Proverbios 24:21 - Chayahuita (Shahui)

^21-34 (-)

Proverbios 24:21 ပူးပေါင်းရင်းမြစ်များ

2 Samuel 18:8

Yaꞌipi ina tanan nani chachin niahuëpi. Napoaponahuëꞌ, co Tapi sontaronënpitariáchin ina nápo tiquirinhuëꞌ. Tanani naꞌcon naꞌcon napotërinsoꞌ.

1 Reyes 1:49

Ina natanahuatonaꞌ, Atoniasëri përarinsopitasoꞌ, paꞌyanpi. Napoatona aꞌnaroáchin yanquëpi.

1 Reyes 12:16

Copirnori napotërinsoꞌ Israiro huaꞌanoꞌsasoꞌ, natanpi. Ina natanatonaꞌ: “¡Coꞌchi natërinpoahuë paya!” topi. Napoatona copirno chiníquën nontopi: “Tapi quëran pipipisopita, co huachi huaꞌanëntiincoiso yaꞌhuërinhuëꞌ. Quisi chiminpachina maꞌshanënpita Tapiri manin. Co ina quëran canpoasoꞌ maꞌsha tëranta manëhuahuëꞌ. Ma topinanta shinpita natëráparihuaꞌ. Napoaton, ¡huëco patahua huachi! Sacataton inantaꞌ, huiꞌninpita nocomaꞌin,” itopi. Napotatonaꞌ, inapitaso yaꞌhuëpiꞌpaꞌ paꞌpi huachi.

Éxodo 14:31

Siniorori chiníquën nanantaton iquipitoroꞌsa anaꞌintërin. Ina niꞌsahuatonaꞌ, israiroꞌsasoꞌ Yosë tëꞌhuatopi: “Tëhuënchachin Yosë catahuarinpoaꞌ. Moisësëntaꞌ, ina natëton catahuarinpoaꞌ,” taꞌtona natëtopi huachi.

Mateo 22:21

—Noma copirno chachin, itopi. —Copirno coriquinën niꞌquëhuarëꞌ, quëtantacoꞌ. Naporahuaton, Yosë nininpoaꞌ niꞌton, huaꞌanëntërinpoaꞌ. Yaꞌipi cancanëma quëran ina natëcasoꞌ yaꞌhuërin, itërin.

Tito 3:1

Imapisopita nani nitotopirinahuëꞌ, inachachin quëmarintaꞌ pënëantaquëꞌ. “Copirno natëcoꞌ,” itëquëꞌ. Yaꞌipi copirno acorinsopitantaꞌ natëcasoꞌ yaꞌhuërin. Noya nicacaisoꞌ yonquiꞌinaꞌ.

1 Samuel 24:6

Ina quëran piyapinënpita sacaronquë itapon: —¡Siniorori Saono huayonin copirno nicacaso marëꞌ! Napoaton carisoꞌ, co ina tëpaꞌhuaso nanitërahuëꞌ, itërin.