Proverbios 20:6 - Chayahuita (Shahui)

⁶ Naꞌa piyapiꞌsa nonpachinara: “Caso noya piyapico,” topi. Napopirinahuëꞌ, noꞌtëquënáchin nonaꞌpisoꞌ, co aꞌnaya tëranta quënanëhuëꞌ.

Proverbios 20:6 ပူးပေါင်းရင်းမြစ်များ

Proverbios 20:5

Poꞌoana quëran maꞌsha nicacaisoꞌ yonquihuachinara, anpo acopoiꞌ nanimarinꞌpaꞌ iꞌsha yaꞌhuërinso pochin ninin. Yonquínahuan nipisopitaso nipirinhuëꞌ, nanitopi ina yonquipiso noꞌtëquën tantiacaisoꞌ.

Proverbios 27:2

Noya nipiranhuë tëranta ama ina marëꞌ, “caso noya noyaco,” tëquësohuëꞌ. Aꞌnapita naporapihuachinquën tëhuënchinsoꞌ, noya nisaran.

Miqueas 7:1

(-)

Mateo 6:2

Maꞌsha saꞌahuaroꞌsaꞌ quëtohuatamaꞌ, ama aꞌninquëchin quëtocosohuëꞌ. Aꞌnaquën niyontonpiso pëiquë yaꞌconahuatonaꞌ, coriqui saꞌahuaroꞌsa marëꞌ quëtopirinahuëꞌ, aꞌninquëchin quëtopi. ‘Ina marëꞌ noya niꞌsarinacoi,’ taꞌtonaꞌ, napopi. Cachiquëntaꞌ coriqui quëtopi piyapiꞌsari nicacaiso marëꞌ. Co tëhuënchachin nosoroaponaraihuëꞌ, napopi. Piyapiꞌsarisoꞌ noya niꞌpirinahuëꞌ, Yosërisoꞌ co noyahuëꞌ niꞌnin. Co inápaquë acanaarinhuëꞌ, tënahuë.

Lucas 18:11

Parisiosoꞌ huanirahuaton, sacaronquë Yosë nontërin: ‘Tata Yosë, yanontëranquën. Casoꞌ noyaco. Ina marëꞌ noya niꞌnanco niꞌton: “Yosparinquën,” itëranquën. Co aꞌnapita pochincohuëꞌ. Co ihuatërahuëꞌ. Co nonpinahuëꞌ. Co monshihuanahuëꞌ. Pasoꞌ quëmapi co noyahuëꞌ. Caso nipirinhuëꞌ co ina pochincohuëꞌ.

Lucas 18:28

—Niꞌquëꞌ Sinioro, quiyasoꞌ yaꞌipi maꞌshanëhuëi patahuatoi, imasarainquën, itërin Pitrori.

Lucas 18:8

Tahuëri nanihuachin, aꞌnaroáchin anaꞌintarin. Napoaponahuëꞌ oꞌmantahuato, ¿naꞌa yaꞌpitaꞌmaꞌ natëarinaco quënaimapo to?” itërin Quisosori.

Lucas 22:33

—Sinioro, co casoꞌ aꞌpoaranquënhuëꞌ. Tashinan pëiquë poꞌmohuachinënquën, cantaꞌ yaꞌcoꞌin. Yatëpapirinacohuëntaꞌ, co tëꞌhuatarahuëꞌ, tënin Pitro.

Juan 1:47

Natanino yaꞌcarirahuasoꞌ, Quisosori quënanin. —Pasoꞌ quëmapi niꞌcoꞌ. Israiromia chachin inasoꞌ. Co piꞌpisha tërantaꞌ nonpininhuëꞌ, itërin Quisosori.

2 Corintios 12:11

Nisha aꞌchinaꞌpiroꞌsaꞌ paꞌyatëramaꞌ niꞌton, huaꞌyantërinso pochin nontëranquëmaꞌ. “Paono nóya aꞌchintërincoi,” itëramaꞌ naporini, co ina pochin cantaꞌ nonacaꞌhuasoꞌ yaꞌhuëꞌitonhuëꞌ. “Quiyasoꞌ noya noyacoi,” itopirinënquëmahuëꞌ, co ca quëran noya noyahuëꞌ inahuasoꞌ. Co caora nanitaporahuëꞌ, Quisocristo catahuarinco niꞌton, noya ninahuë.