios 24:7 ပူးပေါင်းရင်းမြစ်များ

Copo naporinso' 31:21

Co onporo tëranta saꞌahuaroꞌsa noꞌhuito, maꞌsha onpotaꞌhuasoꞌ shaꞌhuitërahuë. ‘Coisëroꞌsa noya nicatonaco, co anaꞌintaponacohuëꞌ,’ tëcaporahuë tëranta Yosë tëꞌhuatato co inapotërahuëꞌ.

Copo naporinso' 5:4

Inaponaꞌpi huiꞌninpitasoꞌ, co incari catahuaarinhuëꞌ. Coisëroꞌsarinta naꞌcon naꞌcon anaꞌintohuachinaꞌ, co inso tëranta ina marëꞌ nonsarinhuëꞌ.

Salmos 127:5

Naꞌa shinërë yaꞌhuëtërinpoaso pochin naꞌa huiꞌnahuanpatëhuaꞌ, capa cancantarihuaꞌ. Inimiconënpoapita coisëquë quëpahuachinpoaꞌ, co atapanarinënpoahuëꞌ.

Proverbios 31:23

Soꞌiontaꞌ, ninanonënquë naní quëran nohuitopi. Yaꞌhuërinso noꞌpaquëntaꞌ, noya nicatona natëpi.

Isaías 32:6

Co noyahuëꞌ nipisopitasoꞌ, naponin nonaponaꞌ. Yonquinënaquë co noyahuëꞌ nicacaisoꞌ yonquiapi. Mantanta nicatonaꞌ, co Yosë pënëntërinsoꞌ natëpihuëꞌ. Sinioropita yanonpinapipitërapi. Tanapisopita co aꞌcapihuëꞌ. Yamoropisopitantaꞌ, co yaoꞌshitopihuëꞌ.

Amós 5:10

Aꞌnaquën coisëroꞌsa noꞌtëquën shaꞌhuipi. Canpitariso napoaponahuëꞌ, co quëꞌyaramahuëꞌ. Quënaninsoꞌ noꞌtëquën shaꞌhuinaꞌpiroꞌsantaꞌ, co quëꞌyaramahuëꞌ. Ina marëꞌ canpitasoꞌ, ¡maꞌhuantacha nisarama paya!

Amós 5:12

Paꞌpi co noyahuëꞌ ninamasopita caso nitotërahuë. Oshahuanamasontaꞌ, co pichinahuanhuëꞌ niconin. Noya nipisopita ihuaramaꞌ. Maꞌhuanoꞌsa pahuërëhuachinquëmara, co huachi noꞌtëquën anaꞌintëramahuëꞌ. Coisëroꞌsanta maꞌhuanoꞌsa catahuapi niꞌton, popriyaroꞌsara anaꞌintopi.

Amós 5:15

Co noyahuëꞌ ninamasopita noꞌhuicoꞌ. Noya nicacamasoso nipirinhuëꞌ, paꞌyatocoꞌ. Nanan anoyatahuatamaꞌ, noꞌtëquënáchin shaꞌhuicamasoꞌ cancantocoꞌ. Tapona naporamaso marëꞌ carayanquëma chaꞌëramasoꞌ, Yosë nosoroápirinquëmahuëꞌ. Inasoꞌ Sinioro. Yaꞌipi nanitaparin.

1 Corintios 2:14

Aꞌnaquënso nipirinhuëꞌ piyapi yonquirinsoráchin nitotatonaꞌ, co nohuantopihuëꞌ Yosë nanamën natanacaisoꞌ niꞌton, tëhuaconpi. Ispirito Santoráchin catahuarinpoaꞌ natëtacasoꞌ. Napoaton co imarinsopitasohuëꞌ natanaponaraihuëꞌ, co nanitopihuëꞌ noꞌtëquën yonquicaisoꞌ.