Proverbios 15:4 - Chayahuita (Shahui)

⁴ Noyasha nonpatëra, nanpirin nara pochin ninëꞌ. Naponin nonpatëraso nipirinhuëꞌ, piyapiꞌsa asëtërëꞌ.

Proverbios 15:4 ပူးပေါင်းရင်းမြစ်များ

Proverbios 15:3

Siniorosoꞌ yaꞌipi parti yaꞌhuëarin. Noya nipisopita, co noyahuëꞌ nipisopitanta yaꞌipi niꞌsárin.

Proverbios 15:5

Co yonquinahuanhuëꞌ nipachin, co paꞌpini tëranta pënënaton anaꞌintacaso nohuantërinhuëꞌ. Noya natanpachinsoꞌ, yonquínahuan nisarin.

Proverbios 3:18

Yonquínahuan nipatëhuaꞌ, nanpirin nara caꞌnëso pochin ninëhuaꞌ. Yonquínahuan ninëhuaso coꞌsoꞌ aꞌpohuatëhuahuëꞌ, tëhuënchachin capa cancantarihuaꞌ.

Malaquías 4:2

Noya nicatomaco natëramacosopitaso nipirinhuëꞌ, noya coisë pochin ninahuësoꞌ, niꞌsaramaꞌ. Piꞌi aꞌpinpachina aꞌninquëchin maꞌsha quënanëso pochin niꞌsaramaꞌ. Naporoꞌ canpitaso nichaꞌësaranquëma niꞌton, capa cancantaramaꞌ. Ohuacaꞌhuaroꞌsa oncorapipi quëran iꞌsohuatohuachinara, niirëꞌnachin taꞌapiso pochin cancantaramaꞌ.

1 Timoteo 6:3

Quisocristo noꞌtëquën aꞌchintërinpoaꞌ. Natëhuatëhuaꞌ, noya noya cancantarihuaꞌ. Aꞌnaquënso nipirinhuëꞌ Sinioro nanamën co natëtonahuëꞌ, nisha aꞌchinpi. Nonpin nananoꞌsaꞌ aꞌchinapi.

Apocalipsis 2:7

Imaramaco niꞌton, Ispirito Santo chachin nontarinquëmaꞌ. Huëratëhuanpatamaꞌ, noya natanatomaꞌ, yonquicoꞌ. Sopai minsëhuatamaꞌ, Yosëꞌpaꞌ yaꞌhuëmiataramaꞌ. Inatohuaꞌ nanpirin nara nitërinsoꞌ caꞌpatamaꞌ, noya noya nanpimiataramaꞌ. Nani huachi,” itëquëꞌ, ninshitohuatan, itërinco Quisoso.