Proverbios 23:24 - Chayahuita (Shahui)

²⁴ Yonquínahuan nisahuaton noya huiꞌnapi nipachin, noꞌtën chachin paꞌpinsoꞌ, noya cancantarin. “Ma noyacha huiꞌnahuë yaꞌhuëtërinco paya,” taꞌcasonta nanitërin.

Proverbios 23:24 ပူးပေါင်းရင်းမြစ်များ

1 Reyes 2:9

Ipora quëmarisoꞌ ama huachi nichaꞌëquësohuëꞌ. Yonquínahuanquën niꞌton, maꞌsona onpotacasoꞌ nitotaran. Inaporinso marëꞌ ama noya chiminchinsohuë antaꞌ,” itërin.

Filemón 1:20

Napoaton iyasha ninshitaranquën. Quisocristo imaran niꞌton, Onisimo nosoroquëꞌ. Noya nontohuatan, cantaꞌ nóya cancantarahuë. Inapoaton, achinicancanco topirahuëꞌ.

Filemón 1:9

Nani casoꞌ mashotërahuë. Quisocristo imarahuëso marëꞌ tashinan pëiquë poꞌmorinaco. Napoaton iyasha nosoroatanco, Onisimontaꞌ nosoroquëꞌ, tënahuë. Tashinan pëiquë yaꞌhuasoco, inasoꞌ niꞌquirinco. Co huiꞌnahuë chachinhuëꞌ nipirinhuëꞌ, pënënpatëra, inantaꞌ Quisocristo imarin niꞌton, huiꞌnahuë pochin niꞌnahuë.