Proverbios 24:19 - Chayahuita (Shahui)

¹⁹ Co noyahuëꞌ nipisopita yonquiaton, ama noꞌhuitëquësohuëꞌ. Naꞌa maꞌsha yaꞌhuëtohuachinaꞌ, ama noyapatëquësohuëꞌ.

Proverbios 24:19 ပူးပေါင်းရင်းမြစ်များ

Salmos 1:1

Cancanënpoa quëran huarëꞌ Yosë imapatëhuaꞌ, noya niꞌsarinpoaꞌ. Ina marëꞌ tëhuënchachin noya cancantarihuaꞌ. Co noyahuëꞌ nipisopitasoꞌ, yaanishacancantërinënpoaꞌ. Yainapotohuachinënpoaꞌ, ¡ama natëahuasohuëꞌ! Oshahuanoꞌsa napopisoꞌ, ¡ama nonanapatahuasohuëꞌ! Aꞌnaquënsoꞌ, Yosë yatëhuapi. ¡Co inapita payacaso yaꞌhuërinhuëꞌ!

Salmos 37:1

Ama co noyahuëꞌ nipisopita yonquiaton noꞌhuitëquësohuëꞌ. Naꞌa maꞌsha yaꞌhuëtohuachinaꞌ, ama noyapatëquësohuëꞌ.

Salmos 73:3

Co noyahuëꞌ nipisopita noyaparahuë. Inapitaso nocanatonpoa co noyahuëꞌ nipirinahuëꞌ, noya noya yaꞌhuërapi. Ina yonquiato co noyahuëꞌ yonquipirahuëꞌ.

Proverbios 13:20

Yonquínahuanoꞌsarëꞌquën nipayapatan, yonquínahuan nisaran. Co noyahuëꞌ yonquipisopitarëꞌquën nipayapatan, nitapicancanaran.

Proverbios 24:1

(-)

Proverbios 24:18

Naporinso marëꞌ noya ancantohuatan, co Sinioro costaponhuëꞌ. Co costatonhuëꞌ, anaꞌintërinso tananpitapon.

2 Corintios 6:17

Ina quëran Siniorori itantarin: “Aꞌnaquën co noyahuëꞌ cancantohuachinaꞌ, ama inapitarëꞌquëmaꞌ nipayacosohuëꞌ. Co noyahuëꞌ yonquipisoꞌ tananpitocoꞌ. Inapotohuatamaꞌ, noya niꞌsaranquëmaꞌ.

Efesios 5:11

Aꞌnaquën tashi pochin cancantatonaꞌ, co noyahuëꞌ nipi. Topinan quëran yaꞌhuërapi niꞌton, ama inapita pochin cancantocosohuëꞌ. Noꞌtëquën shaꞌhuitocoꞌ co noyahuëꞌ nipisopita naniantacaiso marëꞌ.

Apocalipsis 18:4

Ina topachina, inápa quëran aꞌnari itërin: —Yaꞌipi imaramasopita pënënaranquëmaꞌ, natanco. Niꞌcona papironiaroꞌsaꞌ anishacancantochinënquëmaꞌ. Ina quëran pipiramaso pochin nicatomaꞌ, ama inapita pochin cancantocosohuëꞌ. Co noyahuëꞌ nipatamaꞌ, Yosë anaꞌintarinquëmaꞌ canpitantaꞌ.