Proverbios 20:3 - Chayahuita (Shahui)

³ Co noyahuëꞌ yonquipisopitasoꞌ, aꞌnaroáchin nanan ocoipi. Insosona co napohuachinhuëꞌ, paꞌyatatona pincarotaponaꞌ.

Proverbios 20:3 ပူးပေါင်းရင်းမြစ်များ

Génesis 13:7

Apran pëꞌtahuanën aꞌpaipisopita, Noto pëꞌtahuanën aꞌpaipisopitarëꞌ, pasto niapiratatona yáninoꞌhuipi. Naporosoꞌ, cananoꞌsaꞌ, huirisiroꞌsaꞌ, inapitanta inaquë chachin yaꞌhuërapi.

Génesis 13:8

Napoaton aꞌna tahuëri Aprani Noto itapon: “Canposoꞌ, quëmopinpo ninëꞌ. Co canpo capini ninoꞌhuicaso yaꞌhuërinhuëꞌ. Co piyapinënpopitantaꞌ, ninoꞌhuicaiso yaꞌhuërinhuëꞌ.

Efesios 4:32

Yaꞌipi piyapi noya nontocoꞌ. Nosoroatomaꞌ, catahuacoꞌ. Maꞌsha onpotohuachinënquëmaꞌ, ama ina yonquicosohuëꞌ. Quisocristo imaramaꞌ niꞌton, Yosë oshanëmaꞌ inquitërinquëmaꞌ. Canpita marëꞌ chiminin niꞌton, nanan anoyatërinquëmaꞌ. Inapochachin canpitantaꞌ aꞌnapita maꞌsha onpotohuachinënquëmaꞌ, nanan anoyatatomaꞌ, noya nontocoꞌ.

Santiago 3:14

Aꞌnaquënso nipirinhuëꞌ aꞌnapita apiratatonaꞌ, nocanpi. Inahuara nohuantopisoráchin yonquiatonaꞌ noꞌhuitápi. Ina pochin cancantohuatamaꞌ: “Casoꞌ noyaco,” ama tocosohuëꞌ. Co noꞌtëquën yonquiramahuëꞌ. Nonpiánamaꞌ.

Santiago 4:1

¿Onpoatomataꞌ ninoꞌhuitomaꞌ, yaniahuëramaꞌ? tënahuë, yonquiato. Canpitaora cancanëma quëran nisha nisha maꞌsha nohuantëramaꞌ niꞌton, co noyahuëꞌ cancantëramaꞌ. Nipaꞌyatacasoáchin yonquiramaꞌ. Napoaton ninoꞌhuiramaꞌ.