Proverbios 15:6 - Chayahuita (Shahui)

⁶ Aꞌnaquënso co ihuatochináchinhuëꞌ, cancantopi. Inaporinsopitasoꞌ, notohuaroꞌ maꞌsha pëinënquë yaꞌhuëtërin. Co noyahuëꞌ nipisopitaso nipirinhuëꞌ, naꞌcon canapirinahuëꞌ, co inari catahuarinhuëꞌ.

Proverbios 15:6 ပူးပေါင်းရင်းမြစ်များ

Salmos 37:16

Aꞌnaquën inpioroꞌsa niponaraihuëꞌ, notohuaroꞌ maꞌhuanpi. Noya piyapisoꞌ piꞌpian yaꞌhuëtaponahuëꞌ, noya noya ninin.

Proverbios 15:5

Co yonquinahuanhuëꞌ nipachin, co paꞌpini tëranta pënënaton anaꞌintacaso nohuantërinhuëꞌ. Noya natanpachinsoꞌ, yonquínahuan nisarin.

Proverbios 15:7

Yonquinahuanoꞌsaso nonpachinara, piyapiꞌsa yonquínahuan acoapi. Yaꞌhuërëꞌ co yonquinahuanoꞌsahuëꞌ nonpachinara, anishacancantopi.

Proverbios 3:33

Co noyahuëꞌ nipisopita yaꞌhuëtopisopitasoꞌ, Yosëri co noyahuë yonquirapiton noꞌhuirin. Noya nipisopita huaꞌanëntërinsosoꞌ, noya nicaton, noya yonquirapirin.

Proverbios 8:21

Nosororinacosopitasoꞌ, noꞌpaꞌ huaꞌanëntacaiso marëꞌ cari quëtëraꞌpiapo. Paꞌton nininsopita tapapiquëntaꞌ, cari amëntatëraꞌpiapo.

Hebreos 11:26

Copirno huiꞌnin pochin niꞌton, nohuantërin naporini, Iquipito parti naꞌcon canaitonhuëꞌ, co ina nohuantërinhuëꞌ. Yosë naꞌcon naꞌcon yonquirin. “Aꞌna tahuëri Cristo oꞌmaton, nichaꞌësarinpoaꞌ. Iporasoꞌ ina marëꞌ aparisitopirinacohuëꞌ, Yosëꞌpaꞌ noya noya acanarinco,” taꞌton, noya ahuantërin.