Proverbios 20:7 - Chayahuita (Shahui)

⁷ Aꞌnaquën noyasáchin nicatonaꞌ, co manta yaihuatopihuëꞌ. Napopisopita huiꞌninpitaso paꞌpina chiminpirinahuëꞌ, noya yaꞌhuatona capa cancantaponaꞌ.

Proverbios 20:7 ပူးပေါင်းရင်းမြစ်များ

Génesis 17:7

Quëmarëꞌco ipora nani anoyatërahuë. Shiparinpitarëꞌconta aꞌna tahuëri anoyatarahuë. Yosënënco niꞌto, catahuaráponquën. Shiparinpitanta inapotápo.

Copo naporinso' 1:1

Oso parti itopiquë aꞌnara quëmapi yaꞌhuërin, Copo itopisoꞌ. Inasoꞌ noyasáchin nicaton, co manta tëhuërinhuëꞌ. Yosë noꞌtëquën natëton, co manta piyapiꞌsa maꞌsha onpotërinhuëꞌ.

Salmos 15:2

Noya nipisopitaráchin nanitopi inaquë yaꞌhuëcaisoꞌ. Aꞌnapita noꞌtëquën yonquirapicaso yaꞌhuërin. Noꞌtën nanansáchin yonquiatëhuaꞌ, noꞌtëquënáchin nonacaso yaꞌhuërin.

Salmos 37:26

Nani tahuëri piyapiꞌsa nosoroaton maꞌsha aꞌnanin. Huiꞌninpitanta noya niꞌtonaꞌ, noya catahuatapi.

Isaías 33:15

Aꞌnaquën noꞌtëquënáchin yonquiatonaꞌ, noꞌtëquënáchin nonpi. Co piyapiꞌsa maꞌsha onpotatona maꞌhuanpihuëꞌ. Maꞌsha yanicanapirinahuë tërantaꞌ, noꞌtëquën anaꞌintopi. Tëpatacaso marëꞌ shaꞌhuitopirinahuëꞌ, co nohuantopihuëꞌ. Co noyahuëꞌ nicacaisoꞌ, co piꞌpian tëranta yonquipihuëꞌ. Napopisopitasoꞌ, noya yaꞌhuëaponaꞌ. Natëtëanaroꞌsaquë yaꞌcopiinamën acorinso pochin nisapi. Cosharoꞌ, oꞌoi, inapita co pahuantapihuëꞌ.

Lucas 1:6

Cato chachin noya Yosë imapi. Yaꞌipi pënëntërinsoꞌ noꞌtëquën natëpi.

Hechos 2:39

Yosë nohuanton, Ispirito Santo aꞌpatimarinpoaꞌ. Canpitantaꞌ yaꞌcoancantarinquëmaꞌ. Huiꞌnamapitantaꞌ yaꞌcoancantarin. Aꞌnaquëontaꞌ aquë yaꞌhuëpirinahuëꞌ, Yosë nohuanton, imasapi. Imapachinaꞌ, Ispirito Santori yaꞌcoancantarin inahuantaꞌ, itërin.

2 Corintios 1:12

Yosë niꞌsárincoi niꞌton, noꞌtëquën shaꞌhuitarainquëmaꞌ. Co piꞌpian tërantaꞌ nonpintërainquëmahuëꞌ. Noyápiachin cancantatoi, yaꞌipi parti aꞌchinai. Co quiyaora yonquinëhuëi quëran aꞌchintërainquëmahuëꞌ. Yosë inaora nohuanton, catahuarincoi niꞌton, noya ninai. Ina marëꞌ noya cancantërai.