Proverbios 22:4 - Chayahuita (Shahui)

⁴ Sano piyapi nicatëhua Yosë natëhuatëhuaꞌ, maꞌhuanacasoꞌ, huaꞌqui nanpicasoꞌ, noya nicainënpoasoꞌ, inapita quënanarihuaꞌ.

Proverbios 22:4 ပူးပေါင်းရင်းမြစ်များ

Proverbios 22:3

Yonquínahuansoꞌ, huëꞌhuëpiro nininsoꞌ tantiarin. Napoaton coꞌhuara maꞌsha onpoyátëraponhuëꞌ, yaꞌhuincarin. Naponin yonquipisopitaso nipirinhuëꞌ, co inapoatonahuëꞌ, maꞌsha onpocasoꞌ quënapatopi.

Proverbios 22:5

Co noyahuëꞌ nisápatëhuasoꞌ, huënsonquë maꞌsha manëso pochin maꞌsha onpoarihuaꞌ. Noya yonquihuatëhuaso nipirinhuëꞌ, co noyahuëꞌ ninëhuasopita aꞌpoatëhuaꞌ, noya nicarihuaꞌ.

Proverbios 3:16

Inchinan quëran ihuëtatë pochin huaꞌqui tahuëri nanpicasoꞌ quëtarinpoaꞌ. Ahuënan quëran ihuëtatë pochin maꞌhuanacasoꞌ, noya nicatënënpoa natëinënpoasoꞌ, inapita quëtarinpoaꞌ.

Proverbios 31:30

Aꞌnaquën sanapi noyasha nonaponahuëꞌ, yanonpinin. Noyápiroyanchin nipirinaontaꞌ, topinan quëran. Sinioro noya nicaton natëhuachin tëhuëchinsoꞌ, noya nicatonaꞌ, paꞌyataponaꞌ.

Isaías 33:6

Ina nohuanton chachin inaquë noya yaꞌhuëaponaꞌ. Inaquë yaꞌhuëpisopitasoꞌ, yonquínahuan nicatonaꞌ, nitotonoꞌsa nicaponaꞌ. Inapoatona chaꞌëponaꞌ. Sinioro tëꞌhuatatona natëpi niꞌton, maꞌsha paꞌton nininsoꞌ quënanëso pochin nipi.

Daniel 4:36

Naporo chachin noya yonquiantarahuë. Yaꞌipi huaꞌanëntërahuëso huaꞌanëntaantarahuë. Naporahuaton noya nicatonaco piyapinëhuëpita natëantarinaco. Ayonquirinacosopita, chiníquën nanantopisopita huaꞌanoꞌsa acorahuësoꞌ, inapita huëcapairahuatonaco, yoniantarinaco. Naquëranchin copirno yaꞌcoantarahuato, iráca chiníquën nanantërahuë quëran, chini chiníquën nanantaantarahuë.

Mateo 6:33

Napoaton Yosë naꞌcon naꞌcon yonquicoꞌ. Aꞌnapitantaꞌ catahuacoꞌ huaꞌanëntërinquë yaꞌconacaiso marëꞌ. Yosë nontocoꞌ noyasáchin yonquicamaso marëꞌ. Ina pochin cancantohuatamaꞌ, catahuarinquëmaꞌ. Ina nohuanton, maꞌsha pahuantërinquëmasopita yaꞌhuëtarinquëmaꞌ.

1 Timoteo 4:8

Nani tahuëriya sacatohuatëhuara, chinipirëhuahuëꞌ, noya noya Yosë imacasoꞌ yonquihuatëhuaꞌ, achinicancaninpoaꞌ. Achinicancanpachinpoaꞌ, noya noya nisarëhuaꞌ, tënahuë. Noya noya imapatëhuaꞌ, isoroꞌpaquë noya nanpiarëhuaꞌ. Aꞌna tahuërintaꞌ Yosëꞌpaꞌ nanpimiatarihuaꞌ.

Santiago 4:10

Yaꞌipinquëmaꞌ, aꞌnaya aꞌnayanquëmaꞌ, Yosë chachin niꞌsárinquëmaꞌ. “Caora Sinioro co nanitërahuëꞌ noya nicaꞌhuasoꞌ. Catahuaco,” topatamaꞌ, anoyacancantarinquëmaꞌ. Ina pochin cancantohuatëhuaꞌ, noya noya acoarinpoaꞌ.

Santiago 4:6

Sacaiꞌ Yosëíchin yonquicaso nipirinhuëꞌ, inari chachin inaora nohuanton catahuarinpoaꞌ ina pochin cancantacasoꞌ. “Caora noya ninahuë,” topatëhuaꞌ, co Yosë noya niꞌsarinpoahuëꞌ. Nipirinhuëꞌ, “Co caora nanitërahuëꞌ noya nicaꞌhuasoꞌ. Catahuaco Sinioro,” topatëhuaꞌ, Yosë catahuarinpoaꞌ. Nosoroatonpoaꞌ, catahuarinpoaꞌ, tënin Yosë quiricanënquë.