Proverbios 15:7 - Chayahuita (Shahui)

⁷ Yonquinahuanoꞌsaso nonpachinara, piyapiꞌsa yonquínahuan acoapi. Yaꞌhuërëꞌ co yonquinahuanoꞌsahuëꞌ nonpachinara, anishacancantopi.

Proverbios 15:7 ပူးပေါင်းရင်းမြစ်များ

Salmos 37:30

Noya nipisopitasoꞌ, yonquínahuan nonpi. Noya coisë pochin noꞌtëquën nonpi.

Proverbios 15:2

Yonquinahuanoꞌsa nonpachinara, natanpisopitasoꞌ yonquínahuan nicaponaꞌ. Co yonquinahuanoꞌsahuëꞌ nonpachinara, anishacancantapi.

Proverbios 15:6

Aꞌnaquënso co ihuatochináchinhuëꞌ, cancantopi. Inaporinsopitasoꞌ, notohuaroꞌ maꞌsha pëinënquë yaꞌhuëtërin. Co noyahuëꞌ nipisopitaso nipirinhuëꞌ, naꞌcon canapirinahuëꞌ, co inari catahuarinhuëꞌ.

Proverbios 15:8

Co noyahuëꞌ nipisopita Yosë marëꞌ maꞌsha acopisoꞌ, Yosëri co noyahuëꞌ niꞌsarin. Noya nipisopitari nontohuachinasoꞌ, noya natanaton catahuarin.

Mateo 10:27

Iporasoꞌ co yaꞌipi piyapiꞌsaꞌ aꞌchintarahuëꞌ. Carayanquëma tërantaꞌ canpitaora quëparahuatënquëmaꞌ, naꞌcon aꞌchintaranquëmaꞌ. Aꞌna tahuëriso nipirinhuëꞌ yaꞌipi piyapi aꞌninquëchin shaꞌhuitocoꞌ nitochinaꞌ.

Mateo 12:34

Canpitaso nipirinhuëꞌ, yaꞌhuan pochin cancantatomaꞌ yanonpinamaꞌ. Co noyahuëꞌ yonquiatomaꞌ, co nanitëramahuëꞌ noya nonacamasoꞌ. Onpopinsona cancantëramasoꞌ, nonama quëran piyapiꞌsa anitotaramaꞌ.

Marcos 16:15

Ina quëran itaantarin: “Yaꞌipi parti, iyaroꞌsaꞌ, pacoꞌ. Yaꞌipi piyapiꞌsaꞌ noya nanan carinquëmaꞌ shaꞌhuitëranquëmasoꞌ shaꞌhuitocoꞌ.

Efesios 4:29

Ama taparoꞌ noncosohuëꞌ. Ama maꞌtoma maꞌtoma noncosohuëꞌ. Sano yonquiatomaꞌ, noya noncoꞌ aꞌnapita natanatënquëmaꞌ, Yosë yonquiꞌinaꞌ. Noya noya imacaso marëꞌ catahuacoꞌ.

2 Timoteo 2:2

Piyapiꞌsaꞌ niyontonpachinara, Yosë nanamën aꞌchintërahuë. Quëmantaꞌ natanan. Inapochachin quëmantaꞌ caraíchin quëmapiꞌsaꞌ huayonahuaton, ina nanan chachin aꞌchintantaquëꞌ. Noya natërinsopita aꞌchintëquëꞌ. Inahuanta aꞌnapita aꞌchintacaiso marëꞌ inapotëquëꞌ.

Santiago 3:6

Nanamënpoasoꞌ pën pochin ninin. Paꞌpi co noyahuëꞌ ninin. Ina marëꞌ oshahuanëhuaꞌ. Sopai chachin camairinpoaꞌ co noyahuëꞌ nonacasoꞌ. Nanamënpoa quëran nipinorëhuaꞌ, ninoꞌhuirëhuaꞌ. Maꞌtëhuaꞌ maꞌtëhuaꞌ nonëhuaꞌ. Co noyahuëꞌ nonpatëhuara, nitapicancanarëhuaꞌ.