Proverbios 24:20 - Chayahuita (Shahui)

²⁰ Co noyahuëꞌ nipisopitasoꞌ, co noya quëran taꞌhuantaponahuëꞌ. Nanparin tacopirinso pochin inapitaso taꞌhuantaponaꞌ.

Proverbios 24:20 ပူးပေါင်းရင်းမြစ်များ

Salmos 37:2

Iporasoꞌ mini noya yaꞌhuëapi. Napopirinahuëꞌ, pasto pochin nisapi. Pasto nipotohuatëra ahuirin. Inapochachin inahuantaꞌ, aꞌnanaya taꞌhuantaponaꞌ.

Proverbios 13:9

Noya nipisopitasoꞌ, aꞌpiánahuaninso pochin nisapi. Co noyahuëꞌ nipisopitaso nipirinhuëꞌ, nanparin tacopirinso pochin nisapi.

Mateo 25:8

Noya yonquirinsopitasoꞌ taꞌpantohuachinara, noya orotërin. Aꞌnapitaso nipirinhuëꞌ iꞌchinpitopirinahuëꞌ, yatacopiconpi. Napohuachinara: ‘Taꞌpantocoi quiyantaꞌ iꞌchinpiꞌi. Nani quiyasoꞌ tacopiarin,’ topirinahuëꞌ.

Mateo 8:12

Aꞌnaquëmaso nipirinhuëꞌ, “Quiyantaꞌ Yosë piyapinënpitacoi,” topiramahuëꞌ, co natëramahuëꞌ niꞌton, co huaꞌanëntërinquë yaꞌconaramahuëꞌ. Tashinanquë tëꞌyatarinquëmaꞌ. Inaquë naꞌnëaramaꞌ, chiníquën parisitarama huachi, itërin Quisosori.

Judas 1:13

Pamantaꞌ yonquicoꞌ. Panca pamatohuachina, notohuaroꞌ saꞌpoꞌ, amoroꞌ, inapita quënin. Nonpinaꞌpiroꞌsasoꞌ, ina pochin co sano cancantopihuëꞌ. Co noyahuëꞌ nipi niꞌton tapanacaso nipirinhuëꞌ, co nitotapanpihuëꞌ. Ina marëꞌ Yosëri anaꞌintarin. Tayorantaꞌ yonquicoꞌ. Anotohuachina, tacopirin. Co huachi aꞌpininhuëꞌ. Inapochachin nisha aꞌchinaꞌpiroꞌsantaꞌ, tashinanquë paꞌmiatapi. Quisocristo aꞌpohuachinaꞌ, parisitopiquë pacacasoꞌ yaꞌhuërin huachi.