Proverbios 23:30 - Chayahuita (Shahui)

³⁰ Co inso napoarinhuëꞌ. Noꞌpicasoáchin cancantopisopita napoaponaꞌ. Nisha nisha oꞌoi yapiꞌnipisopita napoaponaꞌ.

Proverbios 23:30 ပူးပေါင်းရင်းမြစ်များ

Génesis 9:21

Aꞌna tahuëri Noi huino oꞌoton, noꞌpirin. Noꞌpiton, nëꞌmëtë pëinën huáncana notataton, iꞌnanpirashitë quëhuëánin.

Proverbios 20:1

Huinoso paꞌyatohuatëra, co panorohuanhuëꞌ acorinpoaꞌ. Máin oꞌopatëra, anishacancantërinpoaꞌ. Noꞌpiraoꞌ maꞌsha nipatëra, co manta noya nisarëhuahuëꞌ.

Proverbios 23:20

Oꞌocaisoráchin, capacaisoráchin cancantopisopitarëꞌquën, ama nipayaquësohuëꞌ.

Isaías 28:7

Samariaroꞌsa huino oꞌotona pisan pisan toconpi. Máin paꞌyatatonaꞌ, inpan inpan toconpi. Inapita pochachin corto huaꞌanoꞌsaꞌ, pënëntonaꞌpiroꞌsaꞌ, inapitanta ina pochin oꞌotona noꞌpirápi. Huino oꞌosápatona naponin yonquipi. Inapitasoꞌ huaꞌnarëso pochin quënantacaiso nipirinhuëꞌ, maꞌsona nicacasoꞌ shaꞌhuicaiso nipirinhuëꞌ, noꞌpirahuëroꞌsa niꞌton, co Siniorori anitotërinhuëꞌ.

Amós 6:6

Huino oꞌotoma noꞌpiráramaꞌ. Noya noya huaꞌsaiꞌ pashiramaꞌ. Canpitaso taꞌhuantochináchin nisapiramahuëꞌ: “Maꞌta pini,” toconamaꞌ.

Efesios 5:18

Aꞌnaquën noꞌpicasoáchin cancantopi. “Huëcoꞌ noꞌpiahuaꞌ. Capa cancantahuaꞌ,” nitopirinahuëꞌ. Ama canpitasoꞌ noꞌpicosohuëꞌ, nishacancantotamaꞌ. Yosë nontocoꞌ Ispirito Santo noyá yaꞌcoancanchinquëmaꞌ. Nani tahuëri yaꞌcoancantomiachinquëmaꞌ. Ina quëran co noꞌpipomarahuëꞌ, tëhuënchachin capa cancantomiataramaꞌ.