Proverbios 23:21 - Chayahuita (Shahui)

²¹ Oꞌonaꞌpiroꞌsaꞌ, coshatonoꞌsaꞌ, inapitaso popriyataponaꞌ. Yaꞌipi chirotëroꞌsaꞌ, paꞌpiyaráchin aꞌmoponaꞌ. Napoaton co inapitarëꞌquën nipayacaso yaꞌhuërinhuëꞌ.

Proverbios 23:21 ပူးပေါင်းရင်းမြစ်များ

Joel 1:5

Noꞌpirahuëtënquëmaꞌ, ¡huënsëco huachi! Huino paꞌyatëramasopita, sëtatoma naꞌnëcoꞌ. Oparoroꞌsa sëquërëri pëꞌyarin niꞌton, co huachi huino nicacaiso yaꞌhuërinhuëꞌ.

Mateo 11:19

Caso nipirinhuëꞌ, Yosë quëran quëmapico niporahuëꞌ coshatërahuë, oꞌorahuë. Ina marëꞌ pinoramaco cantaꞌ. ‘Quisoso coshatárin, oꞌopatárin. Oshahuanoꞌsarëꞌ nipayarin. Copirno marëꞌ coriqui maꞌpatonaꞌpiroꞌsarëntaꞌ nipayarin,’ toconamaꞌ. Nisha nisha yonquiconamaꞌ. Aꞌnaquënso nipirinhuëꞌ noya yonquiatonaꞌ, Yosë natëapi huachi. Noꞌtëquën pënënahuë niꞌton, noꞌtëquën yonquiapi huachi,” tënin Quisoso.

1 Corintios 5:11

Aꞌnaquënso nipirinhuëꞌ. “Cantaꞌ imarahuë,” taponahuëꞌ, monshihuanárin. Aꞌnantaꞌ apirarin. Aꞌnaquëontaꞌ ipora huantaꞌ mamanshi moshararin. Aꞌnapitantaꞌ pinotapi, noꞌpirapi, ihuatapi, naporapi. Napoaponaraihuëꞌ: “Quiyantaꞌ imarai,” topi. Ama inapitarëꞌquëmaꞌ nipayacosohuëꞌ. Yosë nonpintapi niꞌton, ama inapitarëꞌquëmaꞌ coshatocosohuëꞌ.

1 Corintios 6:10

Aꞌnaquëontaꞌ maꞌsha ihuatopi, apirapi, noꞌpipi, pinotopi. Aꞌnaquën aꞌnapita ahuëatonaꞌ, maꞌshanënaꞌ matopi. Yaꞌipi co noyahuëꞌ nipisopita co Yosë huaꞌanëntërinquë yaꞌcoanpihuëꞌ.

Gálatas 5:21

Co noyahuëꞌ yonquihuachinara, aꞌnapita maꞌshanënpita noyapatonaꞌ, noꞌhuipi. Noꞌpipi, pitaroꞌsaquë caꞌmiatopi, oꞌomiatopi, aꞌnaratipita nipi. Iráca pënënanquëmaꞌ. Iporantaꞌ pënëantaranquëmaꞌ. Inapohuatamaꞌ, co Yosë huaꞌanëntërinquë yaꞌconaramahuëꞌ. Ina pochin nipisopita co Yosëꞌpaꞌ pantarapihuëꞌ.

Filipenses 3:19

Inapitasoꞌ co Quisocristo nanamën imapihuëꞌ. Maꞌsona tërantaꞌ yanipachinara, nipi. Ina marëꞌ tapanacasoꞌ yaꞌhuëpirinhuëꞌ, co tapanpihuëꞌ. “Nohuantato, napoarahuë,” toconpi. Isoroꞌpaquë yaꞌhuërinsopitaráchin yonquipi. Aꞌna tahuëri pënquë parisitomiatapi.